LUKAS 11:18 - Allah Wene Fano Wene Hupla Inane

¹⁸ Mene re, hiren an yaganeti logolik he, Munggwarengge inobabut weak mene inoe enu Beelzebul andi hoba louksek were'ma at omameba munggwarengge obabut weak mene ekhe afuni inendawimo kwisukwasik were'ma henegeisogo wulakfisikhi lagen, iluk yaganeti lagep andi, at Iblis andi onggwarek agoromi inom hulit fakhaluk inom weak a'lepma re, at agoromi ferinarek welagarek mene re ninggi'nogo omame logoilep anggegep? Elo'lego.

LUKAS 11:18 Iomraidhean Croise

MATIUS 10:25

Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.

MATIUS 12:26

Andi hak, at Iblis onggwarek agoromi munggwarengge inobabut weak mene inom hulit fakhaluk, fena nen fena mugusogo wulakfiselepma, at agoromi ferinarek welagarek mene ninggi'nogo omame logoilep? Elo'lego.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

MATIUS 4:24

A'nogo higirinabik nugunem, abok o Siria andoma mondok sak isikhemo re, yi ou ti ou, yi hat ti hat inoba werek mene inom, munggwarengge obabut weak mene inendawimo kwisukwasik inebe lugulugwi palharek mene inom, wa'lagik ineluk agik agarek mene inom, inenggi ineisok wut warek mene inom, oba woginarek wagunem fano higirinafi lagaikhe.

LUKAS 11:15

A'nogo fogeratukwa meneat he, it ekhe nen, mel isukwa: ”At Yesus andi munggwarengge inobabut weak mene inoe kain enu Beelzebul a'nogo omameba munggwarengge at agoromi hak inobabut weak mene afuni inendawimo kwisukwasik were'ma henegeisogo wulakfisili'logo,” iluk ugunem,