LUKAS 12:1 - Allah Wene Fano Wene Hupla Inane

¹ Wene a'nogo ugu kwelek, afuni mondok hokhorogoat inera'lu andogosi wagaukwama re, inebe mondok esa hokhorogo andi nen he, it ekhe nen it ekhe ineisok ungguren al perelogo fisilik lagaukwa. A'nogo hilingfisilik lagaukwama, at Yesus nen agoromi ane wanhi lagaukwa mene omanogo wene mel tak yagaisasikhe: ”Ap Farisi mene inobabut he, enggen sumburu roti mene fisuageluk, anggele'ma pelafarek mene andi hangge logolik he, inagap oba nek fano hangge, inendawinggen pire andi nen, weaget hinabinogo iluk hinebe hebelogo logoino.

LUKAS 12:1 Iomraidhean Croise

2 RAJA-RAJA 7:17

Allah nen a'nogo isikhe andi, at raja a'nogo Elisa oba lagaikhemo, aren yagati logolik, ”Ohealek mo ya higiroba afuni o Samaria mene nen uang perak misik oba, gandum enggen sagalek tepung fano mene 3 kilo onggo palhik, nen houmbak enu jelai enggen 6 kilo onggo palhik ugun o,” iluk yagatunem at raja onggwarek agot lebethikhi lagaikhe mene a'nogo nen he, ”A'nogo elok hilingisugun nogo? A'nogo hilinglasigin mondok elo'lek. O yogondak yiba nineisena Tuhan nen meiso hokho mene pogot kwe hurogo pelabi wesumo mene ogore, a'nogo hilinglasigin mondok elo'lek aro,” iluk yagatikhemo at Elisa nen he, ”Wene andi eberogoat hilinglagunem heilenggen nen tomok hagain o. A'nogo hagain meneat he, gandum enggen andi mene haren enduk ekhe mikhagain mondok legaro,” iluk yagatikhe higithogoat raja onggwarek agot lebethikhi lagaikhe mene a'nogo o kota leget pa'leget wurik ambe palek oba kagalek were'ma, afuni wulifi logolik ineisogen al piril-perelhogo fuluk lagaukwama ebe mondok wa'lagaikhe andi.

AYUB 20:5

it ap kwanirogo hilingitu mene nen inagaiyek hili'lagwi andi re we elama faget, nen ap wene sagalharek mene nen inamolorogo hilingitarek mene andi re we misigam faget hilingitarek.

AYUB 27:8

At Allah nen ap obabut mondok weak mene ebe eluk faget awene umo nen he, at oba inendawinggen eberek logou mene ekhe logou hak nogo a?

AYUB 36:13

It afuni ineisena tuhan lek mene we yugunat hilingitarek mene nen he ina'mage nek inendawimo wut-warogo fetaluk logolik he, At Tuhan nen unggum inoba fikherek oba nen ogore nit lebetninapni mel agarek lek.

YESAYA 33:14

Afuni weak hilingitarek mene o Sion werek mene andoma re inailo nen inoak legeti logouwak. It inane ikhi logolik he, ”Allah nen wene sikhiphogo palherek mene andi re endu amulok lagaikherek andi hak mondok-mondok logogin mene palhere'ma re, afuni nen endu nolinafarek mene andiba nen amulok lagagunem hambuget hogoin mene ekhe logogun nogo?

LUKAS 11:44

Hit hinebe re, mel hangge welagep. Afuni wa'lagunem kweangma salinafaresik, inendawi wenggelogo huli figi'lek herakfisugunem, afuni inonggot logolik ineisogen sebelisaluk lagaikharek andi hak, hit a'nogo weak werek kwelegat, afuni inonggot logolik hinom welagep andi nen Allah nen weaget hinabigin o,” iluk yagaisasikhe.

LUKAS 12:56

Hit hinagap oba nek fano hangge hinendawinggen pire yi ri! Kweang pogot elokhonggen futfuluk he, a'nogo hilinglasigin iluk hinendawinggen wenggelek logolik, obabut enegat palhi lagep meneat he, o yogondak welago yaba yi'nogo hilinglasigin, iluk futfigi'lek welagep andi nenahalok,” iluk yagaisasikhe.

LUKAS 5:1

Inenggi ekhe sambul he, at Yesus i Genesaret yenggele'ma andoma mendek were'ma, afuni mondok hokhorogo Allah ane inesanggo holuogeluk oba andogosi lagaukwa.

LUKAS 5:15

Komorogo lakfesikhe meneat he, ap a'nogo lagaikhesik he, Yesus nen hilingitikhe mene omanogo mondok piling-palanghogo yagaisasikhemo re, afuni hokhorogo at ane holhukwasik he, it yi ou ti ou inoba werek mene higirinabuageluk he, Yesus oba mondok hokhorogo andogosi waga lagaukwa.

LUKAS 6:17

At Yesus a'nogo agoromi wenagaisogo fisasikhesik, inom tom oba nen pi wagaukwasik he, kweang tonggwe fanoma andoma kamo isukwasik were'ma, at agoromi ane wanhi lagaukwa mene omanogo fena inebe hokhorogoat inom, afuni mondok hokhorogo o Yudea tonggwe mene inom, o Yerusalem mene inom, o Tirus Sidon i laut aik oba welagaikharek mene inom,

KISAH PARA RASUL 21:20

Yagaisasikhemo, Allah hilingitikhe mene andi fogeratukwa. Fogeratukwasik, Paulus yagati logolik he, ”Paulus nagailak. Afuni Yahudi mene inebe 1.000 hangge nek fuk. Mondok hokhorogoat inendawinggen Yesus oba himbiret fagasik werego. Logolik he, wene Allah nen komotninafikhe wene a'nogo it mondogaren fisogo logouwogeluk inomamerogo hilingiri'lagwi andi hat helu anggigi.

1 KORINTUS 15:3

Wene an attak wanhigi mene, hit hobuk yagahisasigi andi re, ebe mel anggigi. Nit weak hilingiti lagagu mene faget, at Kristus ninenggi elugun oba wasugun iluk lisu palogo fesukwa higithogoat ebe watukwa andi.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

1 PETRUS 2:1

Andi nen, hit weak hilingiti lagep mene andi mondogat herakfisaluk logoino o. Afuni ekhe lalinafik, hinendawinggen pire hilingitik, wene palhik, hinera nen afuni ekhe inabok weak palhik, ikhi lagep andi, herakfisikhi logoino o.