LUKAS 15:13 - Allah Wene Fano Wene Hupla Inane

¹³ A'nogo sumburisasikhemo, amlogo elabo mene a'nogo enggi ekhe inom welagi'lek, yi mene ti mene, at agaikhe mene a'nogo mondok felelenghogo onggo palogo helaluk he, o yatma andoma lagaikhe. Lagaikhesik andoma logolik he, endawimo ebeti'lek, we, hesanggeat hilingirik nikhi logolik arupiah omanogo mondok nalek-falegengge hilingitikhe.

LUKAS 15:13 Iomraidhean Croise

MAZMUR 73:27

Afuni Hat herakhobagaluk, wulifarek mene andi re, inebe alomat lakhogoin. It afuni andi inobabut he, Hat hoba lombokhogo logou inabit welagaikharek andi nen he, Haren inebe leget fisagain.

AMSAL 18:9

Ap ekhe eabu higithogo hilingiterek lek mene andi re, ap weaget fisagarek mene andi emberek higit.

AMSAL 21:17

Ap inagaiyekhogo welagaikharek mene andoma re hobuk ineilmo legasigin, nen it ap anggur inom amusu werek engge faget inom enek inagaiyegen hilingirik nikharek mene andoma re hobuk inenggi werek asugun lek.

AMSAL 21:20

Ap obabut hebelek mene re inangge hokhorogo agunem inenggi werek welagaikharek, oba nen ap kembu mene re angge mondok legabeti logolik werek.

AMSAL 27:8

Sue awi wuri'mo herakfuluk wuliferek andi hak, aben inawi wurik herakfisaluk wulifarek andi re andi higit werek.

AMSAL 28:7

Alage souge wene melalek higithogo hilingiterek mene andi re ap hebelek mene re andi aro, oba nen ap yugunengge nalek-falek hilingitarek mene inom sebetu halok he eisena enggaliaphogo fikherek andi.

AMSAL 29:3

Sa nen hebelek mene endawirogo werek halok he eisena endawimo agaiyek agarek, nen sa nen he yanani mene inom hilingirik nugu halok he auang nalogo hilingiterek.

AMSAL 6:26

Yanani hilingitarek mene re sumburu piring we misik oba hakhogo onggo palogo woge'luk hilingitarek, oba nen he ap inagagwi inom babi lagu halok he, onggore ap andi ebe warek inom wuret lagarek.

YESAYA 1:4

Hit he weak mondok hokhorogo hilingitu welagep andiba re weak anggele'ma kwegepsik welagep andi, hinobabut he nonghongsek logolik hinobaharo mondogat weak. Hiren hineisena Allah Horek Mondok werek mene a'nogo oba fogeratu logou mene a'nogo re hinambot woge'luk hineisena Tuhan a'nogo ninabit iluk herakfisasigip andiba re alomat lakhouwogeluk welagebo.

YESAYA 22:13

Oba nen hebekhogo hit he hinagaiyekhogo hilingiti logolik seni isati logogun. Hiren hinaiba hinanggo kambing, domba wat fakhaluk eino ninggik, hinagai anggur agai ninggik ikhi logolik, ”Nit hobit wa'lasugun enggere, ninamburu ninggik, ninagai ninggik ikhi logouwogen we'ni o!” iluk wolinafi logogun.

YESAYA 30:11

Kwe amukwe nen hinale'ma hela lani, hiren Allah Israel mene Amu Enogo welagarek mene andiba nit ninafekwe sagal-pagalhugu lego,” iluk ikhi logogun.

YESAYA 56:12

Lugu-lugwi palik inap andoma nen ikhi logolik, ”Nit anggur hokhorogo nambik ninoba homorogo logouwogen we'ni o! Yogondak fano welagoba nen hobit enek he mondok fanorogo logogun o, iluk agarek,” isikhe.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

YEREMIA 2:31

Hit afuni Israel mene yi. An nane igin mene yi hinesanggo fanorogo holini o. An nebe o leimo hangge legat, o mum hikhaksek hangge legat. Meneat he, hiren he, Nit ninebe arat ninale'ma agosi'mo re, hobuk Allah oba ninambotkwe logoin ninabiro, iluk ikhi lagep andi nenahalok?

