FILEMON 1:11 - Allah Wene Fano Wene Hupla Inane

¹¹ At attagat he, hat faget fanorogo hilingisigin elo'lek hak welagaikhe meneat he, yogondak hat faget enek fuk. An nemberegat faget fanorogo hilingnisikhi logogin mene elogat werego.

FILEMON 1:11 Iomraidhean Croise

MATIUS 25:30

Halok he, at ebe an namingmingengge logogin lek mene yi re, enda'ma o mondok mummo inaik himbirogo li ago, le ago, welaikhare'ma andoma wulakfisani o, iluk yagaisasikhe,” iluk Yesus nen yagaisasikhe.

LUKAS 15:24

An namlogo yi wa'laga anggogo mene eluk a'luk waga yi. Mondok longgoikhe meneat he, hobuk herato yi, iluk, inendawimo inagaiyek hokhorogo anggasukwa.

LUKAS 15:32

Meneat he, hat hagot yi re, wa'laga anggogo mene re, eluk agasik waga o. Longgo ikhe mene herato o, andi nen he, ninendawimo ninagaiyek hikhi logolik hilingisu meneat hilingiti lago, iluk yagatikhe,” iluk Yesus nen yagaisasikhe.

LUKAS 17:10

Hit he andi higiraro: Yi'nogo hilingi'no, ti'nogo hilingi'no, iluk yagahisamo andi arat hilingfuluk he, mel ikhi logoino: Lego. Nit oba loukhogo hilingisumo hai wa'ninabigin mene hilingiti'lek. We, hamingmingengge mene logolik hilingisu mene nek hilingisigin, iluk ikhi logoino,” iluk yagaisasikhe.

ROMA 3:12

Inebe mondogat an noba higithogo wagi'lek, kwe kwanirogo arat nong agaikhasik alomat lagaikha. Inobabut fano hilingiri'lagwi mene ekhe legat. Misigat halok ekhe legaro.

FILEMON 1:10

Andi re, an nenggi hele warek logolik, at Onesimus endawinggen Kristus oba himbiret fikhe andi nen, ebe namlogo hangge hilinglagik, an nebe at eisena hangge hilinglagik, ogosigen, at ebe waninogeluk yagaheti o.

FILEMON 1:12

Andi nen, at ebe an nendawinggen tulem mene ambotkwe hoba lakfei wagi andi o.

1 PETRUS 2:10

Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.