LUKAS 1:26 - Allah Wene Fano Wene Hupla Inane

^26-27 He Elisabet a'nogo omalik a'ma werek kwelek, tugi 6 en folelhikhemo re, Allah nen malaikat pogoroba yonggo nikharek mene ekhe Gabriel a'nogo Galilea o sili enu Nazaret, andoma helenggerek enu Maria, ap Yusuf Daud en tagongge mene andi emberek wenago were'ma oba lakfei wagaikhe.

LUKAS 1:26 Iomraidhean Croise

DANIEL 8:16

A'nogo mendek logolik an holhugunem en he, i Ulai aik fena omanogo nen ane kweti logolik, ”Aren abikanggo hikhe mene andi re hat Gabriel en ebe yi'nogo iluk weinamhogo yagaom o,” iluk ikhi laga.

DANIEL 9:21

Samban a'nogo ugunem, afuni nen o hu'mokokwe Allah anggo warogo noletarek oba andem higithogo, malaikat enu Gabriel an attagat nabikanggoba neilenggen yethasigi mene a'nogo noba higit tarogo waga.

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 2:39

Nineisena Tuhan Allah nen komotninafikhe mene lisu palhukwa a'nogo higithogo a'nogo arat hilingitukwasik he, at Yesus agaisa eisena inaiba i Galilea ima o sili enu Nazaret a'nogo lagai wagaukwa.

LUKAS 2:4

Nen, at Yusuf ogo re, Daud en tagongge mene andi nen he, o Galilea tonggwe o sili enu Nazaret andi nen he, o Yudea ap Daud ta'lagaikheba o sili enu Betlehem pigeluk, at Maria emberek wenago welagaukwa a'nogo eak a'ma were'ma emberegat inenu lisu paluageluk pisukwa.

YOHANES 7:41

it ekhe nen he, ”Lego. At Mesias, afuni telninabuageluk Allah nen lakfei wesigin isikhe a'nogo aro,” iluk isukwa meneat he, it ekhe nen he, mel isukwa: ”Mesias, afuni telninabuageluk Allah nen lakfei wesigin isikhe a'nogo o Galilea nen elok wesigin nogo? Elo'lego.