LUKAS 1:46 - Allah Wene Fano Wene Hupla Inane

⁴⁶ A'nogo yagatikhemo, at hele Maria nen he, ”Neisena Tuhan andi an nendawimo nen fogerati lagi o.

LUKAS 1:46 Iomraidhean Croise

MAZMUR 35:9

Oba nen an he, neisena Tuhan faget nagaiyegeti logogin, Aren nagap telnafunem he an nendawimo nen nagaiyek anggikhi lagi.

YESAYA 45:25

Oba nen he Yakub ombawi mene nek he inagap telinabigin, nen iren An Tuhan foget nafi logogun o, iluk ikhe.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

ROMA 5:11

Mene re, andi nek fuk. Ninoe Enupogot Yesus Kristus hilingitikhe andiba, Allah ninom hobuk ninambotkwe hunogo ninobagasikhemo ninom fano welago andi nen he, ninendawimo ninagaiyek hikhi lago.

1 KORINTUS 1:31

Andi nenat he, Allah ane lisu palogo fikhi logolik he: ”Afuni nen yi mene ti mene faget fogerakhouwogeluk halok he, ninoe Enupogot hilingitikhe andi faget fogerasugun o,” iluk isukwama lisu palogo fesukwa.

2 KORINTUS 2:14

A'nogo meneat he, at Kristus omame agaikhe andiba elokhe wanhu kwelek nugunem, nit at ninom hundik mene Allah nen Kristus ombo'ne wo'ninarek nikherek, iluk fogerasuogo. A'nogo wo'ninarek nikhi logolik, amben fano mene sang-panghogo lagarek hak, at Kristus hilingitikhe wene a'nogo niren wialogo o yi awi ti awi waluk loageluk wo'ninarek nikherek.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

1 PETRUS 1:8

Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.