LUKAS 12:2 - Allah Wene Fano Wene Hupla Inane

² Mene re, yi mene ti mene sebelek mene andi faget figik, hinago werek mene andi inelurogo sele'mat figik, igin enego.

LUKAS 12:2 Iomraidhean Croise

PENGKHOTBAH 12:14

Nit mondogaren hilingiti lago mene andoma At Allah nen ayo wurogo pilingninabigin, Wene weak mene inom fano mene inom andi nen hinago werek mene andoma mondogat ayo wusigin.

YEREMIA 16:17

Iren yi'nogo ti'nogo hilingiri'lagwi mene andoma An neilenggen mondogat isikhi lagi. An nelokhoma re hinago mene ekhe werek lek. Nen, it inaweak hilingiri'lagwi mene ogore An nen neilenggen mondogat isikhi lagi nego.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

MARKUS 4:22

Yi mene ti mene hinago werek andi, weinam asuagelugat hinago werego. Nen, yi wene ti wene sebelek werek andi, fakhogo weinam asuagelugat sebelek werego.

LUKAS 8:17

A'nogo fugunem, yi mene ti mene hinago welagarek mene andi, weinam agik, wene inendawimo hinago welagarek mene andi, sele'ma fakhogo figik, igin andi nen he,

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.