LUKAS 11:22 - Allah Wene Fano Wene Hupla Inane

²² Meneat he, ap ekhe at omame hangge re, lek. Athe, omame mondok hokho mene ap a'nogo aiba kwi wesimbik, ebe mabenet fisaluk, asikhe arige oba himbirik logogin mene omanogo telhi logolik he, agarek yi mene ti mene omanogo mondogat waganogo it ekhe sumburogo wogisagain o.”

LUKAS 11:22 Iomraidhean Croise

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

KELUARAN 15:9

Nit ninaselei mene nen ikhi logolik he, An nen muginarek lambik fakfisagain, Nenggarok lisogo wanimbik inebe legetfisagain. Inebe legetfisambik inangge mondogat telogo helagain, It ekhe sumburogo wogisikhi logolik, An nalawi engginet fakhambik, nalong pi-pe ikhi logogin,

YESAYA 27:1

Andi sambul he Tuhan nen enggarok omame mene enggat mondok merengsek mene andi waganogo re no Lewiatan kisu ambolebene pololangerik nikherek mene, mase masengge liaferek mene andi inom, kisu menawe i laut oba werek mene andi inom unggum wogisagain.

YESAYA 53:12

At onggwarek endawinggen nenat, nebe noasuak, iluk anggasikhesik, ebe afuni weak hilingitarek mene ninom misi'mo inenggi wena'ninabuak iluk anggikhe. Aren afuni hokhorogo inaweak hatesik, inaweak legetfisoageluk inobaget samban ili'logo. Andiba re aren hilingite onggo An nen yi afuni ti afuni hokhorogo at enggiba wogetik, at ebe ap kain enu werek hilingisogo figik, igin o,” iluk ikhe isikhe.

LUKAS 11:21

Ap ekhe omame hokho mene nen asikhe arige tik-tukhogo fakhaluk aiba kagalek logogin halok he, agarek yi mene ti mene mondogat fano tegelek logogin o.

LUKAS 11:23

”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.

EFESUS 6:11

At Iblis obabut lagoksek mene a'nogo nen weagethinabigeluk wagunem, weim yabuogeluk sing itarek hak, hit hinebe mendegat logouwogeluk he, at Allah nen yi mene ti mene wo'nisikherek mene andi mondogat hinagap oba laberogo logoino o.

EFESUS 6:13

Halok he, weak mene nen weagethinabi wagunem weim hinoba harorogo mendegat logolik yabuogeluk, sing itarek andi hak Allah nen ekhe mene-ekhe mene wo'nisikherek andi mene i'no o.

KOLOSE 2:15

At Kristus ebe e andiba wa'laga logolik Iblis agoromi kaindek inomame werek mene inom mabenet fisaluk he, afuni nen selei mene inom weim yafi logolik inomame a'luk, inebe ineluk hele warogo afuni ineilhanem woginarek wagaikharek hak, at Kristus nen sele'ma inenggali watikhe andi.

1 YOHANES 3:8

Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.

1 YOHANES 4:4

Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.