LUKAS 13:11 - Allah Wene Fano Wene Hupla Inane

¹¹ he ekhe munggwarengge obabut weak mene endawimo kwisikhesik logolik amboroak sumbuk isikhesik, higithogo menlasu mondok elo'lek werek kwelek, 18 tahun hilinglagaikhe mene andoma welagaikhe.

LUKAS 13:11 Iomraidhean Croise

AYUB 2:7

A'nogo yagatikhemo, at Iblis afuni inendawimo kagalik nikherek mene a'nogo Tuhan elokhoma omanogo nen wulibi lagaikhesik wagaikhe. Wagaikhesik, ap Ayub oba eiso'ma nen pikhit ungguloak huli oumo weak mene mondok lambukhogo fesikhe.

MAZMUR 145:14

It afuni enggin-fenggin inoba were'ma, At Tuhan nen leberisikherek. It afuni sebelek hak werek mene re Aren legeisogo fisili'lago.

MAZMUR 146:8

afuni ineilenggen mum mene ineilenggen yethoageluk fenggen fisigik, afuni pule pugu mene Aren omamerogo menfisigik, afuni higithogo hilingitarek mene Aren endawi hundik hilinginafik, ikherek.

MAZMUR 38:6

An nen mondok nonghonghogo hilingiti lagi andi nen he, nebene noumo omanogo re kurele wulifi logolik, amben mondok palogo wulibi'logo.

MAZMUR 42:5

O attak afuni inebe hokhorogo andogosuogeluk lagunem, At Tuhan Awi wuri'mo laga logolik, it afuni esa logalogo lagu kwelek attak laga logolik, wuni At fogeratarek awuni watik, nagaiyegetik, hilingirik laga-lagagi mene aremnogo ebet haluk he, an nendawimo mondok heiselhi lagi o.

MAZMUR 6:2

Tuhan neisena, Haren he ha'mageba yei noatik, nen helokhe ageba wene noba figik u fugo.

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

MARKUS 9:21

A'nogo hilingiti lagaikhemo re, at Yesus nen yenggerek a'nogo eisena oba heinok wanhi logolik mel yagatikhe: ”Yenggerek yi huli ki huli nen hilingite,” iluk isikhemo, aren he, mel yagatikhe: ”Huli ebe yenggerek oba nen hilingiterek mene aro.

LUKAS 13:12

Andoma were'ma, at Yesus nen, he a'nogo eilenggen yethasikhesik he, ane fakhasikhemo wagaikhemo re, mel yagatikhe: ”Nerei e! Hat hoba ou ari arat fano asigin. Hele hangge homago welagen a'nogo, arat fikhalame o,” iluk a'nogo yagatikhesik he,

LUKAS 13:16

Andi hangge, he Abraham en tagongge mene yi Iblis nen hele homagaisogo fisogo werek kwelek, 18 tahun hilinglaga mene yi, ninenggi Allah faget weat logolik hele fikhalogo fogoin lek nogo? Fikhalogo fogoin aro,” iluk wene a'nogo isikhemo,

LUKAS 21:28

Wene mondogat hilinglasigin igi andi, eroma hilinglaga halok he, hit hinendawimo nen he, Telninabigin a'nogo arat horogasi waga o, iluk, hinebe menlasimbik hinot legeisogo logoino,” iluk yagaisasikhe.

LUKAS 8:2

it hemi ekhe munggwarengge obabut weak mene inendawimo kwisikhesik were'ma henegeisogo wulakfisigik, inoba ou mene higirinafik, fageat higirinafikhe mene ekhe inom nikhi lagaukwa. Hemi andem ekhe re, he Maria awi Magdalena ikhi lagaukwa mene, attagat munggwarengge inobabut weak mene inebe 7 nen endawimo kwisukwasik were'ma, at Yesus nen henegeisogo wulakfisasikhe mene andi inom,

LUKAS 8:27

Wulifukwasik, i aik oba wulibi lagaukwa hak, ap ekhe awi sili kota andi mene munggwarengge obabut weak mene endawimo kwisikhemo welagaikhe mene, at Yesus oba wagaikhe. Ap andi fagearen munggwarengge obabut weak mene hundik-handik endawimo kugunem, it afuni ekhe nen enggi eisok posiemanggen oba homati lagaukwa meneat he, hele libik-lebekhogo lakfisaluk, munggwarengge a'nogo nen waluk o leimo afuni le'ma andoma laga lagaikhesik he, hobuk su laberek lek alfulukwaat, at aiba lomborogo welagi'lek oumo warek mene fisagarekwe andoma nogolik nikhi logolik were'ma, Yesus ebe wagunem eilenggen yethasikhesik awe a'ma hu'lasi kwisikhesik ane hokhorogoat mel yagatikhe: ”Yesus. Hat Allah Enupogot amlogo yi, an ninggi'nogo hilingnabigeluk wagen,” iluk yagatunem, at Yesus nen munggwarengge a'nogo wulibuageluk yagatikhemo, at a'nogo nen: ”Noe. Weagetnafun o,” iluk ane liokhogo yagatikhe.

LUKAS 8:43

Lagunem he, he ekhe amep lagu mondok werek kwelek 12 tahun hilinglagaikhe mene, it ekhe nen fano hilingisuageluk inayonggo filik onggo hokhorogo wogisikhi logolik he, at agarek mene leget fesikhe meneat he, iren fano higiti'lek werek kwelek, amep a'nogo palagi'lek lagu mondok welagaikhesik,

KISAH PARA RASUL 3:2

Lagasukwa hak he, ap ekhe agaisa alabutmo nen eisok wut warek mondok ta'lagaikhesik welagaikhe mene, kwe ambe pale'ma enu Eil Amulit Fano iluk ikhi lagaukwaba andoma fei wagaukwama were'ma hasukwa. Afuni nen ap andi inenggi ekhe kamo igi'lek hundik-handigat afuni ekhe Allah awi wuri'mo kugunem he, yi mene ti mene ambe kino weak yagaisikhi logouwageluk, kwe ambe pale'ma andoma yerogo fei waga lagaukwa.

KISAH PARA RASUL 4:22

Ap eisok wut warek mene elalinat higitukwa andi re, ebe 40 tahun welagaikhesi'mo nen, fano hgitukwa andi.