FILIPI 3:2 - Allah Wene Fano Wene Hupla Inane

² It afuni ekhe inobabut mene olo mene obabut hangge andi nen, yi mene ti mene faget weak hilingiti logolik, ”Hinagap hinenggalimo mene palogo lakfisano,” iluk hinendawimo kagali wesinogo iluk hinebe hebelogo logoino o.

FILIPI 3:2 Iomraidhean Croise

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.

MAZMUR 22:16

Nalonggop elema re iwak halongorek mene hakhogo mondogat kelok ikhe, namelinggen he nelanglang oba te'me ikhe. Neisena Tuhan an he afuni warek mene hakhogo re, ologoilong engge amboloba nobagegenma welagi o.

MAZMUR 22:20

A'nogo meneat he, Tuhan neisena, an nebe heraknobagaluk Hat hebe yatma lagun o. An nomame re haren enek wo'neti lagen andi nen he, weak-weak we'luk lebetnabi me o.

AMSAL 26:11

Mene nen hebak wut fuluk hobuk ambotkwe ninggerek andi hak, ap kembu mene nen he kembu-kembu aple aremnogo nek agap sagalhikhi logolik werek.

MATIUS 24:10

Ariginhu kwelek, it afuni ekhe inendawinggen Allahba himbiret fesukwa meneat he, inebe hokhorogo nenat inendawimo pugasimbik herakfisaluk wilibimbik he, at ekhe nen at ekhe wasuageluk waluk lagik, ekhe nen ekhe anini oba figik, ugun o.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

MATIUS 7:6

A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.

ROMA 2:28

Afuni Yahudi eberogoat mene andi ebe re, weinam mene andi fuk. Nen, inagap inenggalimo mene palharek andi ebe re, inagap inenggalimo mene palek andi legaro.

2 KORINTUS 11:13

It andi re, Kristus nen inayonggo fuluk lakfisa wagaikhe mene fuk. We, aren lakfisa wagarek mene hak hilingisogo we'luk afuni lalinabi'lagwi mene aro.

GALATIA 5:13

Nerugwi nagaila'lak. Hit hinale'ma logouwageluk Allah nen hinayonggo fesikhemo welagep. A'nogo meneat he, hinendawimo nen he, ”An nale'ma welagi,” iluk, afuni inobabut inetogat logolik hilingitarek mene inobabut waganogo hesanggeat hilingiti logogup. Athe, wene Allah nen komotninafikhe wene a'nogo mondogat lambukhogo wene misigat yi nek esin hangge isikhe andi: ”Hit hinonggwarek hinebe hinendawinggen hundik welagep andi hak, it afuni ekhe hinom welagep mene hinendawinggen hundik logoino o,” iluk isikhemo lisu palogo fesukwa andi nen he, afuni ekhe inebe hinendawirogo logolik hit-hit lebet-lebet ikhi logoino o.

GALATIA 5:15

A'nogo meneat he, wam onggwaregen wam ekhe aigen libilhik, warogo haumhogo ninggik, ikherek hak, hit-hit hinonggwaregen a'nogo hilingiti logogun halok he, hinebe alomat larik lagep hanogoluk hinebe hebelogo logoino o.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

1 TIMOTIUS 1:19

It ekhe nen, ”Wene andi eberogoat,” iluk wanharesik, inendawimo selekhogo logou meneat he, hobuk weak hilingiri'lagwi andi nen, e so ima wula'lakhogo pikherek hak, hela paga andi. Hat andi hangge hilingiti'lek, hendawimo nen, ”An weak ekhe hilingiti'lek, nendawinggen selek welagi,” iluk hendawinggen Allah oba himbiret fuluk homamerogo hilingiti logoino.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

2 PETRUS 2:22

It andi afuni nen inane lagakhogo mel iluk agarek andi hak hilingiti logogun: ”Mene nen he hebak wurogo fuluk, hobuk ambotkwe na lagarek. Nen, wam he agap fano sobalek mene hobuk fesimo hulele wasi kwikherek,” iluk agarek andi hak he, it a'nogoat eberogo nen hilingiti logogun andi.

WAHYU 2:9

Hit ebe mene faget hinebe kain hineilmo werek meneat he, it afuni Iblis againafuri meneat he, ineranenat, nit ninebe Yahudi mene, iluk ikhi logolik, hit hinenu weak hilingisogo weak hilinghinafunem, hinebe hinelagaik weak welagep andi, an neluaro.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.