FILIPI 3:1 - Allah Wene Fano Wene Hupla Inane

¹ Nerugwi nagaila'lak. Wene andi yagahisagen he, ninoe Enupogot hinom hundik logolik, hinendawimo hinagaiyek anggikhi logoino, igi andi. It ekhe nen weaget hinafi'lek hinebe fano logobagaigeluk, wene attak lisu palogo lakfei wagagi meneat, nambe senap agi'lek hobuk nane ekhe inomat yagahisagain aro.

FILIPI 3:1 Iomraidhean Croise

1 TAWARIKH 15:28

It afuni Israel mene inebe mondogat ogore Peti Wene warek a'nogo pia'luk o Yerusalem fei wagunem andi re inagaiyegen a'mit suphogo re trompet a'nogo futik, nafri watik, simbal pirenet engge tololang etik, kecapi kong etik, hilingirik wagalagaukwa.

1 TAWARIKH 16:10

At he, Tuhan Enu Mondok Lego welagarek mene, e hu, Nit ninebe re At onggwarek mene welago andi nen he hinagaiyegeti logoni, e hu It mondogat At apne wili'lagwi mene andoma re inagaiyegeti logouwak, e hu

1 TAWARIKH 29:22

Andi sambul he it inamburu ninggik, inagai ninggik hilingiti logolik, Tuhan eilhanem inagaiyekhogo hilingitukwa. A'nogo hilingitukwasik he nekhengge inenggi pirenek meneba re at Salomo raja menlaga iluk inane menfesukwa. Tuhan enuba re at Salomo raja menfesukwasik Zadok he imam menfesukwa.

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

AYUB 22:26

A'nogo hilingisigin andiba re haren Allahba tipsek mondok welagik, nen Aren hat hoba fanot hobagagu mondok were'ma helu asigin.

MAZMUR 149:2

Yago, hit Israel mene yi, hinebe elalhinafikhe mene andi faget hinagaiyege'ni, Nen hit afuni o Sion welagep mene yi re, hit hinoe raja andi faget hinanggilukhogo fogera'ni o!

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 33:1

Hit afuni Allah ane higithogo hilingiti lagep mene yi sani! nineisena Tuhan nen fanotninaferek andi nen he, hit At ane hologo hilingitilagep hinaben At fogerasugun obaat, hinendawimo hinagaiyek oba, a'mit suphogo wuni wati logoni o.

MAZMUR 37:4

Fano mene helaluk inendawimo inagaiyek agarek andi hak, Allah ebe baat hinendawimo hinagaiyekhogo logoino. A'nogo hilingiti logogun halok, hinendawimo hinamolo anggikhi lagep mene wokhisagain aro.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 5:11

It inonggwaregen wene melalfuluk hilingiri'lagwi mene andomaba inebe alomat lakhoakhogo re, neisena Allah Haren wene inoba fein o. Iren Hat hane sagalogo fuluk hilingiti logolik weak hilingiri'lagwi mene re mondok hokhorogo hilingik andi nen he, it inebe silogo wulakfisan o.

MAZMUR 97:1

At Tuhan andi re ebe Raja hilingi'mo re kweang en agaiyegetik, i alonggen kwe andoma nen inanggilugetik, ikhi logouwak.

YESAYA 41:16

Haren he, it inebe gandum enggen hak eninafunem he, it inebe afulfulengge higit sogoien furogo woginarek lagik, sielu nen funhogo waluk lagik, hilingiti logogin. Hat he, An heisena Tuhan nobaget hagaiyek agik, An nebe afuni Israel mene ineisena Allah welagi andi nen wonoget fakhigik ikhi logogin.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YESAYA 65:14

Eberogo nen enggere, it he inanggilukhogo inagaiyegeti logogun, nen hit he le mondok weakhogo aga logogun.

