LUKAS 12:42 - Allah Wene Fano Wene Hupla Inane

⁴² at ninoe Enupogot Yesus nen he, mel yagatikhe: ”Ap kain mene ekhe againafuri yerinarek logolik inamburu nogoin mene wogisogoin higithogo wogisikhi logouwageluk, at amingmingengge mene ayonggo fugunem endawimo kagalek logolik obabut oe ane igin mene higithogo hilingiterek andi sa hangge anggegen. At andi oe andi nen, menfuluk lagarego.

LUKAS 12:42 Iomraidhean Croise

KELUARAN 36:4

Kabogesi wagunem he, it yabu hilingitarek inap omanogo nen Musaba yagasi laga logolik he,

AMSAL 12:8

Ap ekhe at hilingiterek mene faget legeisogo fagarek, nen ap ekhe inali'no weak wenagisagarek mene andi re iren ogo li'norogo fisagaregat.

AMSAL 15:23

Inane uogeluk aremnogoat higithogo agarek oba re, inagaiyek mene asi wagarek.

AMSAL 27:18

Ap sa nen e ekhe fanorogo mogot kwelabigin halok hobuk enggen fano mene palogo nagain, nen ap ekhe oe kain mene obaget eabu fanorogo halogo fikhe halok hobuk legeisogo fagain.

AMSAL 31:15

At ebe o wei igi'lek werek kwelek eluk agaresik he, agun inom, eagwi inom, inebe mondok faget sumburu isagaisogo tegelogo figik, inamingmingengge mene mondogat ineabu lombok hilingisuagaluk sumburogo wogisigik, ikherek.

YESAYA 50:4

Tuhan Lego Mondok welagarek mene a'nogo nen an nane ugunem, ap inoba lebelekhogo welagaikharek mene inomamet fisikhi logouwageluk yanggulnafe. O hubet hundik-handik he, Aren an yaganetu mene omanogo nagaiyekhogo holfuluk, an nendawimo hilingiti logou mene nek hilingnobagauwageluk nomame kwelaknobagali'logo.

YEREMIA 23:4

An nen ap it ferinarek werek mene halinafi logouwageluk menfisagain. An nagainafuri re inailo agik, inoak leik etik, ugun lego, nen it inoba mene tem misik iluk ogo ekhe longgo ugun legat. Iluk An Tuhan nen nane mondogat igi,” ikhe.

YEHEZKIEL 34:3

Domba ebe eilak amusu re hiren nunggu welagik, nen esi re hiren hinasu kwakhugu welagik, nen domba asei werek mene re hiren warogo ninggik, ikhi logoligenat he, hiren he hinanggo domba andoma fanorogo halinafi lagep lek andi.

MATIUS 13:52

A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

MATIUS 20:8

A'nogo inayonggo fesikhemo lagaukwama, o arat hu'mo agaikhemo re, ap eabu eisewerek a'nogo nen, it ap omanogo yabu hilingitu kwelek kwelaginarek welagaikhe mene ekhe mel yagatikhe: Ap yabu hilingiri'lagwi mene omanogo wolisa lan o. Wagaikha halok he, it hobuk kwaga mene andi tak onggo wogisaluk he, it attak kwaga mene andi onggo hobuk wogisanogo, iluk yagatikhe.

LUKAS 12:43

Menfuluk lagunem, amingmingengge a'nogo andi higithogo hilingitunem, at oe a'nogo ambotkwe eilenggen ha waga halok, amingmingengge mene a'nogo endawimo agaiyek hokhorogo anggagain o.

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 7:19

mel yagaisasikhe: ”Ap ekhe wesigin ikhi lagaukwa a'nogo harara? I a, athe, ap hunogoat mene ekhe yerogo logogun a, iluk yagasi lani o,” iluk, Tuhan Yesus oba lakfisa wagaikhe.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

1 TIMOTIUS 5:17

Allah nen mel isikhemo lisu palogo fikhi logolik he: ”Afuni nen sapi wam eisogen gandum agap lilibuk warogo enggen ibiluageluk fuluk he, enggen ekhe nanogo iluk ambe hele homasugun lego. Ekhe noageluk herakfikhi logoino,” iluk isikhemo, lisu palogo fesukwa andi. Nen, ekhe re: ”Afuni yabu yi mene ti mene faget hilingitunem, inenggi onggo wogisikhi logogun o,” iluk isikhemo lisu palogo fesukwaat. Andi nen he, ap Allah againafuri fanorogo kwelaginarek welagaikharek mene andi, it Allah againafuri mondogaren, ”Enggi onggo arat leberisogo,” iluk anggigi'lek, ekhe inomat oba loukhogo lebethikhi logogun o. A'nogo hilingiti logolik, esin hangge re, it ekhe Allah ane inomamerogo yagaisigik, komorinafik, hilingiri'lagwi mene andi, agaukhogo leberisikhi logogun o.

TITUS 1:7

Ap Allah againafuri ekhe kwelaginarek logolik he, Allah fagerat hilingiti logogin andi nen he, it ekhe nen wene oba fili'lagwi lek mene halok, menfisogoino. Aren he: ”It ekhe ugunem weak. An igi nek he, fano,” iluk, ikherek lek mene halok, a'mage horok eberi'logo lek mene halok, i anggur amusu ninggerek lek mene halok, obabut lagaksek welagarek lek mene halok, ”Uang yi mene ti mene an enek noba logoilep,” iluk, anggikherek lek mene halok,

IBRANI 13:17

Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.

IBRANI 3:5

At Musa ebe Allah amingmingengge logolik, Allah againafuri inebe at awi wurik hangge iluk, it faget obabut hombunhogo hilingiti logolik, mel ikhi lagaikhe: ”Allah nen yi wene ti wene hobuk yi'nogo yaganisagain mene werek,” iluk abok yagaisikhi lagaikhe.

1 PETRUS 4:10

At Allah obabut fano nen, ninebe lombok ninobabut hunogo tomok wo'nisasikhe higithogoat, hinebe lombogen andi mene fano eise logolik, hit-hit lebet-lebet ikhi logoino o.