FILIPI 1:1 - Allah Wene Fano Wene Hupla Inane

¹ Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 1:1 Iomraidhean Croise

MARKUS 13:34

Wene yi emberek higit he, ap ekhe aiba nen o yatma lageluk he, amingmingengge mene aiba kwalogo logouwageluk fisaluk lagarek. Lagaluk, amingmingengge mene omanogo ineabu lombok sumburogo wogisikhi logolik, ”Hat ekhe yi hilingiti logoino. Hat ekhe ti hilingiti logoino. Hat ekhe nawi kweba kagalek welagen mene yi, heilenggen fanorogo logoino,” iluk sumburogo wogisaluk lagarek andi higiraro.

YOHANES 12:26

Nen, ap sa nen an namingmingengge logolik, endawimo nen he, an Yesus faget hilingiti logogin, iluk anggikhe halok he, an logogin oba andoma nemberegat mondok logouwogeluk nombo'ne waga logouwago. Nen, sa nen an faget hilingiti logogin mene andi, neisena nen at ebe agaugwet fagain o, iluk nane eberogoat yagahisigi,” iluk yagaisasikhe.

KISAH PARA RASUL 1:20

A'nogoat, at Petrus nen mel yagaisasikhe: ”Wuni lisu palek Mazmur a'nogoba mel isukwa: O at were'ma awi foluk asuak. Afuni ekhe at aiba andoma inebe legat logouwago, iluk lisu palhukwa. Nen, ekhe mel isukwaat: At ebe enuwerek welagarek mene andi ap ekhe logouwak, iluk isukwa.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

KISAH PARA RASUL 9:13

A'nogo yagatikhemo, at Ananias nen he, ”Noe. Afuni nen he, ap andi nen, hat hagainafuri o Yerusalem mene yi enggin ti enggin hilinginabi'logo, iluk inebe hokhorogoaren ugunem abok nesanggo holhiri'mo nen,

ROMA 1:1

Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.

ROMA 1:7

Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.

1 KORINTUS 16:10

At Timotius a'nogo, an nen ninoe Enupogot faget hilingiti lagi hak hilingiri'logo mene hit hinoba wesigin andi, ebe waga halok he, hit hinom ailo lekhogo logouwagen he, ebe fanorogo wanino o.

2 KORINTUS 1:1

Nerugwi nagaila'lak. An Paulus Allah endawimo anggasikheba, Yesus Kristus nen nayonggo fesikhesik laknobagai wagaikhe mene a'nogo, ninagailak Timotius a'nogo nemberegen hit Allah againafuri o Korintus andogoti lagep mene inom, o propinsi Akhaya yi awi ti awi andoma welagep mene mondogat inom, wene yi lisu palogo hinoba lakfei wago andi.

GALATIA 1:10

An nane igi andi re, afuni nen, ”Hat fano egen,” iluk yaganesuageluk ikhi lagi a? Athe, Allah nen, ”Hat fano egen,” iluk, yaganesuageluk ikhi lagi a. Afuni inendawimo fanorogo ikhi lagi halok he, an nebe Kristus amingmingengge igin legaro. Mene re, an Allah endawimo fanorogo ikhi lagi o.

GALATIA 3:26

Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.

GALATIA 3:28

Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.

EFESUS 1:1

Hit Allah againafuri o Efesus andogoti lagep mene hinendawinggen Kristus Yesus oba himbiret fuluk hinom hundik welagep mene, nerugwi nagaila'lak. An Paulus, Allah endawimo anggasikheba, at Kristus Yesus nen nayonggo fesikhesik laknobagai wagaikhe mene a'nogo nen wene yi lisu palogo hinoba lakfei wagi andi.

EFESUS 1:15

Andi nen he, hit hinendawinggen Tuhan Yesus oba himbiret fuluk, Allah againafuri ekhe mondogat hinendawirogo hilingiti lagep mene andi, afuni ekhe nen hinabok ugunem nesanggo holhi.

EFESUS 6:24

Hit he hinoe Yesus Kristus kobokhogo herakfigi'lek hinendawi hundik logogun mene halok hinebe mondogat he, hineisena Allah obabut fano a'nogo nen fethinarek logouwago.

FILIPI 2:19

Hit eroma hilingiti lagep mene faget, hinabok an nelu asimbik nendawimo fano asuageluk, nendawinggen ninoe Enupogot Yesus oba himbirik were'ma, aren lebetniikherek andiba, at Timotius a'nogo weak-weak hinoba lakfei wesigeluk anggikhi lagi.

FILIPI 2:5

Hinobabut he, at Kristus Yesus nen endawimo ebeti lagaikhe hagat ebeti logoino o.

