LUKAS 10:11 - Allah Wene Fano Wene Hupla Inane

¹¹ Nit-hit hinaiba logolik kweang aling nineisok oba labulaga mene yi, hit weak iluk hineilhanem horogo herakfisogo yi. Hinendawimo nen, Allah awe a'ma ninobagagin oba arat yogondak horogasi waga o, iluk, fanorogo futfikhi logoino, iluk yagaisano.

LUKAS 10:11 Iomraidhean Croise

YEHEZKIEL 2:5

Iren holugun inamolo halok ogo inabit halok ogore ebe esin he nabi it inanggele'ma werek iluk inelu asugun andi esin o.

MATIUS 10:14

Nen, it andoma nen hinebe wokhinafi'lek logolik hinane wanhi'lek herakfisaga halok he, o andoma herakfisaluk hinambotkwe wulibi waga logolik he, hineisok aling horogo pelakfisaluk wulibi we'no.

MATIUS 10:7

Laga logolik he, mel yagaisilik lano: Nineisena Allah Enupogot awe a'ma ninobagagin oba a'nogo yogondak arat horogasi waga, iluk, yagaisilik lano.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

MARKUS 6:11

It afuni o ekhe nen hinebe wokhinafik, hinane holhik, igi'lek halok he, o andi nen wulibi waga logolik he, it o andoma mene inendawimo futfouwageluk he, hineisok a'makwe kweang ogoilong terogo herakfisaluk wulibi we'no,” iluk komorogo lakfisasikhe.

LUKAS 10:10

Meneat he, o sili ekhe hit kugun oba andoma nen hai warogo wokhinafu lek halok he, hinebe wulibi waga logolik ebe khalem asi lambik he, mel ino:

LUKAS 10:9

O sili andomaba logolik, it ekhe inoba ou werek halok, hiren higirinafi logolik he, Allah nen awe a'ma hinobagagin wene andi arat hinoba horok asi waga o, iluk yagaisikhi logoino.

LUKAS 9:5

Nen, it afuni o ekhema nen hinebe wokhinafi'lek halok he, hebisaluk wulibi waga logolik he, it o andoma mene inendawimo futfouwageluk he, hineisok aling horogo pelakfisaluk wulibi we'no,” iluk, komorogo lakfisasikhemo,

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

KISAH PARA RASUL 13:40

Mene re, it ap Allah ane yagaisikhi lagaukwa mene omanogo nen he, mel isukwa: Hit o yogondak welagep yaba re, an nen yi mene ti mene hilingitunem, at ekhe nen furogo yagahisugunem he, hiren eberogoat iluk futfigi'lek logolik hinendawimo serametfikhi lagep andi yethani! An nen a'nogo hilingitunem hineilenggen haluk fogerati logolik he, hinebe wa'lakhogoin andi, iluk Allah nen isikhemo lisu palogo fesukwa andi hak, hit hinoba asinogo iluk he, wene hinesanggo furogo holhi logoino o,” iluk yagaisasikhe.

KISAH PARA RASUL 13:46

A'nogo isukwa meneat he, it Paulus Barnabas emberegat inailo lek hogoat logolik he, mel isukwa: ”Allah ane andi hit tak yagahisa hagat yagahisa wago meneat he, hit hinabiren herakfisikhi lagep, hinonggwaregen he, nit nabulal-habulal hilingninabigin he, ninabiro, iluk u hagat ikhi lagep andi nen, nit nineisena Allah nen ninayonggo fikhi logolik yaganisasikhe hagat hilingisugun. Aren: An nen he, afuni endakwe mene selegerinafik, o wurep oba werek mene telinafik, igeluk he, esage ibilik hangge, hit hinebe heragaisogo menhinobagagi o, iluk yaganisasikhe higithogo, hebekhogo it afuni endakwe mene yagaisa logoin o,” iluk yagaisasukwa.

KISAH PARA RASUL 13:51

Wulakfisugunem inendawimo eberek logouwageluk, it Paulus Barnabas emberegen he, ”Hinoba lombok,” iluk ineisok ologoilong horogo herak fisaluk he, o Ikonium kwi lagaukwa.

ROMA 10:21

Nen, Allah nen afuni Israel mene mel yagaisasikhe: ”An huberen, linggene nen, hu'mokwe nen, afuni yoma woginabigeluk nenggi langhogo welagi meneat he, inesanggo holhi'lek nane oak sagalhuat werego,” iluk yagaisasikhemo, Yesaya nen yagaisasikheat.

ROMA 10:8

Halok he, wene andi mel anggaluk isikhe: ”Allah ane andi ebe horogat werego. Andi hambeba inom, hendawinggenma inom, werego,” iluk isikhe andi, afuni nen inendawinggen Allah oba himbiret fogoin wene niren yagahisikhi lago andi fagerat isikhe o.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.