LUKAS 11:34 - Allah Wene Fano Wene Hupla Inane

³⁴ Ninebe faget he, esage ibilik hangge nineilenggen andi aro. Hineilenggen andi fano halok he, hinebe abirenggeat selek mondok logogun o. Nen, hineilenggen andi weak halok he, hinebe andi o mum oba hangge logogun o.

LUKAS 11:34 Iomraidhean Croise

KEJADIAN 19:11

A'nogo yagat fesukwasik he, it afuni o silimo welagaukwa mene omanogo mondogat ineilenggen mondok mumet fisasukwama re, kwe sou a'nogo inenggi ya fak ta fak heratukwa mene re komaheat hilinglagaikhe.

MAZMUR 119:18

Hat Hawene melalek mondok wesa polan mene yaganisikhi lagen mene andi an furogo kumuthikhi logoigen he neilenggen fenggen fein o.

MAZMUR 81:12

Oba nen he, it An nagainafuri omanogo nen he An nane holhu aple inabit welagaukwa. It afuni Israel mene nen he An nane hologo hilingitu aple mondok inabit welagaukwa.

AMSAL 21:4

Ap a'mage weak mene nen wene weak mene hilingiterek andi re, leget fakhikherek mene inom foget fakhikherek mene inom endawimo peterogo werek andi nen hilingiterek.

AMSAL 28:22

Ap kitkut mene nen he weak-weak nenggi werek asigin iluk hilingiterek, oba nen weak-weak enggi lek mene oba asi wesigin mene a'nogo wenggel higi'lek hilingiterek andi.

YESAYA 29:10

Tuhan nen he hit nogo nineilhogo kunalhikhi logolik nogo homokhogo uwageluk hilinghinabigin. Aren he ap nabi ineilenggen mumet fisigik, ineilenggen fano yethagarek mene inelokhe salfisigik, igin.

YESAYA 42:19

Hit afuni An namingmingengge Israel mene hineilenggen mum welagep andi hak, it ekhe ineilenggen mondogat mum mene re sani nogo? Nen, hit ap an nen hinayonggo fuluk lakhinobagagirek mene hinesanggo mondok tagum welagep andi hak, it ekhe andi hangge werek nogo?

YESAYA 44:18

Ibi-eberogo nen ap ariginik mene andoma re mondogat morue! It ineilenggen humunik logolik inendawinggen kwe yagarek were'ma re iren fut fili'lagwi lek.

YESAYA 5:20

Hit afuni wene eberogo mene inom kwanirek mene inom agam fagam isigik, mum mene inom, selek mene inom agametik, arik weak mene inom, enduk mitsek mene inom agametik, hilingiti lagep mene andoma re mondok alomat lakhouwogeluk welagep!

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

MARKUS 8:18

Hit he, hineilenggen werek meneat he, higi'legat, hinesanggo werek meneat he, holhi'legat, logolik ikhi lagep yoma ri! An nen sumburu roti ebe 5 nen kurogo afuni hokhorogoat 5.000 nen wogisigi a'nogo hinendawimo nen hinonggot ageba? Iren nenggasik tindelogo fagama mul ugu mene miren ambem peterogo kwalogo fegep nogo,” iluk yagaisasikhemo, iren he: ”12 nen kwalogo fogo anggigi,” iluk yagatukwama,

LUKAS 11:35

Andi halok he, o selek mene hinendawimo werek andi mum asinogo iluk, hinobabut hebelogo logoino.

KISAH PARA RASUL 13:11

Yethan! A'nogo hilingiti lagen andi nen, Tuhan Allah nen wene hoba fikhemo welagen o. Andi re, hat hebe yogondak elama faget ya heilenggen mum asimbik he, mo andi heilenggen yethigi'lek logogin o,” iluk yagatu kwelek aremnogoat, eilenggen ohena hangge salogo mum agaikhe. Mum agaikhesik he, ”Sa nen nenggi fagaisogo wo'narek lagain he,” iluk afuni enggi fak heraginabik lagaikhe.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

EFESUS 1:17

Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.

EFESUS 6:5

Hit afuni inamingmingengge mene nen he, Kristus ane hologo hinendawinggen misigat hinailorogo logolik hilingiti lagep hak, hinogogwi kaindek inane hologo agaukhogo hilinginafi logoino.

KOLOSE 3:22

Hit inamingmingengge mene nerugwi nagaila'lak. Hinogogwi kweangma mene nen, yi mene ti mene hilingisuageluk ugunem, inebe ineilhanem halok inendawimo fanorogo hilingitik, inebe le'ma halok kamo igik, ikhi logogubo. Athe, ninoe Enupogot hinailorogo hinendawinggen misigat logolik, hinogogwi andi inane hologo hilingfisikhi logoino o.