LUKAS 10:16 - Allah Wene Fano Wene Hupla Inane

¹⁶ A'nogo yagaisasikhesik he, at agoromi ane wanhi lagaukwa mene omanogo yagaisikhi logolik he, mel isikhe: ”It afuni nen hit hinane holi'lagwi halok he, an naneat holi'lagwi o. Nen, ninabit, iluk herakhinobagaga halok he, Anat heraknobagaga o. Nen, An heraknobagaga halok he, An laknobagai wagaikhe mene a'nogo Ebeat herakfisaga o,” iluk a'nogo yagaisaluk he, lakfisasikhe.

LUKAS 10:16 Iomraidhean Croise

KELUARAN 16:7

Hobit hubet siakhogo, At nineisena Tuhan ebe ninom welago andi ombak-bak ineilenggen silik-pabuk igin mene hogoin o. Wene niren hit yagahisikhi lago andi re, nineisena Tuhan komotninafi logolik, yi'nogo hilingi'no, ti'nogo hilingi'no, iluk yaganisikherek mene nek yagahisikhi lago andi nen he, hiren hina'mage lagaluk wene palhi lagep andi, nit ninoba palhi lagep fuk. We, nineisena Tuhan oba palhi lagep mene esanggo arat holhe o.

KELUARAN 16:8

Hit hina'mage lagaluk ninoba wene fikhi lagep andi, eberogoat he, nineisena Tuhan oba wene fikhi lagebo. Wene ikhi lagep mene andi re, nineisena Tuhan esanggo arat holhe andi nen he, aren hit nogoin mene faget hu'mokwe re, sue wokhisigik, ohealekwe re, sumburu roti hangge mene wokhisigik, ugunem hinalabut ninghogo ninggi logogun o, iluk eberogoat yagahisogo,” iluk yagaisasukwa.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

BILANGAN 14:11

A'nogo weinam agaikhesik, Tuhan nen he, Musa mel yagatikhe: ”Afuni oma nen inenggi miren oba An ninom weim palek hangge hilingiti logogun nogo? An nen it futfouwageluk inanggele'ma hilingisu lek mene elalin mene hokhorogoat hilingitu kwelek meneat he, huli kiba nen inendawinggen An noba himbiretfogoin inabit nogo?

BILANGAN 14:2

A'nogo ikhi lagaukwasik, Musa Harun emberek inoba limamit palogo mel yagaisasukwa: ”Nit ninebe o Mesir a'lima he a? O leimo afuni le'ma yoma he a, wa'la'loma fano mene. Nit ninebe wa'lasumo fano o!

BILANGAN 16:11

Hat inom agaila'lak mukharek wagaikha mene oma hinomen Harun eilhanem hinane mul-mul ikhi lagep mene andi ibi-eberogo nen he, Tuhan ane oak sagalhi lagep andi!” iluk yagaisasikhe.

MATIUS 10:40

”At sa nen hinebe wokhinabigin halok he, an nebeat wo'nabigin o. Nen, an nebe wo'nabigin andi, an neisena laknobagai wagaikhe mene a'nogo ebeat wanigin o.

MATIUS 18:5

Nen, sa nen yenggerek yi hangge an faget wanhe halok he, an nebeat wo'nabigin o,” iluk yagaisasikhe.

MARKUS 9:37

”Sa nen yenggerek yi hangge mene misigat ekhe an faget wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin fuk. Neisena laknobagai wagaikhe mene a'nogo ebeat wanigin o,” iluk yagaisasikhe.

LUKAS 9:48

it omanogo wene mel yagaisasikhe: ”Hit hinanggele'ma yoma at enu lek sebelek mene andiat ebe kain enu werek asigin andi nen he, sa nen yenggerek yi an faget wanhe halok he, An nebeat wo'nabigin o. Nen, sa nen an wo'nafu halok he, At laknobagai wagaikhe mene a'nogoat wanigin o,” iluk yagaisasikhe.

YOHANES 12:44

It a'nogo hilingiti lagaukwa meneat he, at Yesus nen ane hokhorogo yagaisikhi logolik he, mel yagaisasikhe: ”At sa nen endawinggen an noba himbiret fagain halok he, an noba himbiret fagain fuk. Lego. We, an laknobagai wagaikhe mene a'nogo oba endawinggen himbiret fagain o.

YOHANES 12:48

Athe, at andi an nebe wo'nabu abirat, nen nane furogo wanu abirat andi nen wene oba fagain mene werego. Wene oba fagain andi re, o wurep oba tegelinabigin andiba, an nen wene yagahisikhi lagi andibaat wene oba asigin o, iluk a'nogo yagahisikhi lagi andi re,

YOHANES 13:20

”At sa nen, afuni an nen lakfisagain mene woginafe halok he, anat wo'nabigin o. Nen, at sa nen an wo'nafe halok he, at an laknobagai wagaikhe mene a'nogoat wanigin o, iluk eberogoat yagahisigi,” iluk yagaisasikhe.

KISAH PARA RASUL 5:4

Kweang andi haren it ekhe inoba onggo wanhi'lek werek kwelek, hat hanggweang meneat. Ma re, it ekhe wogisegenma onggo faga mene andi hat mene aro. Meneat he, hendawimo nen a'nogo kagalogo hilingiten andi nenahalok. Hane heranenat egen andi, nit afuni yaganisegen fuk. At Allah at yagateno,” iluk yagatikhe.

GALATIA 4:14

Yagaisugunem an noba ou hikhi lagagi andiba hinabiret nobagau higit meneat he, hinabit niigi'lek, hina'meilo niigi'lek, malaikat Allah nen lakfei wesu mene wanu hak he a? Athe, Kristus Yesus ebe wanu hak he a, wo'nafigip andi.

1 TESALONIKA 4:8

Wene andi hit ekhe nen herakfisikhi lagep halok he, nit afuni ninane mene herakfisikhi lagep fuk. Lego. We, Allah nen Areagun hit wokhisikherek mene a'nogo ane meneat herakfisikhi lagebo.