LUKAS 13:19 - Allah Wene Fano Wene Hupla Inane

¹⁹ ”Allah nen awe a'ma fisikherek andi ebe re, kibi-kibi enggen hangge o. Ap ekhe nen kibi-kibi awi ekhe waganogo eabumo feik lakfesikhemo re, fulelhikhesik he, ero e hangge hokhoat hilinglagaikhemo, sue tarogo nikherek mene nen enggi talek oba awi wusi wagaikhe andi fageraro,” iluk yagaisasikhe.

LUKAS 13:19 Iomraidhean Croise

KIDUNG AGUNG 4:12

An nendawi hundik mene andi reyabu ap yugunat kwinogoluk inane waik palek mene hangge hilingik welagen, Helep leget wurogo, i elesi anggwe yagarek were'ma ap amu mene nen husu elo'lek welagarek andi hak hilingik welagen.

KIDUNG AGUNG 4:16

Sogoi abel utara fikhit mene yi, heluk ame o, nen sogoi selatan fikhiren eme o! Waga logolik, an neabu waganekwe andoma funhame, a'nogo hilingisigin oba amben enek sang-bang uakhogo. A'nogo hilinglagunem an nendawi hundik mene a'nogo at eabumo andoma we'luk, agayonggen enduk fano mene andoma na wesigin fano o.

KIDUNG AGUNG 6:2

An nendawi hundik mene andi re at eabu amben-amben engge yagoma, eabumo andoma anggo domba halinafik, nen bunga bakung omanogo palhik hilingisigiluk laga.

KIDUNG AGUNG 8:13

Yago, hat nendawinggen hundik mene hebe yabumo welagenma re, an nagaila'lagen hat hane ugunem holilo iluk nenangorogo werek andi nen he, hane an holiogen yaganom o!

YESAYA 53:1

A'nogo isukwama it inunggulenu a'nogo nen onggo ikhi logolik, ”Niren holugun mene andoma faget sa nen eberogo anggagain nogo? Ap sa nen Tuhan omame andi re weinamet fikhe nogo?

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

YESAYA 58:11

Kweang iringikwe andoma lagunem An nen hit wokhinarek lagik, hinoba homorogo hilinghinobagagik, ikhi logogin. Hit hinebe fanorogo nek logolik hinomamerogo logouwageluk halogo hinobagakhi logogin. Hit he yabu yagokwe i higithogo were'ma hak, nen i elesi firitok ikherek lek mene hak hilingik logogun.

YESAYA 61:11

Enggen feik lakfugunem inenggi nen yago mene hangge fulelherek andi hak, nineisena Tuhan Allah nen nit ninebe telninabigin mene a'nogo ninomamet ninafunem, afuni inunggulenu lombok inebe mondogaren Allah fogerasugun o,” iluk ikhe o, isikhe.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

YEREMIA 31:12

It he punu Sion oba waga logolik, An nen gandum inom, amusu inom, anggur inom, sapi inom domba inom, wogisagain mene andoma faget inelokhe heanerogo waga logolik inagaiyek oba wuni warik wesugun. It inebere yabu i amusu werekwe hilingik welagarek hakhogo hilingik logolik, iren yi mene ti mene inelokhoma werekhogo nek logogun.

YEHEZKIEL 31:6

Andi nen he yi rue ti rue e andi enggi logourekwe inawi wutarek, nen mene olomene aik anini mene re e andi ambil elema eak tasi kwikherek. Yi afuni ti afuni inunggulenu hokho mene o kweangma mondogat he at a'ma kunmo andoma hu'la'luk welagaikharek.

DANIEL 4:12

Nen, e andi engga fano mondok mene re, enggen mondok hokhorogo enggin weak si'nogouk kwani itunem he, afuni o kweangma yi awi ti awi welagaikharek mene higithogo ninggi logou hak were'ma higi. A'nogo were'ma, yi wam ti wam e andi eroma kunmo wengik welagik, sue e andi enggibene awi wusi wagik, ikhi lagaikha higi. Yi mene ti mene eluk welagarek mene e andi enggen elok ninggi logou hak were'ma yethigi.

DANIEL 4:21

Nen engga fano mondok mene re, enggen mondok hokhorogo si'nogouk kwani itunem, afuni o yi awi ti awi welagaikharek mene nen higithogo ninggi logouhak mene hegen andi. A'nogo were'ma, yi wam ti wam e andi eroma kunmo wengik welagik, sue e andi enggi selebene awi wusi wagik, ugunem hegenat andi.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

MATIUS 17:20

at Yesus nen he, ”Hit hinendawinggen furogo noba himbiret fikhi lagep lek andi nen o. Kibi-kibi enggen magenggelak mene feik lakfagarek andi hak, hinendawinggen an noba endebat enek himbiret fembik he, tom ari yagati logolik, Aroma nen higilogo ekhema andoma asi lan o, iluk yagasugun halok he, andoma nen ekhema andoma asi lagain aro. Hiren yi mene ti mene hilingisumo re, ekhe elok legagi'lek fano nek asigin, iluk eberogoat yagahisigi. Mene re, munggwarengge obabut weak mene yi hangge inendawimo were'ma re, sumburu ninggi'lek samban umo nek he, elok henegeisogo wulibigin o,” iluk yagaisasikhe.

MARKUS 4:30

A'nogo yagaisasikhesik he, hobuk ekhe mel isikhe: ”Allah awe a'ma fisikherek andi nena mene hangge ugun. Nen, nena mene oba lirogo ugun.

LUKAS 17:6

at ninoe Enupogoren he: ”Kibi-kibi magenggelak mene feik lakfagarek andi hak, hit hinendawinggen an noba endebat enek himbiret fuluk he, hiren, e yi yoma nen sanokhogo re, i laut hokho yenggele'ma a'lima ya'lasi lan, iluk yagasugun halok he, hinane esanggo holigin aro,” iluk yagaisasikhe.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

KISAH PARA RASUL 21:20

Yagaisasikhemo, Allah hilingitikhe mene andi fogeratukwa. Fogeratukwasik, Paulus yagati logolik he, ”Paulus nagailak. Afuni Yahudi mene inebe 1.000 hangge nek fuk. Mondok hokhorogoat inendawinggen Yesus oba himbiret fagasik werego. Logolik he, wene Allah nen komotninafikhe wene a'nogo it mondogaren fisogo logouwogeluk inomamerogo hilingiri'lagwi andi hat helu anggigi.

KISAH PARA RASUL 4:4

A'nogo meneat he, it Petrus Yohanes emberek a'nogo oan kwelakfisigi'lek werek kwelek, afuni yagaisasukwama inesanggo holhukwa mene omanogo inebe hokhorogoaren, ”Wene andi eberogoat,” iluk wanhukwama re, it attak mene inom, hobuk mene inom, lambukhogo, ap enek inenggi wenaginafunem 5.000 hangge hilinglagaikhe andi.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.