Biblia Todo Logo
Bìoball air-loidhne

- Sanasan -




FILIPI 1:4 - Allah Wene Fano Wene Hupla Inane

4-5 Hit attak wene wanhigip andi huli nen, yogondak huli an nen fano wene afuni ekhe yagaisilik nikhi logouwageluk lebetniugu mondok welagep andi nen, hundik-handigat nendawimo nagaiyekhogo hit mondogat faget samban ikhi logolik, Allah ayonggo figik, hai watik, ikhi lagi o.

Faic an caibideil Dèan lethbhreac




FILIPI 1:4
14 Iomraidhean Croise  

A'nogo logolik, linggene hundik, hubanggo hundik, afuni warek fisagarek oba kwigik, punubene lagik wagik, ikhi logolik he, ane ngai-wai ikhi logolik, onggwaregen helep oba tung-tanghogo warugunem amep suluk-sulukhogo warikhi lagaikhe.


Andi hak, afuni weak hilingitarek mene misigat ekhe obabut hebelhe halok he, it malaikat Allah nen yonggo lakfisa wagarek mene omanogo inendawimo inagaiyek hokhorogo asugun o, iluk eberogoat yagahisigi,” iluk yagaisasikhe.


Andi hak, afuni inebe 99 mene andi nen he, An weak hilingiti andi nen he, nobabut hebelasigin nogo? Lego, iluk, inobabut hebelasu legen he, it pogoroba welagaikharek mene andi inendawimo inagaiyek hogoin lego. Meneat he, it afuni weak hilingitarek mene misik mene ekhe nen obabut hebelhe halok, it pogoroba welagaikharek mene andi inendawimo inagaiyek hokho mene asugun o, iluk yagahisigi,” iluk yagaisasikhe.


A'nogo hai wati logolik he, hit faget kamo igi'lek samban ikhoat welagi mene andi, at Allah elu o. An Allah awe a'ma logolik, fano wene At amlogo hilingiti lagaikhe wene andi afuni yagaisilik nikhi lagi andi, nendawinggen oba nen, at Allah faget hilingfisikhi lagi o.


an nendawimo hokhorogo nagaiyek anggikhi logoigen, hinendawinggen misigat logoino. A'nogo logolik hit-hit nendawi-hendawirogo misigat mene hilingitik, hinobabut hinendawinggen misigat welagik, ikhi logoino o.


An attak he, nenggi hobuk alep yagahisasigi hagat, yogondak nane hebekhogo yagahisagat. Afuni inebe hokhorogoaren: ”Kristus nit faget eba menfuluk watukwa a'nogo, ninabit,” iluk inom weim palek hak logolik inobabut weak hilingiri'lagwi mene andi inobaget le aga logolik yagahisikhi lagi.


Andi nenat, nerugwi nagaila'lak. Hinebe nendawi e. Ninoe Enupogot hinom hundik logolik ninghogoat logoino o. Hit hinobabut hilingiti lagep oba an nendawimo nagaiyek anggigik, fogerakhigik ikhi logolik, hinoba we'luk nebe ninom logoilo e, iluk, anggikhi lagi.


An nebe yatmaat welagi meneat he, nendawinggen hit hinoba lakfei wagarik, ninom andoma welago mene hak logolik, hinendawinggen Kristus oba himbiret fuluk eberogo anggikhi lagep a'nogo, ninghogo fisogo logolik hilingitunem, neilenggen hisikhi logolik he, an nendawimo nagaiyegeti lagi o.


Niren samban hit mondogat faget hinenu ikhi logolik he, Allah hai watu mondogat welago.


Filemon nagailage. Haren afuni Allah againafuri mene ekhe mondogat hendawirinafi logolik he, inendawimo fanorinafendek andi nen, an Allah faget hilingiti logouwageluk nendawimo ago watnobagaikhi lagenma nendawimo nagaiyek hokhorogo anggikhi lagi o.


Hit hinebe re, he misigat mene eagwi hangge logolik, hinebe ekhe nineisena Allah nen ebe wene komotninafikhe a'nogo higithogoat hilingiti lagep mene hinobabut palhirik, nendawimo nagaiyek hokhorogo hikhi lagi o.


Lean sinn:

Sanasan


Sanasan