LUKAS 16:2 - Allah Wene Fano Wene Hupla Inane

² A'nogo yagatukwama, at kain a'nogo nen amingmingengge mene a'nogo wolhasikhemo wagaikhemo re, mel yagatikhe: Hat hilingiti lagen mene nesanggo holhi andi re, ninggi'nogo hilingiti lagen. Yogondak hat an naiba yoma logolik an nagarek fisogo logogin lek hilingi'mo re, fisogo logolik hilingiti lagen mene lisu palek mene andi pilingisogo yaganesimbik he, wo'nom o, iluk yagatikhe.

LUKAS 16:2 Iomraidhean Croise

PENGKHOTBAH 12:14

Nit mondogaren hilingiti lago mene andoma At Allah nen ayo wurogo pilingninabigin, Wene weak mene inom fano mene inom andi nen hinago werek mene andoma mondogat ayo wusigin.

MATIUS 12:36

Halok he, an wene yagahisagain mene yi eberek logoino. Hobuk Allah nen inanema waganogo wene inoba figik, kotik, igin andi sambul he, afuni inane we tulemat agarek mene andi faget wene inoba fagain aro.

MATIUS 20:8

A'nogo inayonggo fesikhemo lagaukwama, o arat hu'mo agaikhemo re, ap eabu eisewerek a'nogo nen, it ap omanogo yabu hilingitu kwelek kwelaginarek welagaikhe mene ekhe mel yagatikhe: Ap yabu hilingiri'lagwi mene omanogo wolisa lan o. Wagaikha halok he, it hobuk kwaga mene andi tak onggo wogisaluk he, it attak kwaga mene andi onggo hobuk wogisanogo, iluk yagatikhe.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

LUKAS 12:42

at ninoe Enupogot Yesus nen he, mel yagatikhe: ”Ap kain mene ekhe againafuri yerinarek logolik inamburu nogoin mene wogisogoin higithogo wogisikhi logouwageluk, at amingmingengge mene ayonggo fugunem endawimo kagalek logolik obabut oe ane igin mene higithogo hilingiterek andi sa hangge anggegen. At andi oe andi nen, menfuluk lagarego.

LUKAS 16:1

A'nogo yagaisasikhesik he, hobuk, at Yesus nen agoromi ane wanhi lagaukwa mene omanogo yagaisikhi logolik he, mel yagaisasikhe: ”Ap kain ekhe amingmingengge mene nen oe agarek yi mene ti mene fisogo were'ma re, it afuni ekhe nen he, at oe a'nogo yagati logolik: Hat hamingmingengge mene andi nen he, hagarek omanogo mondok hesanggeat sumbut-sambathogo hilingiri'logo o, iluk yagatukwa.

LUKAS 16:3

A'nogo yagatikhemo, at amingmingengge a'nogo endawimo nen he: Noe nen, an naiba logolik nagarek fisogo logogin lek. Wulak nobagagin, ikhe andi, an ninggi'nogo hilingisigin. Wulaknobagaikhe halok, an yabu helikhi logogin he, nenggi maben. Nen, nambe kino weak yagaisilik nikhi logogin he, nenggali o.

ROMA 14:12

Hobuk he, ninebe lombogen, ”An yi'nogo hilingitigimo, ti'nogo hilingitigimo,” iluk, wene fakhogo at Allahat yagasugun o.

1 KORINTUS 1:11

Nerugwi, nagaila'lak. Wene a'nogo igi andi re, afuni he Kloe were'ma nen wagaikhasik he, yi'nogo agama: ”It-irat wene pali'lagwi o,” iluk fakhogoat yaganesi wagaikhama nen yagahisigi o.

1 KORINTUS 4:2

It ap kaindek inagarek yi mene ti mene it inamingmingengge mene inenggiba logouwageluk inobabut palogo nen, inobabut lenurek mene halogat fisagarek.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

1 TIMOTIUS 4:14

Hat faget fageat it ap Allah againafuri kwelaginarek welagaikharek mene nen inenggi hunggul oba sebelhu kwelek, it ap Allah ane yagaisagarek mene nen mel isukwa andi: ”Hat hobuk yi'nogo hilingiti logoino,” iluk, yagahetukwa higithogo, Allah obabut fano nen ninobabut tomok wo'nisikherek a'nogo hat wokhetikhe mene andiba hilingiti'lek hobakhenene herakfisaguno.

1 TIMOTIUS 5:24

It ekhe weak hilingitarek mene andi wene inoba figik, kotik, agarek oba oan lagi'le'ma, weinam agarek andi. Nen, it ekhe weak hilingitarek mene sebelek logombigen hobuk weinam asigin mene werego.

1 PETRUS 4:10

At Allah obabut fano nen, ninebe lombok ninobabut hunogo tomok wo'nisasikhe higithogoat, hinebe lombogen andi mene fano eise logolik, hit-hit lebet-lebet ikhi logoino o.

1 PETRUS 4:5

Meneat he, at Allah nen, afuni ineluk mene inom, wa'lagaukwa mene inom, inanema waganogo wene inoba figik, kotik, igeluk endawimo anggikhesik werek. A'nogo wene inoba fugunem, iren, wene inoba koruogeluk, ”Nit yi'nogo hilingiti lagagu, ti'nogo hilingiti lagagu,” iluk yagatunem elo'lek asigin weregaro.

WAHYU 20:12

A'nogo legagu kwelek, afuni wa'lagaukwa mene inenuwerek inom, inenu lek mene inom, at kain obuluk oba werek a'nogo elokhoma mendek were'ma isigi. A'nogo werek kwelek, suesingga mondogat fikhalhik, suesingga ekhe afuni ineluk mondok logouwageluk fanorinabigin mene halok inenu lisu palek mene fikhalhik, ikhi laga. A'nogo fikhalhaluk, it afuni wa'lagaukwa mene inobabut hilingiti lagaukwa mene suesingga andomaba lisu palek mene higithogoat wene inoba figik, kotik, ikhi laga higi.