LUKAS 14:12 - Allah Wene Fano Wene Hupla Inane

¹² A'nogo yagaisasikhesik he, at Yesus nen ap awi eisewerek ayonggo fesikhe mene a'nogo yagati logolik, ”Linggene a? hu'mokwe a, haren afuni hinom sumburu misi'mo isago nouwogeluk halok he, hat hinom hundik mene inom, hagaila'lak mene inom, hogogwi hagoromi mene inom, kaindek inenggi werek hinom welagep mene andoma inom, inayonggo fugun o. A'nogo hilingiten halok he, hobuk it ekhe seni isati logolik hat hayonggo foumo, onggo wurabeten hanogo.

LUKAS 14:12 Iomraidhean Croise

AMSAL 14:20

Ap inenggi lek mene re inagaila'lagen ogo inagaiyek inoba fagarek lek, oba nen he ap inenggiwerek mene halok enek he inagaila'lak hokhorogo werek.

AMSAL 22:16

Ap ekhe enggi werek asigin iluk endawimo anggikherek mene andi re, ap inenggi lek mene sebelisaluk, ap enggi werek mene onggo wogisagarek andiba ambisangma onggwarek alomat fakhagain.

MATIUS 5:46

Nen, it afuni ekhe nen, hit inendawit hinafarek mene andi nek hiren hinendawirinafi lagep halok he, Allah nen onggo wokhisagain nogo? Lego. Andi hak he, it ap pemerintah mene faget uang kino iluk andogotarek mene nen inobabut a'nogoat hilingitarego.

LUKAS 1:53

afuni inendawimo nele welagaikharek mene fano mene oba loukhogo wogisikhi logolik he, it inenggi werek mene andi, ekhe wogisigi'lek weat lakfisigik isikhe.

LUKAS 1:58

Eak abat takhasikhemo re, it afuni inom welagaukwa mene ekhe inom, at oe agot inom, ”Nineisena Tuhan nen mondok endawiratesik hilingite higi o,” iluk isukwasik he, at onggwarek inom inendawimo inagaiyegetukwa.

LUKAS 14:13

Mene re, hat a'nogo seni isati logolik halok he, inenggi lek inelagaik mene andi inom, inouwak sagalek mene inom, ineindep holu mene inom, ineilenggen mum mene inom, it ariginik mene nek inayonggo fikhi logoino. A'nogo inayonggo fugunem, iren hat hayonggo fogoin lek andi nenat, hat hendawimo hagaiyek hokhorogo anggagain o. It andi nen onggo wokhesugun lek andi nen, afuni inobabut higithogo hilingitarek mene wa'lagaikharek oba nen Allah nen inelugerinabigin sambul andi re, hat hilingiti logogin mene onggo, at Allah nenat wokhesigin o,” iluk yagaisasikhe.

2 KORINTUS 6:13

Halok he, hiren lagakhogo nit faget hinendawinggen ebe'ni o, iluk an nonggwarek nagainafuri yagaisa hak yagahisigi andi.