LUKAS 10:42 - Allah Wene Fano Wene Hupla Inane

⁴² Meneat he, wene misik ekhe hilingisu werek kwelegat he, haren yi mene ti mene faget enek hilingiti lagen. Hagot Maria yi nek he, wene fano wene misik andiat wenagaisogo eisewerek agasi'mo re, Herakfisan iluk yagasigin mondok lego,” iluk yagatikhe.

LUKAS 10:42 Iomraidhean Croise

MAZMUR 119:111

Haren yi'nogo hilingiti logoino-ti'nogo hilingiti logoino iluk isigin mene andi re an nangge mondok-mondok logogin mene hilingi'mo re, andi nen an nendawimo agaiyek mene hilingfikherek.

MAZMUR 119:173

An he Hat hawene melalek andi nek murok laga logogin iluk wenakhasigimo re, Hat hendawi fano nen an lebetniikhi logogin logouwak.

MAZMUR 119:30

An he hane hologo hilingiti logogin iluk wenagaisogo fakhigirik he, Hat hawene melalek omanogoba nek ebet-ebet hilingiti lagi.

MAZMUR 142:5

An nera'lukwe neilenggen furogo kumuthugunem he, an lebetnea mene ekhe werek le'ma hikhi lagi. An nebe telogo nobagagu mene ekhe werek legat, athe an nebe hilingik welagi mene faget kwelakniugu mene ekhe werek legat.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 73:25

O pogoroba an lebetneogoin mene ekhe werek nogo? We Hat hami hamuat welagen anggigi. An nendawinggen hundik mene o kweangma mene ekhe werek lek, we Hat hami hamu nek welagen o.

PENGKHOTBAH 12:13

Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.

MARKUS 8:36

A'nogo meneat he, sa nen, yi mene ti mene kweangma mene mondogat eisewerek asigin oba nen he. Ebe eluk mondok logogin mene a'nogo nong asigin halok, aren ikhi logolik, ”An ekhe elok saburogo fakhigi,” igin nogo? Mondok lego.

LUKAS 10:39

At Yesus, he Marta andi agot enu Maria emberek were'ma kwisikhemo, he Maria a'nogo Yesus awe a'ma logolik ane esanggo hologo welagaikhe.

LUKAS 11:1

Inenggi ekhe sambul he, at Yesus o ekhema logolik samban ikhi lagaikhe. Samban arat isikhemo nen he, at agoromi ane wanhi lagaukwa mene omanogo ekhe nen mel yagatikhe: ”Noe. At Yohanes nen, at agoromi ane wanhi lagaikha mene samban ikhi logouwageluk yagaisikhi laga andi hak he, nit ogo re a'nogoat samban ikhi logouwogen iluk ekhe yaganisan o,” iluk yagatikhemo,

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

LUKAS 12:33

Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.

LUKAS 16:2

A'nogo yagatukwama, at kain a'nogo nen amingmingengge mene a'nogo wolhasikhemo wagaikhemo re, mel yagatikhe: Hat hilingiti lagen mene nesanggo holhi andi re, ninggi'nogo hilingiti lagen. Yogondak hat an naiba yoma logolik an nagarek fisogo logogin lek hilingi'mo re, fisogo logolik hilingiti lagen mene lisu palek mene andi pilingisogo yaganesimbik he, wo'nom o, iluk yagatikhe.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

LUKAS 18:22

at Yesus esanggo holhikhesik he, mel yagatikhe: ”Wene misigat enek ekhe hilingiti'lek welagen o. Hat hangge andoma felelenghogo it ekhe inoba onggo pali lano. Onggo paliluk he, onggo wokhesugun mene andi it afuni ekhe inagarek lek inelagaik mene andi mondok sumburogo wogisano o. A'nogo arat wogisegen halok he, hat pogoroba mene hokhorogat eisewerek asigin o. Halok a'nogo arat sumburogo wogisaluk he, an nombo'ne nikhi logoinogen we'no o,” iluk yagatikhemo,

LUKAS 8:18

wene hinesanggo holhi lagep mene andi fanorogo futfikhi logoino o. It afuni inagarek werek mene andi re, ekhe inom mangorogo wogisagain. Meneat he, it ekhe lek mene andi re, inendawimo nen he, endebat ya elok werek, anggili'lagwi mene andi telogo helagain o,” iluk yagaisasikhe.

YOHANES 11:1

Ap ekhe enu Lazarus erugwi Maria agot Marta inom inaiba o Betania misi'mo mene welagaukwa.

YOHANES 11:19

it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.

YOHANES 12:3

A'nogo nunggu kwelek, at he Maria nen amusu enu naruwastu amben fano mene onggo hokhorogoat palharek mene Yesus eisok oba watfesikhesik he, at Maria onggwarek esiba tetikhe. A'nogo tetikhemo, oloba a'nogo amben mondok sang-pang isikhe.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

1 KORINTUS 13:3

Yi mene ti mene an nenggim mene mondogat afuni inagarek lek mene sumburisigik, nebe mondok warogo endu noageluk neranenat igik, ikhi logolik meneat he, afuni ekhe inebe nendawirogo logogin lek halok he, we, tulemat alemarogo ikhi logogin o.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

ULANGAN 30:19

Yogondak he, hit hineluk logogun mene wenakhogoin a? Wa'lasugun mene wenakhogoin a. Allah nen fanothinabuagaluk wenakhogoin a? Homan hinobagauwagaluk wenakhogoin a. Hit hinonggwaregen wenakhani o. Hiren he, nit yi mene ninamolo iluk ugunem pogot inom, kweang inom ineil werek kwelek ubagaigen he, wolisagain o. Andi nen he hiren, nineluk logogun ninamolo re, ebe yi mene, iluk wenakhani o.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

YOSUA 24:22

A'nogo isukwama, at Yosua nen he, mel yagaisasikhe: ”Hiren he, nit hunogo mene ekhe amingmingengge hilinglagi'lek, we, nineisena Tuhan amunek amingmingengge logogun, iluk egep halok, hinoggwarek hinelurogo logogun andi,” iluk yagaisasikhe. A'nogo yagaisasikhemo, iren he, mel yagatukwa: ”Nen. Eberogoat. Nit ninonggwaregat ninelu logogun o,” iluk yagatukwa.