FILEMON 1:12 - Allah Wene Fano Wene Hupla Inane

¹² Andi nen, at ebe an nendawinggen tulem mene ambotkwe hoba lakfei wagi andi o.

FILEMON 1:12 Iomraidhean Croise

2 SAMUEL 16:11

A'nogo yagaisasikhesik, hobuk at Abisai inom, at Daud agoromi mondogat inom, yi'nogo yagaisasikhe: ”An namlogo nonggwaregen tati mene ogore, nebe noasigiluk walhili'lago andi. Nen, ap Benyamin mene yi hunogo meneat hilingi'mo re, u hagat yaganeri'logo o. At nineisena Tuhan nenat, yi'nogo ino, iluk yagatemo nen ili'lago logou hak. Halok, at oba yi'nogo ti'nogo ekhe hilingitubo. We, aren homan nobagauwageluk herakfisani.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

LUKAS 15:20

A'nogo anggasikhesik, o welagaikheba a'nogo hebisaluk he, eisena a'nogo oba wesigeluk oan wagunem, at eisena a'nogo nen yatma wagu kwelek eilenggen yethasikhesik he, endawinggen abolok isikhesik, fungusek lagaikhesik he, obakhe felikhogo hai ambe saluk-saluk watikhe.

EFESUS 4:32

Herakfisaluk he, hit-hit hinobabut enago lioksek logolik he, hit weak hilingiti lagagip mene at Kristus nen sebelogo legetfesikhe mene, Allah nen legetfisasikhe andi hak, hinerugwi hinagaila'lak ekhe nen weagethinafu halok he, wene andi legetfisikhi logoino o.

ULANGAN 13:6

A'nogo were'ma, hinerugwi hinagaila'lagen he a, hinagainafuri aben he a, helime yenggerugwi nen he a, hinagagwi hinendawi mene nen he a, afuni ekhe hinom hundik mene nen he a, hinendawimo kagalogo, afuni inaiba horokhogo welagaikharek mene inom, yatma welagaikharek mene inom, it inandugwi kembu fogeratarek mene andi, hit hinonggorat, nen hit hinombawi inonggorat meneat he, hiren ekhe fogerasuageluk hinendawimo kagalhu halok he,

FILEMON 1:11

At attagat he, hat faget fanorogo hilingisigin elo'lek hak welagaikhe meneat he, yogondak hat faget enek fuk. An nemberegat faget fanorogo hilingnisikhi logogin mene elogat werego.

FILEMON 1:13

An fano wene yagaisilik nigirek andi faget nenggi hele warogo nobagagama werek kwelek, haren lebe'niikhi logou hak, hobali'mo aren lebe'niikhi logouwageluk ebe fakfagain meneat he,