YOEL 2:23

Hit afuni o Sion mene yi, An hineisena Tuhan Allah nobabut fano nen fanothinafi andi nen he, hinendawimo hinagaiyegetik, fogerakhigik, ikhi logoni o. O engga lologo pikherek meneba asi wagunem andem he meiso higithogo wokhisigik. O sogoi lagagu meneba asi wagunem andem he An nen meiso higithogo pelakhisa wagik. Nen, enggen itu sambul meneba asi wagunem he attak wokhisikhi lagagi hakhogo wogisigik, ikhi logogin o.

ZEFANYA 3:14

Yago, hit afuni Israel mene re hinagaiyegeti logolik wuni wati logoni o! Hit Yesusalem hinap he, hinendawimo nen mondogat hinagaiyegeti logoni!

ZEFANYA 3:17

Hit he, hineisena Tuhan Allah Omame Mondok Hokho mene a'nogo nen awe a'ma hinobagaluk fethinarek werek. Hit he At omameba hinomame aga lagep. Hit hinobaget he Tuhan endawimo agaiyege'luk hai hili'lago, At endawi hundik oba re, hit hineluk ket mene logouwageluk hiling-hinobagali'logo.

ZAKHARIA 10:7

Afuni Israel mene re ap sikhe fisogo mene mondok inaninirogo hilingitu mene hak, inomamerek logogun, nen ap anggur amusu nunggunem inendawimo inagaiyegetarek hak, hilingiti logogun. An nen it inoba inalonget fisikhi lagi mene ari re, it inambisangma mene nen inenggi ekhe wagik-ekhe wagik ugu kwelek andoma inonggot agi'lek eberek mondok logogun. It he An nen hilinginafirek mene andoma faget, inendawimo inagaiyek hikhi logogun o.

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

ROMA 5:11

Mene re, andi nek fuk. Ninoe Enupogot Yesus Kristus hilingitikhe andiba, Allah ninom hobuk ninambotkwe hunogo ninobagasikhemo ninom fano welago andi nen he, ninendawimo ninagaiyek hikhi lago.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

ULANGAN 12:18

We, it hinebe inom, hinagainafuri inom, hinamingmingengge inom, afuni inunggulenu Lewi mene hinaiba kota lombok logogun mene inom, hinom lambukhogo nen he, wam, yi mene ti mene Allah faget fisikhi logogun mene andi, nineisena Tuhan Allah eilhanem obuluk aren wenagaisogo fagain oba andoma nen enek ninggi logogun o. Hiren a'nogo hilingiti logolik, hinenggi nen yi mene ti mene hilingisugun mene andi mondogat faget he, hinendawimo hinagaiyegeti logoino.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

FILIPI 4:8

Nerugwi nagaila'lak. Wene wurep oba yi ekhe yagahisak. Hinendawinggen ebeti logolik he, fanorogo hilingitik, fogerinabu mene hilingitik, ili'lagwi mene oba ebeti logoino. Andi ebe re, wene eberogoat mene oba ebetik, fogerasu mene oba ebetik, inobabut lomborogo logolik hilingitarek mene oba ebetik, inobabut heanerogo hilingitarek mene oba ebetik, inoba liok ugu mene oba ebetik, ebetu mondok logoino o.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

1 TESALONIKA 5:16

Hinendawimo hinagaiyek agu mondok logoino o.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

1 PETRUS 4:13

At Allah nen Kristus ebe weinamhogo lakfei wagunem, fogerasugun andi sambul, wagunem hinendawimo hinagaiyek hokhorogo anggouwogeluk hinendawimo nen he, ”At Kristus oba yi enggin ti enggin hilik-hilik wa'lagaikhe hak, nit at ninom hundik logolik a'nogoat hikhi lago,” iluk hinendawimo hinagaiyek hikhi logoino.

2 PETRUS 3:1

Nerugwi nagaila'lak. Hinebe nendawi e. Wene attak ekhe lisu palogo hinoba lakfei wagagi andi inom, hobuk lakfei wagi andi inom, hit wene ebe hinelu meneat he, hinendawimo higithogo ebesubagaigen iluk lakfei waga lagi andi.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.