LUKAS 16:21 - Allah Wene Fano Wene Hupla Inane

²¹ Fei wagunem wengik logolik, endawimo nen he, ap kain mene a'nogo amburu nunggunem enggen pilelogo o hulumo pugunem andogorogo nalabut ninghogo ninggi logoile e, iluk anggikhi logolik were'ma, mene we'luk he, oumo ebene omanogo ameli nen melanget higik ninggi lagaikhe.

LUKAS 16:21 Iomraidhean Croise

MATIUS 15:27

A'nogo yagatikhemo, at he a'nogo nen he, ”I Noe. Eberogoat egen meneat he, at amene eisewerek andi sumburu e meja talek oba nunggunem, enggen weagarogo kweangma pikhe halok he, mene andi nen ninggeregaro,” yagatikhe.

MARKUS 7:28

A'nogo yagatikhemo, at he a'nogo nen he, mel yagatikhe: ”I noe. Eberogoat egen. Mene re, yenggerugwi nen sumburu e meja talek oba ninggi logolik enggen weagarogo nen pelakfugunem he, mene meja a'ma logolik ninggeregaro,” iluk isikhemo re,

LUKAS 16:20

Meneat he, ap ekhe enggi lek mene enu Lazarus, ebene oumo mondok hokhorogo welagaikhe mene, ap kain enggi werek mene a'nogo awi kweba andoma fei waga lagaukwa.

LUKAS 16:22

A'nogo ninggi logolik were'ma, at Lazarus enggi lek mene a'nogo wa'lagaikhe. Wa'lagaikhemo re, it malaikat pogoroba Allah nen yonggo pelakfisa wagarek mene omanogo ekhe wagaukwasik, ebe waluk he, ap Abraham era'lu fei lagaukwa. Fei lagaukwama nen he, hobuk ap kain enggi werek mene a'nogo wa'lagaikheat. Wa'lagaikhemo re, kweangma salhukwa.

YOHANES 6:12

Inalabut ninghogo nasukwama re, at agoromi ane wanhi lagaukwa mene omanogo yagaisikhi logolik he, mel yagaisasikhe: ”Sumburu nenggasik ando tindelogo herakfisaga mene aroma alomat lasinogo nen he, misi'mo andogorogo feni o,” iluk yagaisasikhemo re,

1 KORINTUS 4:11

Nit o fageat a'lima nen yogondak huli, sumburu inom, i inom, neleat welagorek. A'nogo logolik, ninasu legat were'ma yei ninoatu kwelek, ninaiba le'ma, o yi awi ti awi nikhi lago.

2 KORINTUS 11:27

Yi mene ti mene faget set kwil-kwalhogo hilingitik, hundik-handigat nogo neluk nogo igik, sumburu inom, i inom, legen nele welagik, hundik-handigat sumburu ninggi'legat welagik, nasu legen sogoi noatik, o koma nogo u heat agik, ikhi lagagisigat.