LUKAS 10:7 - Allah Wene Fano Wene Hupla Inane

⁷ It afuni hit wokhinabugun mene were'ma kwegep halok he, andomaat hinom logoino. Logolik, it afuni yabu wokhisugunem inenggi onggo yi mene ti mene wogisagaregaro, iluk, iren yi mene ti mene noageluk wokhisugu halok he, andiat ninggi logoino. O ya kwigik, ta kwigik, nikhi logogubo.

LUKAS 10:7 Iomraidhean Croise

BILANGAN 18:31

Tindel agu mene andoma re hit inom it heneisok erokwe mene inomen o koma nen halok ogo ninggi logogun enek, andi re hiren yabu An Nawi Sabumo hilingiti logogun mene andi onggo.

MARKUS 6:10

”Afuni inoba lambik he, o ya kwigik, ta kwigik, kwikhi logogubo. We, kugun oba andomaat logombik he, o ekhema louwogeluk halok andoma nenat wulibi wesimbik lano o.

LUKAS 10:6

Hai warinabik kugunem, iren hai warogo fano wokhinafa halok he, Allah nen fanorinabigin. A'nogo meneat he, it ekhe nen hai warogo wokhinafi'lek halok he, hai warinafep mene hinane oak helano o.

LUKAS 9:4

Nen, hit o ekhe lagunem, wokhinafu halok he, andomaat logombik, o ekhema louwogeluk halok, andoma nenat wulibi wesimbik lano.

KISAH PARA RASUL 16:15

Wene a'nogo wanhikhemo re, at ebe inom, it afuni at aiba misi'mo welagaukwa mene inom, ima pelaginafukwa. Pelaginafukwama, at Lidia nen he, ”An faget hit hinendawimo nen, at endawinggen Tuhan oba eberogoat himbiret fikhe higi, iluk hinendawimo anggegep halok he, an ninom logouwogen, ninom louwogo,” iluk ane ninghogo yaganisasikhemo re, ninom lagagu.

KISAH PARA RASUL 16:34

Ima pelaginafukwama, at Paulus Silas emberek at kain a'nogo nen aiba wogi narek lagaikhesik he, sumburu melagi sasikhe. Melagisasikhesik, at againafuri inom mondogaren inendawinggen Allah oba himbiret fesukwa andi nen, inendawimo inagaiyegetukwa.

KISAH PARA RASUL 16:40

A'nogo yagaisasukwama, o inenggi hele warek fisagarek oba andoma nen he, he Lidia aiba lagaukwa. Lagaukwasik, Allah againafuri mene inom ambi agaukwasik he, inendawinggen ago watfisaluk wagaukwa.

GALATIA 6:6

Nen, at ekhe nen fano wene yagahisugunem hit hinesanggo holhi lagep mene nen hinangge fano mene werek halok wogisikhi logoino.

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

ULANGAN 18:8

A'nogo hilingitunem, it imam fena nunggu mene wogisugunem helagarek a'nogo hakhogo, arogo a'nogo helikhi logogin. Nen, at eisok erokwe nen lakfei wagu mene andoma at helikhi logogin halok fano,” iluk yagaisasikhe.

1 TIMOTIUS 5:13

A'nogo hilingiti logolik, inobabut he, inenggi wanhi'lek o kuluk ya kwigik nikherek. A'nogo nikhi logolik he, ekhe weak mondok yi'nogo hilingiri'lagwi. Inane yonggo waluk weak ikhi logolik it ekhe inawene meneat talombogengge igik, wene ekhe u lek mene hunogoat mene igik, ilik nikho andi.

2 TIMOTIUS 2:6

Nen, ekhe re, afuni ekhe ineabu heligik, awi yagaisogo set kwalogo hilingiri'lagwi mene andi ebe wurik agunem he, inonggwaregen tak nenggarek andi.