LUKAS 11:4 - Allah Wene Fano Wene Hupla Inane

⁴ It afuni nit weak hilingninabi'lagwi mene inebe lombok niren sebelogo legetfisogo andi hak, niren weak hilingiti lago mene haren sebelogo legetfisan o. Weak hilingisuageluk ninendawimo kagalhu halok herakninobagagi'lek fetninarek mondok logoino, iluk samban ikhi logoino,” iluk yagaisasikhe.

LUKAS 11:4 Iomraidhean Croise

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

1RAJA-RAJA 8:34

Hat hebe pogoroba logolik inane hesanggo holhi logoino o, neisena. Haren it Hagainafuri weak hilingisugun mene andi sagalogo herakfisaluk, inawi it inombalak endamat wogisasigin oba yoma inambotkwe woginarek waga logoino o, neisena.

1RAJA-RAJA 8:36

Hebe pogoroba logolik, inane hesanggo holhi logoino o, neisena. Holfuluk he, it hagainafuri Israel mene inom, nit it inogogwi raja logogun mene inom, ninom Hat hane oak sagalogo weak hilingisugun mene andi, sagalogo legetfisikhi logoino o, neisena. Legetfisaluk, nit ninobabut higit hilingiti logouwagaluk komotninafi logoino aro. A'nogo komotninafunem halok, o Hat eise mene nit hagainafuri eise a'luk mondok-mondok logouwagaluk wo'nisasigin mene yoma oba meiso pelabi we'no o, neisena.

MAZMUR 121:7

Hat hebe weaget habinogoluk, At Tuhan awe a'ma hobagaluk were'ma, heluk fano logoinogoluk setharek mondok logogin.

MAZMUR 25:11

Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.

MAZMUR 25:18

Nendawi fit lagu nen hilingiti lagi mene andi inom, enggin-fenggin hikhi lagi mene andoma inom, Harenat fut nobagaluk, naweak mondogat legaphogo nobagain o.

DANIEL 9:19

Nane hesanggo holimbik he, nit weak hilingiti lago mene sagalogo herakfisano, neisena. Hat hawi kota inom, hagainafuri ninebe inom, At mene, iluk hat henu mene agarek andi nen he, hat habolok legat welagi'lek weak-weagat habolok in o, neisena,” iluk ayonggo figi.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

MATIUS 18:35

Andi hagat, hit hinerugwi hinagaila'lagen weaget hinabi'lagwi mene andi hinendawinggen enat sebelogo legetfisigi'lek halok he, an neisena pogoroba mene nen a'nogo hilinghinabigin aro,” iluk yagaisasikhe.

MATIUS 26:41

Weak hilingisuageluk hinendawimo kagali wesinogo iluk, hinebe hebelogo logolik he, sambanat ikhi logoni o. Hinendawimo nen elok hilingisigin iluk anggikhi lagep meneat he, hinebe nen a'nogo hilingisugun he, elo'lego,” iluk yagaisasikhesik he,

LUKAS 11:5

A'nogo yagaisasikhesik he, agoromi ane wanhi lagaukwa mene omanogo mel yagaisasikhe: ”Ap hit mene ekhe hup enggen tulem agailak oba laluk yagati logolik he, nagailage! An nagailak ekhe wele'ma lagelugen he, noba fa'larik lageluk wagasik werek mene re, sumburu wogosigin mene legen, haren sumburu roti werago mene henagan halok ekhe wo'nom o, iluk, yagatu halok he,

LUKAS 13:4

Nen, hit hinendawimo nen he, o Yerusalem i mogo habuli'mo enu Siloam andoma o helep mene uanat wutukwa mene were'ma, sinukhogo pi waga logolik, inebe 18 nen alperelogo sebelinafikhe a'nogo re, it afuni fena mondogat o Yerusalem welagaikharek mene andi re, weak endebat hak hilingitu kwelek, it al perelogo sebelinafikhe andi nek he, weak hokhorogo hilingiti lagaukwama inobaburen sebelinafikhe anggegeba?

LUKAS 22:46

Isa wagaikhesik he, mel yagaisasikhe: ”Hit nenahalok nogo ikhi lagep. Weak hilingisuageluk hinendawimo kagali wesinogo nen he, hinebe hineluk asimbik samban ikhi logoni o,” iluk yagaisasikhe.

LUKAS 8:13

Nen, helep oba pisikhe mene andi ebe re, it afuni ekhe Allah ane andi inesanggo holharesik he, inendawimo agaiyek hikhi logolik wanharesigat he, inendawinggenma omanggen yati'legen eberogoat iluk endebat enek anggaluk were'ma, weak hilingisuageluk inendawimo kagali wagunem he, arat kobokhogo herakfisaluk wulifarek andi aro.

YOHANES 17:15

Haren, it afuni kweangma mene inanggele'ma nen it enek kigilogo woginabinogen iluk kino yagaheti lagi fuk. We, at weak mene a'nogo nen weagerinabigeluk inoba wagunem, haren kwelaginarek logoinogen iluk yagaheti lagi o.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.

KOLOSE 3:13

Hit-hit ekhe nen ekhe weak hilinghinafunem, ambumet figi'lek hinafe morogo logolik, sebelogo legetfisikhi logoino. Hit weak hilingiti lagagip mene, ninoe Enupogoren sebelogo legetfisasikhe andi hak, hit-hit a'nogoat sebelogo legetfisikhi logoino o.

2 TESALONIKA 3:3

Menere, ninendawinggen ninoe Enupogot oba himbiret fugunem, ninane hologo hilingiterek mene a'nogo nen hinendawinggen wuriget hinafi logolik, at obabut mondok weak mene a'nogo nen weaget hinabigeluk ugunem fethinarek logogin andi nen, hinendawinggen at oba himbiret fuluk logoino o.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.

WAHYU 3:10

A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.