LUKAS 1:18 - Allah Wene Fano Wene Hupla Inane

¹⁸ A'nogo yagatikhemo, at Zakharia nen he, ”An nagwe nemberek arat yaman agosi'mo re, wene egen andi ninggi'nogo hilinglasigin. Eberogoat hilinglasigin iluk ninggi'nogo nelu asigin,” iluk isikhemo,

LUKAS 1:18 Iomraidhean Croise

KEJADIAN 15:8

A'nogo yagatikhe meneat he, at Abram en heinok wokhikhi logolik, mel yagatikhe: ”Tuhan Henupogot esin mene neisena. Kweang yoma an eise asigin, iluk ninggi'nogo nen nelu asigin?” iluk yagatikhe.

KEJADIAN 17:17

A'nogo yagatikhemo, at Abraham en eindep awi yagaisogo fogeratikhe meneat he, endo aga logolik endawimo mel ebetikhe: ”An nebe yaman umur 100 tahun meneat he, namlogo higit takhagain nogo? Nen, Sara ebe yamanat umur 90 tahun meneat he, eak higit takhagain nogo? Elo'lego,” iluk anggasikhe.

KEJADIAN 18:12

A'nogo agaikhesik welagaikhe andi nen, at he Sara endawimo nen endo aga logolik he, mel isikhe: ”An arat yaman agarik nagap arat pulang ikhemo re, nagun nemberek higitnogo u hak nogo? Nagun ogo re, ebe arat yaman agamaat meneat he, nailo,” iluk isikhe.

2 RAJA-RAJA 7:2

A'nogo yagatikhemo, ap raja onggwarek agot lebethikhi lagaikhe mene nen he, ”A'nogo elok hilinglasigin nogo? Mondok elo'lego. O yogondak yiba Tuhan pogoroba nen meiso hokho mene kwe hurogo pelabi wesumo mene ogore, a'nogo hilinglasigin mondok lego,” iluk yagatikhe. A'nogo yagatikhe meneat he, at Elisa nen he, ”Wene andi eberogoat hilinglagunem, hat heilenggen tomok hagain aro. A'nogo hagain meneat he, gandum enggen andi endebengge halok ogo haren ekhe enduk mikhagain mondok lego,” iluk yagatikhe.

LUKAS 1:34

at hele Maria nen he: ”An ap ekhe nonggotma, hat yaganeten andi ninggi'nogo hilinglasigin,” iluk a'nogo isikhemo,

LUKAS 1:7

Meneat he, at he Elisabet andi, ebe abili nen eak ekhe takhigi'lek logolik agun emberegat arat yaman agaukwasik welagaukwa.

ROMA 4:19

Ap Abraham onggwaregen he, ”An nebe 100 tahun hangge welagari'mo re, nomame legagasik, nagainafuri taginabigin mondok elo'legagi. Nen, nagwe Sara ebe re, abiliat,” iluk elu welagaikhe meneat he, endawinggen Allah oba himbiret fesikhe mene andi, endawimo pugagi'lek himbirik mondogat welagaikhe.