FILIPI 2:3 - Allah Wene Fano Wene Hupla Inane

³ Yi mene ti mene hilingisuogeluk, hinendawimo nen he: ”An enek fanorogo hilingiti logogin,” iluk, hinonggwaregen legeisogo fakhikhi logogubo, hinendawimo nen fogerakhigi'legat: ”It ekhe fano. An he, elo'lek,” iluk, anggikhi logoino o.

FILIPI 2:3 Iomraidhean Croise

AMSAL 13:10

Wonoget fakhagarek andiba re, ambisangma wene hangge nek hilinglagarek, ap higithogo hilingitarek mene andi wene komorinafunem inendawinggenma fanorogo helagarek.

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

ROMA 12:10

Hinerugwi hinagaila'lak Allah againafuri mene andi hinebe ap misigaren tago mene hak, hinendawinggen tulem hinendawirogo logolik he, hit-hit hinerugwi hinagaila'lak hinane agaukhogo yagaisikhi logoino.

ROMA 13:13

O selek oba logolik hilingitarek hak, ninobabut higithogo hilingiti logouwok. Seni naluk weak hilingitik, i hinago naluk lugulugwi palhik, agarek andi hak hilingisugun lego. Hesanggeat pailak fakfisigik, inenggali lek hilingitik, agarek andi hak hilingisugun lego. Wene palhik, pou igik, agarek andi hak hilingisugun legaro.

ROMA 2:8

A'nogo meneat he, it afuni fena nen inonggwarek faget enek hilingiti logolik, ebe wene ugunem inesanggo hologo hilingiti'lek herakfisaluk, weak wene nek inesanggo hologo hilingitarek mene andi, Allah a'ma kwe het-pet imbik wene hokhorogo inoba fagain o.

1 KORINTUS 15:9

Nit Yesus nen ninayonggo fuluk lakninobagasikhe mene ekhe inenuwerek meneat he, an enek he, nenu lego. An nen Allah againafuri andogotarek mene yi enggin ti enggin hilinginafi lagagi andi nen, an nen, ”Nebe Yesus nen nayonggo fuluk laknobagai wagaikhe mene,” iluk, igin he elo'lego.

1 KORINTUS 3:3

Hit-hirat pou igik, wene palhik, ikhi lagep halok he, hinobabut he, afuni inobaburat welagebo. Afuni inobabut inetogat logolik hilingitarek hak hilingiti lagep andi nen yagahisigi o.

2 KORINTUS 12:20

An hobuk hinoba wesigin andi wesimbik he, an nen, ”It inobabut fano were'ma lagain,” iluk anggikhi lagi hak, lek. We, weak were'ma hisa wagik, nen, hiren he, ”At Paulus obabut fano,” iluk ikhi lagep hak, lek. We, weak logolik hisa wagik, inogo iluk, nendawinggen firi'logo. Hit-hit hinom weak welagik, wene palhik, hina'mage lagagik, hinonggwarek faget enek hilingitik, inabok weak weinam palhik, hinagaisogo palhik, hinonggwaregen fogerakhigik, hesangge-pesangge hilingitik, ugunem an wesigin andi, nailo.

GALATIA 5:15

A'nogo meneat he, wam onggwaregen wam ekhe aigen libilhik, warogo haumhogo ninggik, ikherek hak, hit-hit hinonggwaregen a'nogo hilingiti logogun halok he, hinebe alomat larik lagep hanogoluk hinebe hebelogo logoino o.

GALATIA 5:26

A'nogo hilingiti logolik, ninonggwaregen fogerakhigi'legat, nit-nit ekhe nen ekhe inendawimo weak asuageluk hilingiti'legat, nit-nit wene palogo ekhe nen ekhe ninabiret fisigi'legat, hilingiti logouwogo.

EFESUS 4:2

Hit-hit nendawi-hendawirogo leberisigik, hundik-handik hinendawinggen sebel fakhaluk welagik, hinobabut enago welagik, hinafe morogo welagik, ikhi logoino o.

EFESUS 5:21

Kristus fogerati logolik, hit-hit na'ma ha'ma hilingiti logolik inane hologo agaugwerati logoino.

FILIPI 2:14

Hiren he, at Allah eilhanem wene hinoba legat, nen, weak mene hinendawimo legat logouwogeluk halok he, hinebe Allah againafuri weak hilingiti'lek tegelek mondok logolik, o mum were'ma hesagal en selegeraterek hak, afuni yoma inobabut kwanirogo weak hilingitarek mene inanggelekwe selekhogo logolik, yi mene ti mene hilingiti logolik: ”Ninabit,” iluk uarek-puarek hilingiti'legat, wene palhi'legat, hilingiti logoino o.

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

KOLOSE 3:8

A'nogo meneat he, yogondak hit hinobabut ekhe yi mene mondogat herakfisanoat. Ina'mage lagaikherek andi inom, ina'makwe het-pet ikherek andi inom, it ekhe weagerinafarek andi inom, inambeba re inabok weak palhik, weak hilingitarek mene asegen abok igik agarek andi inom, herakfisikhi logoino o.

1 TIMOTIUS 6:4

It andi nen he, wene ebe inonggot meneat he, inonggwarek fogerakhikhi logolik afuni ekhe inawene mene faget inane sagalhik, wene hokhorogo palhik, ikhi logouwogeluk, inabit aga logogun mene esinet fili'lagwi andi nen, wurep oba re, afuni ekhe inendawinggen lek agunem ebe wene inonggot a'luk, it-it inom wene palhik, pou igik, ineranenat inabok weak palhik, inendawimo nen tulemat wene weak mene it ekhe inoba figik, yei-yei wene-wene palfigi'lek ugu mondok welagaikharek andi. A'nogo hilingiti logolik inendawimo nen he: ”Nit Allah awe a'ma kuluk hilingiti lago andiba, ninenggi werek asugun,” iluk, eberogoat iluk anggili'lagwi andi.

1 PETRUS 3:8

Wene andi wurep kobokhogo mel yagahisak. Hit hinebe mondogat hinendawimo nen he, ”Ninebe Allah againafuri ninerugwi ninagaila'lak ninom,” iluk, hinendawinggen hundik logolik, hinendawimo misigat mene anggigik, hinendawinggen misigat mene ebetik, ikhi logoino. A'nogo ikhi logolik, hinonggwaregen fogerakhigi'lek, hinendawinggen seberogo logolik, hit-hit nendawi-hendawirogo hilingiti logoino.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.