LUKAS 1:71 - Allah Wene Fano Wene Hupla Inane

⁷¹ it afuni ekhe ninom weim palek mene inenggimo nen telninafik, it afuni mondogat inabiret fisili'lagwi mene inenggimo nen telogo ninobagagik, hilingisigin o, iluk ikhi lagaukwa a'nogo higithogoat hilinglagaikhe.

LUKAS 1:71 Iomraidhean Croise

2 RAJA-RAJA 17:39

Oba nen he An hineisena Tuhan Allah nebe Anat ma re, hiren An noba tiphogo nek hilingiti logoni, nen hiren a'nogo hilingiti logogun halok he hit hinebe ap hinaselei mene inenggimo nen An nen telogo hinobagakhi logogin o,” iluk yagaisasikhe.

MAZMUR 106:10

A'nogo hilingitikhe andiba re it inaselei mene inenggimo nen inagap telogo fisigik, nen it inom weim palek mene inenggi omame a'ma nen lologo wulak fisa wagik, isikhe.

MAZMUR 106:47

Tuhan Allah neisena, Haren nit ninagap telninabin, niren Hat hai wathafik, nen Hat henu mondok fano horek mene andi fogethafik, hilingiti logogun nen he, nit afuni amu mene inaggelekwe andoma were'ma Haren andogorogo ninobagakhi logoin o.

YEREMIA 23:6

Nen, aren melalinafunem he afuni Yehuda mene re inagap telek logogun, nen afuni Israel mene re inailo lekhogo logogun. Raja andi faget he Tuhan nit ninagap telherek mene ikhi logogun.

YEREMIA 32:37

It inunggulenu yi re An nen it inoba na'mage lagaluk nanini inoba fikhi lagi mene andi re, it inebe telfol isasigikwe andoma nen andogorogo inambotkwe fisa wesigin. An nen o kweang yiba woginarek wesimbik he it inendawinggen yamukhogo logouwageluk hilingisogo fisagain.

YEHEZKIEL 28:26

It inebe andoma fano lombukhogo logolik inawi wurigik, anggur yabu heligik, ikhi logogun. An nen he it inunggulenu inera'lukwe welagaikharek mene nen wenagisikhi lagaukwa mene andoma unggum wogisamo re it Israel mene re fano liokhogo mondok logogun. Andiba re An Tuhan Allah it ineisena a'nogo inelu asugun o,” ikhe.

YEHEZKIEL 34:25

An nen it ninom wene wati logolik, it inebe inendawinggen hambukhogo logouwageluk abok wene warisagain. An nen he mene olomene nen senggeli'logo mene andoma mondogat he o kweangma mondogat mugusogo wulak fisagainmo re An mene nanggo domba andoma re inendawinggen hambukhogo leikwe welagik, o engga ogoikwe nogogik, ikhi logogun.

YEHEZKIEL 34:28

It he ap inunggulenu An inonggot mene nen hele warogo woginarek lagik, athe mene olomene nen senggelinafik, igin lek. It he inendawinggen serogo were'ma re ap misigen iluk ogo ekhe inailot fisikhi logogun mondok lek.

YEHEZKIEL 38:8

Tahun miren mene hakhogo An nen at oba melalfikhi logolik, o kweang ekhe yi afuni ti afuni inanggelekwe nen nekhengge kaboget fisambik o kweang andiba inabolok legengge were'ma nen pin talogo inoasi kwin iluk yagasigin. Gog he it Israel mene inandom o attak a'lima nenat ap mondogat inareng tereng isukwama o meisalek enek kabok lagali'lago menere yogondak he, afuni inailo legengge inendawinggen serogo were'ma andoma sebelimbik logogin.

LUKAS 1:68

”Nit afuni Israel mene andi nineisena Tuhan Allah nen eilenggen nisa wagasik telninafe andi nen he, at fogerati logouwogo.

LUKAS 1:74

It afuni ekhe ninom weim palek mene inenggimo nen telogo re, ninailo agi'lek nineluk logolik, Allah eilenggen werek kwelek nit weak hilingiti'lek at faget enek higithogo hilingitik, ikhi logouwageluk hilingisi waga yi o.

ULANGAN 33:29

Hit afuni Israel mene yi, hinendawimo hinagaiyeti logoino o! Nit nineisena Tuhan nen hit telhinafikhe andi hak, it afuni inunggulenu lombok ekhe telinafi'lego. Nit nineisena Tuhan a'nogo, ebe hit werekwe a'luk, hinaselei mene mabenetfisaluk, hinomame asuagaluk hilinghinafik, ikhi logolik, At ebe re, karok weim yafarek mene hakhogo inom, afuni nen inoasinogo iluk sing labetarek hakhogo inom, asimbik logouwago. Afuni hinaselei mene andi nen, Hinendawit ninabini o, iluk yagahisa wagunem, hiren he, it inebe hineisogen al perelogo fisikhi logogun o,” iluk yagaisasikhe.

1 YOHANES 3:8

Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.