FILIPI 3:12

Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

1 TESALONIKA 1:1

Hit Allah againafuri o Tesalonika andogoti logolik, nineisena Allah inom, ninoe Enupogot Yesus Kristus inom, hinom hundik welagep mene, nerugwi nagaila'lak. An Paulus, nagaila'lak Silas Timoteus ninomen wene yi lisu palogo hinoba lakfei wago andi. Nineisena Allah obabut fano a'nogo nen fano mene wokhisigik, hinendawinggen hambuget hinafik, ikhi logouwago.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

2 TESALONIKA 1:1

Hit Allah againafuri o Tesalonika andogoti logolik, nineisena Allah inom, ninoe Enupogot Yesus Kristus inom, hinom hundik welagep mene nerugwi nagaila'lak. An Paulus, Silas, Timotius inom, ninomen wene yi lisu palogo hinoba lakfei wago andi.

2 TESALONIKA 1:10

At wesigin andi sambul ebe wagunem he, onggwarek againafuri inendawinggen at oba eberogoat himbiret fuluk welagaikharek mene nen, at ebe fogeratik, agaugweratik, uageluk wesigin andi. Nen, niren wene andi ninelu mene fakhogo yagahisa wagagumo re, hiren: ”Eberogo aro,” iluk wanhigip andi nen, hit ninomenat, at fogerasuguno.

1 TIMOTIUS 3:8

Andi hagat he, Allah againafuri mene leberisikhi logouwageluk, inobabut yiginik mene menfisogoin. Inoba haro mene halok, inameli pire akhogo agarek lek mene halok, anggur enggen amusu nenggarek lek mene halok, uang, yi mene ti mene fano mene, ”An enek noba logoilep,” anggagarek lek mene halok, menfisogoin o.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

TITUS 1:7

Ap Allah againafuri ekhe kwelaginarek logolik he, Allah fagerat hilingiti logogin andi nen he, it ekhe nen wene oba fili'lagwi lek mene halok, menfisogoino. Aren he: ”It ekhe ugunem weak. An igi nek he, fano,” iluk, ikherek lek mene halok, a'mage horok eberi'logo lek mene halok, i anggur amusu ninggerek lek mene halok, obabut lagaksek welagarek lek mene halok, ”Uang yi mene ti mene an enek noba logoilep,” iluk, anggikherek lek mene halok,

FILEMON 1:1

Filemon nagailage. Nagailak nemberek Kristus faget hilingitorek mene hebe nendawi e. An Paulus, Kristus Yesus faget nenggi hele warogo nobagagama welagi mene a'nogo, ninagot Timotius nemberegen, hat hebe inom, Allah againafuri ekhe hat haiba andogotarek mene inom, ninerei Apfia inom, ninagot Arkhipus, weim yafarek hak, Allah faget ninom ninomamerogo hilingiti lago mene a'nogo inom, wene yi lisu palogo hinoba lakfei wago andi.

IBRANI 13:23

Nen, ninagot Timotius a'nogo re, ebe arat hele fikhalogo wulakfagama nen hinelurogo logobagaigeluk yagahisigi o. At ebe weak-weak an nea waga halok he, an hobuk hit hisa waga logolik nemberek wesugun o.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

1 PETRUS 2:25

Hit attak he, wam domba kwe nong asi lagarek andi hak, nong asi laga lagagip meneat he, yogondak at Allah nen, ap hinebe fethinarek logolik kwelakhinarek welagarek mene oba hinambotkwe wokhinarek hinobagai wagama welagebo.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

WAHYU 2:12

Wene a'nogo yaganetesik, hobuk yaganeti logolik he, ”An karok enggat fena-fena mago mene nenggimo fisogo welagi mene a'nogo nen wene yi yagahesik: At Allah nen malaikat ayonggo fesikhesik lakfei wesu hak, at againafuri o Pergamus andogotarek mene inayonggo fesikhemo werek a'nogo, wene an nen it yagaisagain mene yi, hat lisu palogo inoba lakfeinogen yi'nogo palino:

WAHYU 2:8

A'nogo yaganetesik, hobuk yaganeti logolik, ”An he, eroba nen pikhit erembul oba mondok logogin mene a'nogo arat wa'lagagisigen hobuk neluk agagisik welagirek mene a'nogo nen, wene yi yagahesik: At Allah nen malaikat ayonggo fesikhesik lakfei wesu hak, at againafuri o Smirna andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yagahesik:

WAHYU 22:9

A'nogo meneat he, aren mel yaganete: ”A'nogo fuk! An a'nogo fogetnabugun lego. An nebe re, hat inom hagaila'lak ekhe at Allah ane yagaisagarek mene inom, it ekhe inebe mondogat wene lisu palek yi inesanggo hologo higithogo hilingiti logogun mene inom, ninom higit, ninebe at Allah amingmingengge nek hilingi'mo re, hendawinggen at Allah oba eberogoat himbiret fuluk, at enek fogerasugun o,” iluk yaganete.