LUKAS 14:7 - Allah Wene Fano Wene Hupla Inane

⁷ Ap kain mene ekhe nen afuni inom sumburu misi'mo nouwogeluk inayonggo fesikhe mene, ap kaindek mene hu'lagaikharek oba nek hu'lagaukwasik weregen he, at Yesus eilenggen yerisasikhesik he, wene oba lirogo yagaisikhi logolik, mel isikhe:

LUKAS 14:7 Iomraidhean Croise

AMSAL 25:7

Hit yagahisikhi logolik hat hobali'mo ap ineabu lego mene ekhe logouwak iluk yagaisagarek andi re weak hak oba nen, heabu ambolkwe lego meneba ekhe lagain iluk liak fisagarek andi nek he mondok fano.

AMSAL 8:1

Hebelek mene nen ane hokhorogo humerik lagunem he, endawinggen kagalek mene nen ane legeri'lago andi holini!

YEHEZKIEL 17:2

An Tuhan Lego Mondok welagirek mene a'nogo nen it yagaisagain iluk nendawimo anggikhi lagi mene re yi: Sue rajawali ekhe ebe mondok hokho mene re esi fano mondok hilingi'mo, ogolabi uanse'ma re omame hokho arue welaga. Sue andi tarogo o Libanon tom oba omanogo lagasik he, e laik unggum tekhogo waluk waga,

MATIUS 13:34

Afuni hokhorogo omanogo yagaisikhi logolik he, wene ekhe fakhogo yagaisikhi lagaikhe lek. We, oba lithigik enek yagaisikhi lagaikhe.

MATIUS 23:6

nen, afuni seni hokho isago nunggunem, it ap kaindek hu'lagaikharek oba hu'lagik, o afuni Yahudi mene samban agarek oba andoma tulem healogo hu'lasi kwigik, afuni nen, guru neisena, iluk hai warinafik,

LUKAS 11:43

Hit ap Farisi mene Allah nen weaget hinabigin o. O afuni Yahudi mene samban agarek oba ap kaindek mene inobali'mo hit tak elokhoma hu'lasi kwigik, nen, o pasar fagarek oba yi mene ti mene onggo wanharek oba andoma afuni nen hai fanorogo wa'ninabuageluk kwigik, ugu aple andi nek he hinamolo welagep andi.

LUKAS 20:46

”It ap Allah ane lisu palek eisewerek mene inobabut hilingiri'lagwi andi nen lalhinabinogo iluk, hinebe hebelogo logoino o. It andi inobabut he, inasu uandek mene laberaluk pasar onggo wanhare'ma andoma afuni nen inane agaukhogo hai warinabuageluk lagik, o afuni Yahudi mene samban agarek oba tulem healogo hu'lasi kwigik, afuni seni hokho isago nunggunem ap kaindek hu'lagaikharek oba healogo hu'lagik, ikhi logou inamolo welagaikharek andi.

FILIPI 2:3

Yi mene ti mene hilingisuogeluk, hinendawimo nen he: ”An enek fanorogo hilingiti logogin,” iluk, hinonggwaregen legeisogo fakhikhi logogubo, hinendawimo nen fogerakhigi'legat: ”It ekhe fano. An he, elo'lek,” iluk, anggikhi logoino o.

3 YOHANES 1:9

An nen hit Allah againafuri faget lisu horokhogo palogo hinoba lakfei wagagi meneat he, at Diotrefes endawimo nen he, ”An Allah againafuri inoe kain hilinglasigin,” iluk anggili'logo mene andi nek he, an nane hologo hilingiri'logo lek andi.

HAKIM–HAKIM 14:12

A'nogo fisasukwama, at Simson nen it mel yagaisasikhe: ”An nen henarogo wene ekhe onggo yaganesubagaigen yagahisagain o. An nen yagahisugunem, hiren onggo heratep halok, an nen onggo hinebe lombok su kain lenan eil sakhorek mene misik inom, nen hinebema mene inom, hineisokwe mene inom, wurethigik, wokhisagain o. Halok he, pesta yi hilingitu werek kwelek, hinenggi 7 hari yaba logolik hiren wene onggo u mene herati logombigen, ebe yaganesubagaigen iluk hinoba figi o.