LUKAS 11:44 - Allah Wene Fano Wene Hupla Inane

⁴⁴ Hit hinebe re, mel hangge welagep. Afuni wa'lagunem kweangma salinafaresik, inendawi wenggelogo huli figi'lek herakfisugunem, afuni inonggot logolik ineisogen sebelisaluk lagaikharek andi hak, hit a'nogo weak werek kwelegat, afuni inonggot logolik hinom welagep andi nen Allah nen weaget hinabigin o,” iluk yagaisasikhe.

LUKAS 11:44 Iomraidhean Croise

MAZMUR 5:9

Tuhan neisena, afuni an naselei mene re mondok hokho pokhorogo hilingi'mo re. An nen Hat hendawimo anggikhi lagen mene nek hilingiti logouwageluk melalnobagagik, nen kwe yiba lan iluk yaganetik, ikhi logoino o, neisena.

YEHEZKIEL 39:15

Ebekhe andoma laga logolik ap oak kololok se'ma ineilenggen haluk he, it ap warek salinafi logogun mene omanogo nen ineilenggen haluk hambokhogo woginarek tonggo Gog agoromi inom esa logalek oba omanogo salinabuageluk enegengge fei laga logogun.

HOSEA 9:8

An he, nebe nabi logolik hit Tuhan againafuri hineluet hinobagakhi logouwageluk Allah nen la'nobagai wagaikhe, oba nen an o ekhema-ekhema laga lagikwe omanogo re, sue faget hakhogo an nobaget hele webet nobagakhi lagep. O kweang Allah onggwarek anggweangma a'nogoba nen afuni nit nabi ninap omanogo eil ninabi'lagwi.

BILANGAN 19:16

Ap ogo hemi ogo afuni nen pinggi inoatunem warek halok ogo, amu yabumo nen wa'lasigin halok ogo, andomaba fagisogoin halok he at ebe emerek werek kwelek enek linggene 7 nen logogin. Andi hak he ap wa'lagu mene inoak fagisogoin mene ogo, warek salegoba fagisogoin mene ogore emerek enek logogun.

KISAH PARA RASUL 23:3

Yagaisugunem, at Paulus nen, ap Allah eisewerek kain a'nogo yagati logolik, ”O hobat weak meneat he, elokhe fanorogo iluk amusu watarek andi hak, hagap oba nek fano hangge hendawinggen pire welagen andi re, Allah nen hat hoasigin aro. Haren, wene Allah nen komotninafikhe wene a'nogo fisogo logolik, wene andi higithogo hilingiti'lek, wene an noba fegepsik hagoromi nen an noasuageluk yagaisegen andi nenahalok,” iluk yagatikhe.