LUKAS 1:74 - Allah Wene Fano Wene Hupla Inane

^74-75 It afuni ekhe ninom weim palek mene inenggimo nen telogo re, ninailo agi'lek nineluk logolik, Allah eilenggen werek kwelek nit weak hilingiti'lek at faget enek higithogo hilingitik, ikhi logouwageluk hilingisi waga yi o.

LUKAS 1:74 Iomraidhean Croise

2 RAJA-RAJA 17:39

Oba nen he An hineisena Tuhan Allah nebe Anat ma re, hiren An noba tiphogo nek hilingiti logoni, nen hiren a'nogo hilingiti logogun halok he hit hinebe ap hinaselei mene inenggimo nen An nen telogo hinobagakhi logogin o,” iluk yagaisasikhe.

MAZMUR 119:134

An nen Hat hawene melalek a'nogo hologo hilingiti logouwageluk, it afuni an noba enggin-fenggin nobagali'lagwi mene andomaba nen fikhalogo nobagakhi logoin o.

YESAYA 43:21

It inunggulenu ari mene re iren An nobaget wuni fogetnafu awuni wati logolik fagerik laga logouwageluk An nonggwarek faget wenagaisogo fakhasigi o,” iluk ikhe.

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

ZAKHARIA 8:19

”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.

LUKAS 1:71

it afuni ekhe ninom weim palek mene inenggimo nen telninafik, it afuni mondogat inabiret fisili'lagwi mene inenggimo nen telogo ninobagagik, hilingisigin o, iluk ikhi lagaukwa a'nogo higithogoat hilinglagaikhe.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

2 TIMOTIUS 1:7

Allah nen ninobabut wo'nisikherek andi re, ninailorogo logouwageluk wo'nisikherek fuk. We, ninomamerogo welagik, afuni ekhe ninendawirogo welagik, ninendawinggen sebelek welagik, ikhi logouwageluk wo'nisikherek andi.

IBRANI 2:15

nit afuni ninebe ta'lagoresik nineluk logolik, wa'lasugun ninailo nen ninenggi hele warek hangge welagagu mene fikhalogo ninobagagik, igeluk, nit wa'lagorek mene ninobabut waganogo wa'lagaikhe andi.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.