LUKAS 13:34 - Allah Wene Fano Wene Hupla Inane

³⁴ ”Eigo! Hit afuni o Yerusalem mene yi nendawilage! Hiren ap Allah ane yagaisagarek mene inebe inoatik, ap Allah nen inayonggo fuluk hinoba lakfisa wagarek mene heleben tamuk-tamakhogo inoatik, ikhi lagep andi nendawilage! Sue ayam eagwi ogolabi a'ma andogorogo fisikherek andi hak, an hundik-handigat hit o yoma welagep mene mondogat a'nogoat andogorogo hinobagaigeluk anggigirek meneat he, hiren, ninabit, ikhi lagep andi nendawilage!

LUKAS 13:34 Iomraidhean Croise

NEHEMIA 9:26

A'nogo meneat he, it Hagainafuri nen, At awe a'ma logolik ane hologo hilingiti logogun ninabit, iluk herakhobagasukwasik, ap hat hane yagaisikhi logolik, hinafe hebela'luk hineisena Allah awe a'ma kwi we'no, iluk yagaisikhi lagaukwa inap omanogo inebe inoati lagaukwa andi. A'nogo inoatu logolik, hat hebe inendawimo seramet hobagagu mondok welagaukwa andi, neisena.

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

MAZMUR 149:2

Yago, hit Israel mene yi, hinebe elalhinafikhe mene andi faget hinagaiyege'ni, Nen hit afuni o Sion welagep mene yi re, hit hinoe raja andi faget hinanggilukhogo fogera'ni o!

MAZMUR 17:8

An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

MAZMUR 36:7

Haren higithogo nek hilingninobagakhi lagen mene andi re tom unggul uan mene wolonghogo liabek andi higit werek, nen Haren hawene melalek werek mene andi re i laut unggut uanhogo yenggelek andi higit werek, afuni inom yi mene ti mene lebeterek mene andoma inom mondogat he Harenat halinafu mandok welagen.

MAZMUR 57:1

Afuni nen wuni wulakfuluk inebe seberogo ugu kwelek yanggulinafarek mene faget, wuni unggulenu mondogat leget fisa fuk agarek mene andi bene felalek mene, at Daud ebe Saul agaiserogo oumo lagaikhesik isikhe awuni.

MAZMUR 81:13

Andiba re, it inungguloak omame asuageluk An nen oboget isasigi. We irogo inendawimo anggili'lagwi mene andoma nek hilingiti logouwageluk herakfisasigi.

MAZMUR 91:4

Aren he sue nen eak ogolabi a'ma fuluk sebelek welagarek andi hak, hat hebe At a'ma hobagaluk fetharek were'ma, hat hebe fano logogin. Hebe hoasinogo iluk sing itarek andi hak, aren tiphogo nek hilingiterek mene andiba, ma'murogo fetharek logogin o.

YESAYA 30:15

Tuhan Omame Mondok Hokho mene, Israel mene ineisena Allah amu enogo werek mene a'nogo ane againafuri inoba yagaisikhi logolik, ”Weak hilingiti lagep mene herakfuluk inendawinggen hebelogo hambuget haluk logogun halok he An nen hit hinagap telhinabigin o. Hit hinendawinggen fanoba An noba tibet fuluk logogun halok he, hit hinoba An nen hinomamet hinobagagin o,” ikhe oba nen he hiren he ninabit iluk hilingiti lagep!

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

YEREMIA 2:30

An nen komothinafu mene omanogo wanhi'lek werek kwelek we alomarogo hangge unggum hinoba fou hak andi. Mene singa aik anini mene a'nogo nen yi mene ti mene halmakhigik ninggerek hak, hiren ap An nane yagahisagarek mene inebe inoati lagep andi.

YEREMIA 26:23

A'nogo mimingisogo lakfisasikhemo re lagaukwasik ebe hondo'luk raja Yoyakim were'ma wagaukwa. Wagaukwama at raja nen Uria ebe pinggi wasuageluk yagaisasikhemo, watukwama re at ebe warek he ap salinafi lagaukwaba omanogo hugisa lagaukwa.

YEREMIA 35:14

At Yonadab hun Rekham amlogo andi nen at againafuri mene inoba anggur agai ninggi logou fugo iluk yagaisugunem at ane hologo hilingiti lagaukwa. Nen yogondak huli nen ogore hilingituat werek. It tagomangge mene andoma nen at ane hologo hilingiti logolik ap misigen iluk ogo anggur ekhe nenggarek lek. Andiba re An nebe nenat hit hinoba nane hundik-handik yagaisikhi lagiba nen he hiren holhi lagep lek.

