LUKAS 15:16 - Allah Wene Fano Wene Hupla Inane

¹⁶ Lakfesikhemo andoma logolik he, endawimo nen he, nalabut ning uagen he, sumburu asing ibilik wam ninggerek mene andi ninggi logoile o, iluk anggasikhe meneat he, wogeti lagaukwa le'ma,

LUKAS 15:16 Iomraidhean Croise

AYUB 30:4

O leimo omanogo nen he iren engga oaget sanokhogo waluk he, engga inom ebe inom mondogat ninggi lagaukwa.

MAZMUR 142:4

An noba lebelek agu sambul he an nen hilingisigin mene Hat mondogat helu welagen. Ebekwe an lagain iluk hilingiti lagikwe omanogo it naselei mene nen linglong an nobaget hele yebet fili'lagwi.

MAZMUR 73:22

an nebe mondok kembu nen o, Hat helokhoma wam higit logolik, hilingiti lagagi.

YESAYA 44:20

A'nogo hilingiri'lago mene andi re wul age nenggarek andi hakhogo hilingiri'lago. Ap andi re onggwarek weakhogo wenggeli'lago andiba lalfakhugunem he at oba lebetha lekhak ari'lago. Aren he e alik waganogo enggiba werek mene andi re lalnabi'lagongge werek iluk he fut fili'lago lek.

YESAYA 55:2

Yi mene ti mene hinoba homot hinobagaikherek lek mene faget huniti lagep andoma re ninggi nogoluk nogo? Nen hinoba homothinobagaikherek lek mene faget yabu hilingirik hobalik laga lagep andoma re nenahalok nogo? An nen hilingi'ni iluk yagahisikhi lagi mene andi higithogo hilingisugun halok, hiren fano mene nek ninggi logogun o, nen enduk fano fanonggeba isagongge ninggi logogunat.

YESAYA 57:3

Oba nen he hit hinunggulenu weak mondok hilingiti lagep mene yoma re hinawene katokhogo palhinabuakhogo re we'ni o! Hit he ap hareise nen hilingitarek mene inom, babi hilingitarek mene inom, onggo wo'nisoageluk yanani hilingitarek mene inom he agamsek welagep lek!

RATAPAN 4:5

It andoma inetokhogo nunggungge enduk fano mene nek nenggarek mene omanogo re, inebe inom inangge yi mene ti mene mondok ebe mene nek were'ma werek mene omanogo, yogondak he lobo-lobonggerik ologoilong engge hugisagarek oba omanogo nunggungge herakhilik nugunem, inebe re ebekhe kwe omanogo wa'lari'lagwi.

HOSEA 12:1

Tuhan nen ikhi logolik he, ”It afuni inunggulenu Israel mene nen he An nebe haningisogo kwelaknarek logolik, ineranhogo wene nek igik, inunggulenu Yehuda mene re An Allah nebe horek mondok logolik tiphogo nek hilingiti lagi mene a'nogo nane sagalogo hilingitik, ugu mondok logolik lalogo nobagali'lagwi.

MATIUS 7:6

A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.

LUKAS 15:15

Sumburu nele hokho agaikhemo re, ap a'nogo endawimo nen he, ap awi werek mene ekhe eabu hilingitunem namburu mela'neti logouwagen oba lagain, iluk lagaikhe. Lagaikhemo re, ap awi werek a'nogo nen he, o ik awiba anggo kwalogo logouwageluk lakfesikhe.

LUKAS 15:17

weat logolik obabut hebel lagaikhesik he, eigo! An neisena a'nogo aiba amingmingengge mene eabu hilingitarek mene omanogo inebe hokhorogoat sumburu hokho tindelogo figik nunggu kwelegat he, an yi nek he, sumburu nele nen wa'lasigin yi!