LUKAS 1:8 - Allah Wene Fano Wene Hupla Inane

^8-9 A'nogo yaman agaukwasik logolik, inenggi ekhe sambul he, at Zakharia ebe inom, ap ekhe inebe misigat mene inom, Allah eisewerek logolik, iren at Allah awi wuri'mo kwisukwasik hilingisu higit agaikhe. Higit agaikhemo kwisukwasik he, amben fano mene Allah eilhanem sa nen hak nolesi kwigin, iluk oagengge lakfikhi lagaukwa higithogo, at Zakharia lakfugunem oba higit agaikhemo noligeluk kwisikhe.

LUKAS 1:8 Iomraidhean Croise

1 TAWARIKH 24:19

Ap inenu palek andi re, it afuni Israel mene ineisena Tuhan Allah nen wene melalek yi'nogo hilingi'no ti'nogo hilingi'no iluk it inomba Harun yagatikhemo Tuhan Awi elonggoma omanogo inebe hobugalep kwi laluk, Tuhan obaget hilingiti logogun mene iluk fesukwama hilingiti lagaukwa higithogo palek andi.

2 TAWARIKH 31:19

It ap imam hun Harun ambisangma mene logogun kwe iluk o kota lenogo filik lagaikhe kwe andoma inom, o kota andoma alilu horok-horokwe lei kwe andoma inom, inanggelek kwe andoma inom, it ap imam ineisok erokwe omanogo mene ap mene nek inom, it inunggulenu Lewi mene nen inenu lisu palek mene nek inom, nunggu mene omanogo sumburogo wogisugunem helikhi logouwageluk he, ap sumburinafu mene fisilik lagaikhe.

2 TAWARIKH 31:2

At Raja Hizkia nen he it ap imam inom, nen Lewi inap inom ineabu kurik werek higit-higit fisilik lagaikhe. It yabu sumburisilik lagaikhe mene andi re ebe yi: Iren wam Tuhan endawimo agaiyek hoageluk warogo nolhik, wam At Tuhan nen fanot ninobagauwageluk kino yagati logolik warogo nolhik, o Tuhan Awi wuri'mo omanogo wene kabogetuba yabu hilingitik, o Tuhan Awi elonggokwe omanogo nen Tuhan foget fikhi logolik hai watik, hilingiti logouwageluk sumburogo wogisasikhe.

2 TAWARIKH 8:14

A'nogo hilingitikhesik he at eisena Daud en wene melalek yagatikhe mene higithogo re it ap imam omanogo nen yabu linggene hundik-hundik hilingitu mene faget inom, it ap Lewi inaben wuniba Tuhan enu fogeratik, it imam en wene kabogeti logolik hilingitunem omanogo leberisigik, hilingiti logouwageluk wenagaisogo fisasikhe. Nen, andi nen he at Daud Allah amingmingengge a'nogo nen wene yi'nogo ti'nogo iluk isikhe mene higithogo re it ap o Tuhan Awi wurik mene a'nogoba kagalek werek mene iluk welagaukwa mene a'nogo re o ebekwe kwi lagukwe aremnogo higit-higit wenagaisogo fisilik lagaikhe.

EZRA 6:18

A'nogo hilingitukwasigen he, wene Musa nen lisu palogo fesikhe mene a'nogo higithogo, it ap o Tuhan Awi wuri'mo yabu hilingiti logogun mene inebe faget he, it ap imam logolik yabu hilingiti logogun mene inom, it ap Lewi inap omanogo inom ineabu hilingik higithogo nek fisilik lagaikhe.

KELUARAN 28:1

Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.

KELUARAN 28:41

Ik fuluk he su andoma hare Harun hinom at againafuri inom ikfisano. A'nogo hilingfisamo, iren An nobaget inebe penogo logolik imam asimbik logolik yabu hilingiti logouwagen he e zaitun amusu kweisalogo inebene yugulfisano.

KELUARAN 29:1

Wene yagaisikhi logolik he, ”It Harun inom at againafuri inom inebe imam An nobaget yabu hilingiti logouwageluk inunggul sebelogo menfisogoin he yi'nogo: Sapi ai mene ket kotorek mene misik ekhe inom, domba ai mene agambut palek lek mene pire inom waluk he,

KELUARAN 29:44

An nen he, o sabu andi inom mezbah andi inom, obalik mondogat hore'ma hilingfagain. Nen Harun inom at againafuri inom he inebe imam logolik An nobaget hilingiti logouwageluk he, An nen inebe enogo fisagain.

KELUARAN 29:9

ban it inebeba puget fisigik, imbik he inunggulasu ogo inunggulmo puget fisagaino. A'nogo nek haren at Harun inom at againafuri inom menfisagain. A'nogo menfisamo re, it Harun ambisangma mene andoma re inebe An nobaget imam mendek logolik mondok-mondok hilingiti logogun.

KELUARAN 30:30

At Harun againafuri inom andi ogore imam logolik An nobaget hilingiti logouwageluk he, amusu inunggulmo kweisal fuluk enogo fisagain.

BILANGAN 18:7

Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.

LUKAS 1:5

Ap enupogot Herodes o Yudea oba ferinarek were'ma andem, ap ekhe enu Zakharia, ap Abia nen tagongge mene, inebe imam logolik hilingiti lagaukwa mene, welagaikhe. Nen, at agwe enu re Elisabet, imam Harun en tagongge mene welagaikhe.

LUKAS 1:7

Meneat he, at he Elisabet andi, ebe abili nen eak ekhe takhigi'lek logolik agun emberegat arat yaman agaukwasik welagaukwa.