YEREMIA 2:5

At Tuhan ane re yi'nogo ikhe: ”It hinombawi lagen he weak ningginik mene An noba were'ma neagasik, iren An li'norogo hilingnobagakhi lagaukwa nogo? Iren tugwi kembu yi'nogo ti'nogo hilingisu elo'lek mene a'nogo murok laga lagaukwba, ambisangma it inonggwaregat nonghong ikhi lagaukwa.

MIKHA 6:3

Tuhan nen a'nogo hinoba hikhibet hisikhi logolik yi'nogo ili'lago, ”Nagainafuri e, An nen he, hit hinoba ninggi'nogo hilinghinafimo nen nogo? An nen wene ero kiba weagethinafigi nogo? Wene onggo yagane'ni o!

LUKAS 15:12

Mene re, ap elabo mene nen eisena yagati logolik he, mel yagatikhe: Neisena! Hat wa'lasumo haminingengge wo'nesigin mene halok, wo'nom o, iluk yagatikhemo re, at ineisena a'nogo nen he, at aminingengge sumburogo asugun mene higithogoat felelenghogo amlogomi emberek sumburogo wogisasikhe.

LUKAS 15:14

Mondok nalek-falegengge hilingisogo fesikhesik were'ma, o andoma sumburu mondok ouwak hokho agaikhemo re, ap a'nogo sumburu nele hokho agaikhe.

LUKAS 15:30

Meneat he, hat hamlogo ari hemi hesanggeat fakfisilik nikhi logolik hat wa'lasumo haminingengge eise asigin mene higithogo wogeten mene a'nogo mondok nalek-falegengge hebisaluk waga mene ari nek he, wam sapi eak eilagambi fano mene a'nogo warogo obaget isaten yi ri! iluk yagatikhemo,

LUKAS 16:1

A'nogo yagaisasikhesik he, hobuk, at Yesus nen agoromi ane wanhi lagaukwa mene omanogo yagaisikhi logolik he, mel yagaisasikhe: ”Ap kain ekhe amingmingengge mene nen oe agarek yi mene ti mene fisogo were'ma re, it afuni ekhe nen he, at oe a'nogo yagati logolik: Hat hamingmingengge mene andi nen he, hagarek omanogo mondok hesanggeat sumbut-sambathogo hilingiri'logo o, iluk yagatukwa.

LUKAS 16:19

A'nogo yagaisasikhesik he, hobuk at Yesus nen wene ekhe mel yagaisasikhe: ”Ap ekhe kain angge mondok hokhorogo logolik he, asu onggo hokho fano mene nek laberaluk, yi mene ti mene fano mene anggele'ma heakhogo logolik, hundik-handik endawimo agaiyekhogo nek welagaikhe.

EFESUS 2:13

Attak he, hinebe yatmaat welagagip meneat he, yogondak, Kristus Yesus hinom hunitigipmo re, at amep wulagaisogo wa'lagaikhe andiba, horok ya hinobagaikhemo welagep.

EFESUS 2:17

At Yesus nen a'nogo wo'ninarek wagaikhemo re, fena mene, fena mene ninom, at Allah Areagun misigat andiba nineisena Allah oba ku higirat hilinglagaikhe, iluk, Yesus ebe attagat wagaikhesik, ”Hinom lambulogo hinobagagi o,” iluk, wene fano wene hit endakwe mene yatma were'ma yagahisigik, nit afuni Yahudi mene horogat were'ma yaganisigik, i wagaikhe andi.

2 PETRUS 2:13

Iren it ekhe weak hilinginafi logogun andiba, Allah nen onggo weak hilinginabigin andi. It he, inendawinggen sebelhi'lek linggeneat weak hilingisu inamolo nen hilingiti logogun andi. Su fano werek kwelek he, muli mene oba labulagik, eil fano agik, ikherek andi hak, hit seni isago nunggunem, it andi inendawinggen sebelhi'lek, yi mene ti mene inendawinggen en nunggunem yi weak ti weak hilingiti logoligat, hinoba kwi we'luk, hinom misi'mo ninggi logogun andi.