LUKAS 1:6 - Allah Wene Fano Wene Hupla Inane

⁶ At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

LUKAS 1:6 Iomraidhean Croise

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

KEJADIAN 6:9

Nuh nen hilingitikhe re, yi'nogo. At Nuh againafuri ap inebe henagan mene taginafikhe. Inenu re, Sem inom, Yafet inom, Ham inom. Nen, at Nuh ebe obabut he, at Allah inom horokhogo hundik logolik, weak ekhe hilingiti'lek higithogo nek hilingiti lagaikhe. Andem sambul he, at amunek fano hilingiti lagaikhe.

KEJADIAN 7:1

A'nogo hilingitikhemo, nineisena Tuhan nen Nuh mel yagatikhe: ”O yogondak ya, hat hamunek he, An nendawimo anggikhi lagi mene higithogo hilingiti lagenma re, yogondak hat hagainafuri hinebe mondogat kapal elema kwi lani o.

1RAJA-RAJA 15:5

Tuhan nen a'nogo hilingitikhe andi re Daud en Tuhan endawimo agaiyek hoageluk hilingiti lagaikhe andi. At Daud he Tuhan nen wene melalogo yi'nogo hilingi'no ti'nogo hilingi'no iluk yagatikhe mene omanogo ekhe herakfigi'legengge hilingiti lagaikhe, oba nen we hun Uria awi Het agun andi inom wene hilingitukwa mene andi nek he wene melalek taganhogo hilingitikhe.

1RAJA-RAJA 9:4

Haren heisena Daud en hilingiti lagaikhe andi hak, hat hebe An namingmingengge logolik, hobabut fanorogo, higithogo nek hilingitik, An nen, Yi'nogo hilingiti logoino, iluk komothinafigi mene andi, nane hologo hilingitik, ikhi logogin halok,

2 RAJA-RAJA 20:3

”Yegei, Tuhan neisena, an nen Hat Hoba eberek logolik, nendawinggen hoba lakfuluk tiphogonek hilingitu welagi. An nen he Hat hendawimo anggegendek mene nek hilingiti lagi mene a'nogo ebethan o,” iluk samban isikhesik at Hizkia a'nogo le mondok filirogo agaikhe.

2 TAWARIKH 17:4

hilingiti lagaukwa mene omanogo hakhogo hilingiti'legengge, aren Allah wene melalek a'nogo furogo hologo hilingitik, hilingitunem at Tuhan nen Yosafat fanoabet fikhi lagaikhe.

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

MAZMUR 119:6

Nen, an nen Hat hawene melalek andomaba fifurogo hilingiti logogin halok he, an hobuk nenggali asigin lek.

LUKAS 1:7

Meneat he, at he Elisabet andi, ebe abili nen eak ekhe takhigi'lek logolik agun emberegat arat yaman agaukwasik welagaukwa.

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

LUKAS 2:25

Andi sambul ap o Yerusalem mene ekhe enu Simeon. At obabut he, fano, Allah ailorogo logolik, mondok higithogo hilingiti lagaikhe. A'nogo hilingiti logolik, afuni Israel mene inendawimo fanorinabi wesigin mene andi nenangorogo were'ma, Allah Areagun oba louk isikhemo welagaikhe.

KISAH PARA RASUL 2:25

At Yesus faget Daud en mel isikhe: An yi mene ti mene nen nabologet neanogo iluk neisena Tuhan ebe nera'lu were'ma, hundik-handigat neilenggen hugu mondok welagirek.

KISAH PARA RASUL 23:1

A'nogo menfesikhemo, at Paulus it ap Yahudi Allah faget wene ero pilingiti lagaukwa mene inebe andogetukwa omanogo, eilenggen lurogo inoba yerisikhi logolik he, ”Nogogwi nagoromi. An Allah eilhanem, attagaren huli yogondak huli hilingiti lagi andi re, weak hilingiti lagi, iluk nendawimo menenei ebeti lagi lek. We, wene nendawimo selek, fano hilingiti lagi, iluk anggikhi lagi,” iluk yagaisasikhesik he, ekhe igin ha'ma re,

KISAH PARA RASUL 24:16

A'nogo logolik, nendawimo nen he, weak ekhe hilingiti, iluk nendawimo engginhogo welagi hanogoluk he, Allah elokhoma inom, afuni inelokhoma inom horek logoigeluk nomamerogo hilingiti lagi o.

KISAH PARA RASUL 8:21

Allah eilhanem hendawimo mondok weak ebeti lagen andi nen, nit hilingiti lago andi, hat ninom eise asugun lego.

ROMA 8:4

Attak he, nit higithogo hilingiti logouwageluk, wene Allah nen komotninafikhe meneat he, weak hilingiti lagagu andi. Weak hilingiti lagagusi'mo re, hobuk nit afuni inobabut wanhi'lek logolik Allah Areagun obabut waganogo higithogo hilingiti lago mene halok, aren isikhe hak hilingiti logouwageluk, weak hilingitarek andi arat sebelfisasikhe andi.

1 KORINTUS 11:2

Wene yi mene ti mene faget an noba ebeti logolik, an yaganetukwama hit yagahisasigi mene fisogoat welagep andi nen fogethinafi lagi o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

ULANGAN 5:33

Hit hinawi hinanggweang wokhisagain oba andoma hineluk ekhe inom uanhogo logolik fanorogo logobagaigen he, hineisena Tuhan Allah nen wene melalek yagahisugu mene andi higithogo nek hilingiti logoino.” iluk yaganisikhe a'nogo iluk yagaisasikhe.

KOLOSE 1:22

A'nogo meneat he, hit hinebe at Allah onggwarek faget fakhaluk, at eilhanem enekhogo wene hinoba legengge fano tegelek logouwageluk, amlogo ebe wa'lagaikhe andiba, onggwarek hinom lambulogo hinobagasikhemo welagep andi.

1 TESALONIKA 3:13

A'nogo hilinghinafi logombik he, ninoe Enupogot Yesus onggwarek agoromi inom at wagunem he, hinebe nineisena Allah onggwarek faget fisaluk, at eilhanem wene hinoba lek fano tegelek were'ma hisa wesuagen, hinendawinggen wurigethinafi logouwago.

2 PETRUS 3:14

Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.

1 YOHANES 2:3

Wene Allah nen komotninaferek wene andi, hologo higithogo hilingiti lago halok he, at ebe nineluo, iluk andiba nen ninendawinggen wenggelogo futfikhi lago.

1 YOHANES 3:7

Nagainafuri e. It afuni ekhe nen lalhinabinogo iluk hinobabut hebelogo logoino o. Ap sa nen obabut higithogo hilingiterek halok he, at Kristus obabut higithogo hilingiterek andi hagat, hilingitu werego.