LUKAS 1:80 - Allah Wene Fano Wene Hupla Inane

⁸⁰ Nen, at Zakharia amlogo a'nogo ebe alue agaikhesik endawinggen mondok wurik agaikhesik, afuni Israel mene oan eilenggen isa lagi'lek logolik he, o leimo afuni mondok le'ma andoma welagaikhe.

LUKAS 1:80 Iomraidhean Croise

MATIUS 11:7

A'nogo isikhemo, it Yohanes agoromi omanogo lagaukwama re, at Yesus nen afuni hokhorogo omanogo Yohanes abok mel yagaisasikhe: ”Hit he, o leimo afuni le'ma andoma nena mene hineilenggen houwogeluk laga lagep nogo? Findayonggen sogoien funhogo lagik-wagik ugunem houwogeluk laga lageba?

MATIUS 3:1

A'nogo hilingitukwasik oba nen he, at Yohanes ima pelaginafi lagaikhe mene a'nogo, o Yudea tonggwe leimo afuni le'ma andoma wagaikhesik wene yagaisikhi logolik, yi'nogo ikhi lagaikhe:

LUKAS 2:40

Lagai wagaukwasik logolik, yenggerek a'nogo alue aga logolik, ebe omame agik, endawinggen mondok kagalek mene hilinglagik ikhi lagaikhemo, Allah nen agaugwerati lagaikhe.

LUKAS 2:52

Nen, at Yesus a'nogo logolik, ebe alue agik, endawimo kagalek mondok hilinglagik, ugu kwelek, eisena Allah inom, afuni inom, at faget inoba liok ikhi lagaikhe.

YOHANES 1:31

An attagat, at ebe an nonggotma re, sa heat, futfigi'lek welagagi meneat he, afuni Israel mene at ebe inelu asuageluk ima pelaginafi logoigeluk wagagi andi,” iluk yagaisasikhe.

KISAH PARA RASUL 18:28

Leberisikhi logolik, it Yahudi mene inom afuni ineilhanem wene palhi logolik he, awenenggak katoksek andi nen, it inane mabenetfisaluk, at ane omame agaikhesik he, Allah ane lisu palek a'nogoba yagaisikhi logolik he, ”Allah nen he, Kristus telinaferek mene lakfei wesigin iluk wene wa'nisasikhe a'nogo, ebe Yesus lakfei wagaikhe andi aro,” iluk fakhogo yagaisikhi lagaikhe.

1 SAMUEL 2:21

A'nogo hilingitunem, At Allah nen Hana fanotfesikhemo, eagwi ap inebe henagan, nen helime inebe pire taginafikhe. Nen, at Samuel a'nogo re, ebe ekhe inom alue aga logolik Allah obaget hilingiti lagaikhe.