LUKAS 1:3 - Allah Wene Fano Wene Hupla Inane

^3-4 A'nogo walhilik wagaukwa meneat he, an ogo wene andi eroba nen furogo yanggulhi lagagisik a'luk he, haren wene yagahetukwa mene andi eberogoat iluk angganogen he, wene ebe pilingisogo lisu palogo hoba lakfei wesigeluk anggikhi lagirik palhi lagi yi o. Noe.

LUKAS 1:3 Iomraidhean Croise

MAZMUR 40:5

It afuni ekhe Tuhan hoba himbirik logolik, tugwi kembu fogeratarek lek mene inom, it ekhe leget fakhagarek mene nen inebe telinabuageluk inayonggo fagarek lek mene inom, andoma re, hobuk inendawimo inagaiyek asugun o.

MAZMUR 50:21

Andi mene nek hilingitu welagep andiba re, An alokhogo welagi andi faget hiren anggikhi logolik he, At he nit ninom higit anggikhi lagep. Oba nen he, hit hilingik welagep mene faget yogondak An nen yagahisikhi lagi andi, nen andoma mondogat he hiren enek hobagaigiluk An nen weinamet fikhi lagi o.

AMSAL 22:21

Nen ibi-eberogo mene ebere ki iluk hat helu agu mene faget inom palek werek. Hobuk aben hat heinok wokhafu halok haren onggo furogo yagaisikhi logogin.

PENGKHOTBAH 12:9

Wene wenggelni andi re hebelek mene logolik endawinggen kagalek agun hilingi'mo re inelu agaikharek mene andoma afuni mondogat inoba yagaisasikhe. Komo wene omanogo mondogat ero pilingitikhesik, andi eberogo a, lega, iluk obabut palogo nen afe halhigik lisu palogo fesikhe.

LUKAS 1:1

Teofilus noe e. Wene nit ninanggele'ma nen hilinglagaikhe a'nogo, it wene ebe eroba nen hilinglarik wagunem ineilenggen hasukwasik yagaisilik nikhi lagaukwa mene nen yaganisasukwa higithogo, it afuni ekhe inebe mondok hokhorogo nenat wene ebe lisu paluogeluk walhilik wagaukwa.

KISAH PARA RASUL 1:1

Teofilus noe. An nen omanggum wene lisu palogo hoba lakfei wagagi andi, at Yesus nen yi mene ti mene hilingitik, yi wene ti wene yagaisigik, ikhi lagaikhe wene eroba huli nen,

KISAH PARA RASUL 11:4

A'nogo wenagetukwama, at Petrus nen wene eroba nenat pilingisogo mel yagaisasikhe:

KISAH PARA RASUL 15:19

Andi nen he, an nendawimo re, it afuni endakwe mene inobabut hebelogo, inelokhe Allah wogeri'lagwi mene andi re, inendawimo weagetfogoin lek anggikhi lagi.

KISAH PARA RASUL 15:25

Ninesanggo holhosik he, ninebe andogorogo nen wene palho. Wene a'nogo palhosik, Barnabas Paulus emberek inebe ninendawi mene, ninebe Tuhan Yesus Kristus faget fisaluk, inoasuogeluk ugu kwelegat he, at faget hilingiri'lagwi mene inom hinoba wesuageluk ap ekhe Yudas Silas emberek inayonggo fogoma wesugun andi. It wesimbik he, wene lisu palogo fogo andi inambeba nen pilingisogo yagahisoak.

KISAH PARA RASUL 15:28

Nit Allah Areagun ninom logolik he, wene mel iluk palho andi. Wene enggin mene yagahisogoin lek. We, wene yiat hinesanggo holugun ogo.

KISAH PARA RASUL 18:23

O Antiokhia wagaikhesik welagaikhesigen he, hobuk o propinsi Galatia inom, Frigia inom, waga logolik andoma it afuni Yesus ane wanhukwa mene inendawinggen ago watfisilik nikhi lagaikhe.

KISAH PARA RASUL 23:26

”Kain gubernur Feliks noe. An Klaudius Lisias nen lisu yi palogo hoba lakfei wagi andi.

KISAH PARA RASUL 24:3

Haren o yi awi ti awi hundik-handik fanorogo hilingiti lagen andi nen niren, fano, iluk hai mondok wathafi lago. Noe.

KISAH PARA RASUL 26:25

A'nogo yagatikhemo, at Paulus nen he, ”Festus noe. An lugulugwi palhirik ikhi lagi lego. We, fano logolik wene eberogoat yagahisikhi lagi o,” iluk isikhesik,

1 KORINTUS 16:12

Ninagailak Apolos a'nogo nen, it ninerugwi ninagaila'lak fena omanogo woginarek hinoba wesuageluk, hobugalebat endawimo kagalhi lagi meneat he, at yogondak ya wesigin iluk anggili'logo lego. Mene re, hobuk wesigin anggikhe halok he, wesigin aro.

1 KORINTUS 7:40

A'nogo woginabugun meneat he, wanhi'lek weat logoumo re, inendawimo fano logogun anggikhi lagi o. A'nogo anggikhi lagi andi re, Allah Areagun nendawimo logolik anggikhi lagi.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.