FILEMON 1:9 - Allah Wene Fano Wene Hupla Inane

⁹ an Paulus yogondak nebe arat yaman agirik welagimo, Kristus Yesus faget nenggi hele warogo nobagagama welagi. A'nogo logolik, hat nendawirogo welagirek andi nen, nane liokhogo hoba ekhe kino yagahesik.

FILEMON 1:9 Iomraidhean Croise

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

MAZMUR 71:9

It naselei mene nen nabok palhu welagik, nen an nebe noasuogeluk inane seberogo mati logolik werek enggere, An nebe yaman agi halok he, neisena Haren hu'nea fugo, nen nomame mondogat legagi halok he an nebe oboget nea fugaro.

AMSAL 16:31

Ap higithogo hilingitarek mene andi re we endawi hundigen wogotarek oba eluk uanhogo welagarek, inesi helel wiliferek andi onggore makota habul habalengge mene helogoin.

YESAYA 46:4

An he hit hinebe yaman asugun huli andoma re, hit hineisena Allah at logogin. A'nogo logolik halhinafu werek kwelek enek he hinesi helel wulibigin. An nenat elalogo hinobagasigimo re halhinafu mondok logogin, An nenat lebethisigik hinagap telhik hilingiti logogin.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

2 KORINTUS 5:20

Nit he, Kristus nenat, ninayonggo fesikhesik lakninobagai wagaikhemo wagagusik he, Allah nen wene yagahisa hak, komothinafi lago andi. A'nogo komothinafi logolik, ”At Allah nen hobuk hinambotkwe lambukhogo hinobagauwagen he, at hinom lambulinio,” iluk Kristus enu hombuk palogo ninane liokhogo yagahisikhi lago.

2 KORINTUS 6:1

At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.

GALATIA 3:26

Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

EFESUS 6:20

Wene andi yagaisikhi logouwageluk at Kristus nen nayonggo fuluk laknobagai wagaikhemo an wagirik yagaisikhi lagi andi faget nenggi hele warogo nobagagama welagi. A'nogo logolik, an nailo lek hogo fano wene andi yagaisikhi logou higithogoat yagaisikhi logoigen, samban ikhi logoino aro.

1 TIMOTIUS 1:12

An attak he, Yesus abok weak palhik, ebe nendawimo nen sebelfuluk Allah againafuri mene yi enggin ti enggin hilinginafik, ikhi lagagi meneat he, ninoe Enupogot Kristus Yesus endawitnafikhesik, ”Haren hobuk an faget hendawinggen lenurogo hilingiti logogin,” iluk, wene yi an noba fuluk nayonggo figik, omame wo'netik, isikhe andi. A'nogo weak hilingiti lagagi andem sambul he, an nendawinggen ninoe Enupogot Kristus Yesus oba himbiret figi'lek logolik, a'nogo hilingisu lek meneat he, nonggoren hilingiti lagagi andi nen, aren nebe endawitnafikhe andi nen, hai wati lagi o.

TITUS 2:2

It ap inaluendek mene andi, weak hilingisuageluk inendawimo kagali wagunem, tok wokhagarek hak wokhigik, inobabut he, inoba haro welagik, inendawimo menenei uanhogo ebetik, inendawinggen wurikhogo Allah oba himbiret fuluk, afuni ekhe inendawirogo welagik, yi mene ti mene faget inoba enggin hikhi logolik, inafe morogo welagik, ikhi logouwageluk komorinafi logoino.

IBRANI 13:19

Ikhi logolik, ebe esin he, an nebe Allah nen weak-weak hit hinoba nambotkwe laknobagai wesuageluk samban ikhi logobagaigeluk yagahisigi andi o.

1 PETRUS 2:11

Nerugwi nagaila'lak. Hinebe nendawi e. Hit hinebe ap pogat afuni inawilokwe pugulogo laluk andoma logolik he, yi mene ti mene hinendawimo nen kagalogo lagai wagunem, hinendawinggen en nunggunem namolo anggikhi lagep mene andi re, selei mene nen inoatarek andi hak hinebe weagethinabigeluk, hinendawimo nen kagalogo lagai wagarek mene andi herakfisikhi logobagaigeluk yagahisikhi lagi andi o.

HAKIM–HAKIM 21:22

Helaluk lagunem hele andi eisena nen ogo nen erugwi nen ogo at faget hit hinoba wene fei wagu halok, hiren ikhi logolik he, ”It ari nit ninom logouwageluk herakfisobagaigen iluk kino yagahisikhi lago. Nit he weim oba re telogo wokhinabugun lek. Nen hiren nit wo'nisegep lek halok he hiren wene watigip mene a'nogo taganhogo hilingitigip lek. Enggere hit he weak hilingitigip lek, iluk yagahisogoin,” isukwa.