YEREMIA 35:17

Andiba re An Tuhan Nomame Mondok Hokho mene, Allah Israel mene ineisena nen he, hit ap Yehuda mene inom, Yerusalem mene inom yi enggin ti enggin hinoba fagain iluk fouget figi mene An nen nane yagahisigi higithogo hinoba fagain o. An nen a'nogo hilingisigin mene andi re An nane hit hinoba ugu kwelek hinesanggo holhi lagep lek, hiren nane wurep wanhi'lagep legat andiba hilingisigin o,” ikhe.

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

RATAPAN 1:16

Andiba re neilamusu mondogat pialiluk pili'lago, an nebe kon nobagagik, nendawimo nagaiyekhogo hilingnobagagik u mene ekhe werek lek. It naselei mene nen mondogat sebel fakhagama re, an nunggulenu mene inangge mondogat lek aga.

RATAPAN 4:13

Oba nen it ap imam inom nabi inom inaweak oba re andi mene mondogat hilinglaga. Iren he ap weak hilingitu lek mene omanogo inoatama hilinglaga andi.

HOSEA 11:2

Oba nen An namlogo andi ekhe inom woletu were'ma re ekhe inomat At ebe an noba nen hebekhogo nobagaluk eil uan arik laga-laga. Aren he wam, yi mene ti mene tugwi kembu Baal faget inom, kembu ekhe mene faget inom, warogo noletik, amben fano mene dupa noletik, ikhi laga.

HOSEA 11:7

It an hera'nobagaluk inomamerogoat wulifunem he, afuni ekhe nen yi enggin ti enggin hilinginafunem, telinabuagaluk, inane hokhorogo kweti logogun oba nen, it ekhe nen inane holimbik telinabugun mondok lego,” iluk ikhe.

YOEL 2:23

Hit afuni o Sion mene yi, An hineisena Tuhan Allah nobabut fano nen fanothinafi andi nen he, hinendawimo hinagaiyegetik, fogerakhigik, ikhi logoni o. O engga lologo pikherek meneba asi wagunem andem he meiso higithogo wokhisigik. O sogoi lagagu meneba asi wagunem andem he An nen meiso higithogo pelakhisa wagik. Nen, enggen itu sambul meneba asi wagunem he attak wokhisikhi lagagi hakhogo wogisigik, ikhi logogin o.

ZAKHARIA 1:4

It hinobawi nen hilingiti lagaukwa hak hilingiti logou fuk. O attak andoma it nabi nen weak hilingitarek mene inom, kwanirogo hilingitarek mene inom hilingiti logou fuk iluk yagaisikhi lagaukwa. Oba nen iren he, a'nogo hilingitu mene a'nogo hologo hilingiti'lek herakfisaluk An noba ogo tiphogo hilingiti lagaukwa lek.

MATIUS 22:3

Isati logolik afuni inayonggo fesikhe mene na wesuageluk, at amingmingengge mene ekhe mel yagaisasikhe: Afuni inayonggo figi omanogo wesuagen woginabi lani o, iluk, yagaisasikhe meneat he, it inayonggo fesikhe mene andi inabiren wagi'lek kamo isukwa.

MATIUS 22:6

It ekhe nen, at kain amingmingengge lakfisasikhe mene omanogo inebe fakfisaluk yei inoatikhesik he, inebe mondok inoatik, isukwa.

LUKAS 15:28

at oe manggusa mene a'nogo a'mage hokho lagasikhesik he, aiba kwigin endawimo mondok pugagaikhesik were'ma, eisena a'nogo wulibi wagaikhesik he, ane liokhogo, kwi lou o, iluk yagatikhe.

LUKAS 23:28

A'nogo hilingirik wagunem, at Yesus elokhe hebekhogo kwelagisasikhesik he, mel yagaisasikhe: ”Hit hemi o Yerusalem mene yi re, an nobaget le agu lego. Hit he, hineagwi hinom hinonggwarek hinouwak le akhani o.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

KISAH PARA RASUL 7:59

Fesukwasik he, ebe helep oba watu kwelek, at Stefanus a'nogo Yesus enu hombuk palhi logolik he, ”Yesus noe. Nareagun haren wo'nabime o,” iluk isikhe.

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

ULANGAN 5:29

It inom iren tagomangge mene inom mondok-mondok inoba fanorogo logouwagen, iren hobugen An legeisogo nobagagik, An nane hol fuluk higithogo hilingitik, hilingiti logogun oba nen a'nogo hilingiti logogun lek logou hak.

WAHYU 11:8

A'nogo warogo fisambik, inebe warek he, o kota kwe ebekwe ninoe eba menfuluk watukwaba andoma fisogoin o. O kota andi, o Sodom inom, Mesir inom, oba litarek a'nogo aro.

RUT 2:12

Hat nit afuni Israel mene nineisena Tuhan Allah nen awe a'ma fetharek logouwagaluk wagen andi nen, Aren he, haren yi mene ti mene faget fano hilingiti lagen mene andi mondogat onggo wokhesigin mene andi helagain higit obaat wokhesuago,” iluk yagatikhe.