LUKAS 11:41 - Allah Wene Fano Wene Hupla Inane

⁴¹ Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

LUKAS 11:41 Iomraidhean Croise

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 41:1

Afuni nen wuni wulak fuluk inebe ambine seberogo ugunem yanggulinafu mene faget Daud awuni a'nogo.

AMSAL 14:31

Ap ekhe nen ap enggi lek mene fanot fikhe halok he eisena Allah legeisogo fili'lago, nen ap ekhe nen enggi lek mene andi sebelfikhe halok he eisena ebe Elalhe mene a'nogoat sebelogo fikhe.

AMSAL 16:6

Ap Allah ba nek eberek werek mene halok he inaweak legaphogo fisagain, nen ap inendawinggen Tuhan oba tibetfuluk werek mene re weak mene anggele'ma nen inagap telogo fisagain.

AMSAL 19:17

Afuni inenggi lek mene leberisagarek andi re inangge Tuhan oba elama faget wogotarek, hobuk At Tuhan nen it leberisogoin mene a'nogo inangge oak waganogo wogisagainat.

DANIEL 4:27

Andi nen he, henupogot mene noe. An nen komothafi mene andi hologo higithogo hilingiti logoino. Weak hilingiti lagen mene herakfisaluk he, fanorogo nek hilingitik, higithogo nek hilingitik, afuni inangge lek inelagaik mene hendawirinafik, ikhi logoino o. A'nogo hilingiti logogin halok he, hat hobuk fanorogo logogin o,” iluk yagatikhe.

MATIUS 26:11

It afuni inagarek lek mene andi hit hinom mondok logogun meneat he, an enek he, hit ninom mondok logogun lego.

MATIUS 5:42

Nen, at ap ekhe nen: Hagarek andi an wo'nom, iluk kino ugu halok he, hinabit igi'legat wogosugun o. Nen, at ekhe nen: Hat mene andi hobuk wokhesigen, elama faget wo'nom, iluk ugu halok he, nabit, igi'lek wogosugun aro,” iluk yagaisasikhe.

MARKUS 7:19

Nenggarek mene andi re, inendawinggenma kwikherek lek. We, pikhit inalabut elonggoma puluk he, inamise inom pikhit wusi lagaikharego,” iluk isikhe andi, yi mene ti mene hesanggeat ninggi logogun. Wesa lego, iluk isikhe andi.

LUKAS 12:33

Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.

LUKAS 16:9

Andi halok he, an wene ekhe yagahisak: ”Hinagarek yi mene ti mene kweangma mene, ineilmasirogo weak hilingitarek mene andi lek aga halok, hinawi fano mondok logogun oba wokhinabuageluk he, yogondak ya hinagarek andiba hinagaila'lak hinom enggawerakhikhi logoni o,” iluk yagaisasikhe.

LUKAS 18:22

at Yesus esanggo holhikhesik he, mel yagatikhe: ”Wene misigat enek ekhe hilingiti'lek welagen o. Hat hangge andoma felelenghogo it ekhe inoba onggo pali lano. Onggo paliluk he, onggo wokhesugun mene andi it afuni ekhe inagarek lek inelagaik mene andi mondok sumburogo wogisano o. A'nogo arat wogisegen halok he, hat pogoroba mene hokhorogat eisewerek asigin o. Halok a'nogo arat sumburogo wogisaluk he, an nombo'ne nikhi logoinogen we'no o,” iluk yagatikhemo,

LUKAS 19:8

at Zakheus a'nogo menlagaikhesik he, Yesus oba mel yagatikhe: ”Noe! An nangge yi mene ti mene mondogat tulem heirogo minggilogo re, it afuni inenggi lek mene andi sumburisagain. Nen, an nen afuni nera nen lalinafi mene halok he, onggo nenggi 4 oba nen hobuk oba loukhogoat wogisagain o,” iluk yagatikhe.

KISAH PARA RASUL 10:15

A'nogo yagatikhemo, ane a'nogo nen ekhe inom yagati logolik he, ”Allah nen, Fano nagain, iluk ikhe halok, haren, wesa, nagain lek, iluk hendawimo anggagun o,” iluk yagatikhe.

KISAH PARA RASUL 11:29

Andi sumburu ouwak ebe oan hilinglagi'lek werek kwelek he, it afuni Yesus ane wanhukwa mene omanogo nen he, ”Halok he, nit ninebe lombok uang ninenggimo aga mene higithogo ninerugwi ninagaila'lak o propinsi Yudea andoma andogotarek mene leberisouwogen andogorogo lakfouwogo,” iluk wene palhukwasik uang andogotukwa.

KISAH PARA RASUL 24:17

An mo lagagik, pigik, tahun hokhorogoat o Yerusalem lagi'lek welagarik he, nerugwi nagaila'lak ninebe misigat mene iluk, uang ekhe leberisigik, Allah faget ekhe fisigik, igeluk lagi.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

EFESUS 4:28

Hit ekhe nen yogot wanhi lagep mene halok, hobuk a'nogo wanhi'lek logolik, it inenggi lek mene leberisikhi logouwogeluk, hinonggwarek yabu hinenggi omamerogo wanhi logoino o.

TITUS 1:15

Allah nen afuni ekhe inendawimo fanorinafe mene halok, it faget, yi mene ti mene wesa lek. Fano nego. A'nogo meneat he, it ekhe inendawinggen Allah oba himbiret figi'lek logolik, inendawimo anggili'lagwi mene inom, eberi'lagwi mene inom, weagat werek andi nen, yi mene ti mene faget fano lek. Weak enego.

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.