LUKAS 15:21 - Allah Wene Fano Wene Hupla Inane

²¹ A'nogo hilingitikhemo, at amlogo a'nogo nen he, mel yagatikhe: Neisena! An he, at Allah pogoroba mene a'nogo inom, hat inom, hineil salogo weak hilingiti o. A'nogo hilingitiri'mo re, yi an namlogo, iluk hobuk igin mondok elo'lego, iluk yagatikhe.

LUKAS 15:21 Iomraidhean Croise

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

YEREMIA 3:13

We haren fageti logolik, An neisena Tuhan Allahba weak hilingitik, Ane sagalogo figik, ikhi lagi iluk fagesigin andi fano o. Nen, haren fageti logolik he, An he e engga hikhogo wilibik mene a'makwe andoma nen tugwi kembu it inunggulenu amu mene nen obaget hilingitarek mene omanogo ninom pailak hilingiti lagi o, nen neisena Tuhan ane hologo hilingiti lagagi lego, iluk fage'no. Nen An Tuhan nane mondogat igi o,” iluk yagaisalan ikhemo yagahisa wagi o, isikhe.

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

LUKAS 15:20

A'nogo anggasikhesik, o welagaikheba a'nogo hebisaluk he, eisena a'nogo oba wesigeluk oan wagunem, at eisena a'nogo nen yatma wagu kwelek eilenggen yethasikhesik he, endawinggen abolok isikhesik, fungusek lagaikhesik he, obakhe felikhogo hai ambe saluk-saluk watikhe.

LUKAS 15:22

A'nogo yagatikhe meneat he, at eisena a'nogo nen amingmingengge mene omanogo yagaisikhi logolik he, mel yagaisasikhe: Lambik he, su fano mene a'nogo waluk weak-weak labetfei wagik, senggan fano mene enggimo ikfei wagik, sepatu eiso'ma ikfei wagik, weak-weak ini o.

ROMA 2:4

”At Allah obabut fano mondok, enago lioksek,” iluk, hinendawimo sebelfikhi lageba? Hit hinendawimo nen he, ”Allah obabut fano nen nit weak hilingiti lago mene herakfisaluk ninobabut hebelasuageluk, ninendawimo kagalherek,” iluk hinonggot nogo? Hinelu aro.

1 KORINTUS 8:12

Hinerugwi hinagaila'lak inendawinggen oan mene ineil salogo weagerinafik, inendawimo kagalhik, ikhi lagep andi re, Kristus ebeat eil salogo hilingiti lagebo.