LUKAS 1:53 - Allah Wene Fano Wene Hupla Inane

⁵³ afuni inendawimo nele welagaikharek mene fano mene oba loukhogo wogisikhi logolik he, it inenggi werek mene andi, ekhe wogisigi'lek weat lakfisigik isikhe.

LUKAS 1:53 Iomraidhean Croise

MAZMUR 146:7

Afuni sebelogo fisagarek mene re At Tuhan nenat inebikhit a'luk inili woginaferek, afuni inamburu nele were'ma Aren nunggu mene wogisikherek. It afuni hele warek were'ma Aren lologo wulak fisikherek,

MAZMUR 34:10

It afuni Tuhan inailorogo welagaikharek mene re, inelagaikhogo welagaikharek lek andi nen he, hit At againafuri mene nen he, At agaugwerati logoino o.

YEHEZKIEL 34:29

An nen he it ineabukwe mondogat heiselogo hilingfoumo re o kweang andiba sumburu ouwak ekhe logogin mondok lek. At he ap inunggulenu amu mene nen li'norinafi logogun legat.

MATIUS 5:6

Nen, afuni sumburu inom, i inom, nele anggagarek hak, Allah endawimo anggikherek mene esinet fuluk hilingisu inamolo mene andi, sumburu inalabut ninghogo nenggarek hak, hobuk Allah nen inendawimo fanorogo ebe mene wogisagain andi nen he, inendawimo inagaiyek hikhi logouwak.

LUKAS 1:54

Omanggumat nineisena Abraham inom, aren tagongge mene inom mondogat fanorinabigeluk abok yagaisasikhe a'nogo higithogo, at agoromi ap Israel mene inoba ebe'luk endawi nen leberisageluk waga yi o,” iluk isikhe.

LUKAS 6:21

Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

LUKAS 6:24

A'nogo meneat he, hit ap kain hineilmo werek mene halok enek he, hinangge hokhorogo werek andi nen he, hinendawimo hinagaiyek hikhi lagep mene, hobuk weagethinabigin o.

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

1 KORINTUS 1:26

Nerugwi nagaila'lak. Hinebe ninggi'nogo were'ma Allah nen hinayonggo fesikhe nogo? Hinendawimo ebe'ni! Afuni hit mene inendawimo kagalek mene inom, inomame werek mene inom, kaindek inenu werek mene inom, inebe hokhorogoat inayonggo fesikhe fuk. Lego.

1 KORINTUS 4:8

Hit yi mene ti mene arat helegep higi. Arat kain akhegep higi. Nit kembu werek kwelek, hit enek he, hinenupogot arat akhegep higi. Hit a'nogo hinenupogot a'lepma, nit ninomat ninenupogot logoilo e. Meneat he, lego.

1 SAMUEL 2:5

Attagat afuni inamburu oba heilarogo ninggi logolik, inalabut ninghogo ninggi lagaikha meneat he, yogondak sumburu legen helouwogeluk, inenggi onggo wogisoageluk hilingiri'lagwi o. Mene re, afuni attagat sumburu nele welagaikha meneat he, yogondak inamburu elok weregen inalabut ninghogo nili'lagwi o. He ekhe attak abili welaga mene yogondak eagwi inebe 7 nen taginafesik endawimo agaiyek hili'lago meneat he, at he ekhe eagwi inebe hokhorogot taginafe mene andi maben agasik werego,” iluk isikhesik,