LUKAS 13:25 - Allah Wene Fano Wene Hupla Inane

²⁵ Nen, o andoma ap awi eisewerek mene andi menlasimbik, kwe te'merogo yagati logoumo re, hit enda'ma mendek logolik kwe papaget hikhi logolik he, Noe! Nit kwe hu'nisan, iluk yagasugun meneat he, aren he, hit hinebe an nonggoro. Koma nen wagep, iluk yagahisugunem,

LUKAS 13:25 Iomraidhean Croise

MAZMUR 32:6

A'nogo hilingiti lagen andi nen, afuni inebe lombok Hat hoba inailorogo werek mene re, yi enggin ti enggin hikhi logolik, Hat hayonggo fikhi logogun halok, i fu waga logolik, yi mene ti mene sebelherek hak, inebe sebelogo fisagain lego.

YESAYA 55:6

Hilingisu higiroba andemat Tuhan oba sugulogo waga logoni o, At ebe horokhogo were'ma andemat enu hombuk palhi logoni o.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

LUKAS 13:27

aren he, hit o koma nen wagep. Hinebe an nonggoro. Hit weak hilingiti lagep mene noba kwi wagup. Andemenat pikhit lani o, iluk yagahisagain werego.

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.

LUKAS 6:46

A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.

IBRANI 12:17

At Esau hilingitikhe andi, hit hinelu o. At endawimo nen he, neisena nen yaganeti logolik, ”Allah nen fanothafi logouwak,” iluk yaganesuageluk le aga logolik kino yagatikhe meneat he, agot arat yagatikhemo andi nen he, hobuk oak waganogo yagasu elo'lek agaikhe andi.