FILEMON 1:1 - Allah Wene Fano Wene Hupla Inane

^1-2 Filemon nagailage. Nagailak nemberek Kristus faget hilingitorek mene hebe nendawi e. An Paulus, Kristus Yesus faget nenggi hele warogo nobagagama welagi mene a'nogo, ninagot Timotius nemberegen, hat hebe inom, Allah againafuri ekhe hat haiba andogotarek mene inom, ninerei Apfia inom, ninagot Arkhipus, weim yafarek hak, Allah faget ninom ninomamerogo hilingiti lago mene a'nogo inom, wene yi lisu palogo hinoba lakfei wago andi.

FILEMON 1:1 Iomraidhean Croise

KISAH PARA RASUL 16:1

Paulus lak o andoma nen o Derbe wagaukwasik he, hobuk o Listra wagaukwa. O Listra andoma ap ekhe enu Timotius, Yesus ane wanhikhe mene were'ma wagaukwa. Agaisa a'nogoat Yesus ane eberogoat iluk wanhikhe mene, ebe Yahudi mene. Meneat he, eisena nek he, Yunani mene.

1 KORINTUS 3:9

Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

2 KORINTUS 1:1

Nerugwi nagaila'lak. An Paulus Allah endawimo anggasikheba, Yesus Kristus nen nayonggo fesikhesik laknobagai wagaikhe mene a'nogo, ninagailak Timotius a'nogo nemberegen hit Allah againafuri o Korintus andogoti lagep mene inom, o propinsi Akhaya yi awi ti awi andoma welagep mene mondogat inom, wene yi lisu palogo hinoba lakfei wago andi.

GALATIA 3:26

Hit hinendawinggen Kristus Yesus oba himbirik welagep andi nen hinebe mondogat he, Allah againafuri welagep andi.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

EFESUS 6:20

Wene andi yagaisikhi logouwageluk at Kristus nen nayonggo fuluk laknobagai wagaikhemo an wagirik yagaisikhi lagi andi faget nenggi hele warogo nobagagama welagi. A'nogo logolik, an nailo lek hogo fano wene andi yagaisikhi logou higithogoat yagaisikhi logoigen, samban ikhi logoino aro.

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 2:25

At ninagailak Epafroditus an Allah faget nalegaren hilingisu elo'lek were'ma, lebetneoageluk noba lakfei wagagipmo re, weim yafi logolik ninghogo yafarek hak, nemberek Allah faget ninghogo hilingiti lagosik he, hobuk ambotkwe hinoba lakfei wesigin anggikhi lagi aro.

FILIPI 4:3

Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.

KOLOSE 1:1

Hit Allah againafuri o Kolose andogoti lagep mene Kristus hinom hundik logolik, at faget hinobabut humbunhogo hilingiti lagep mene nerugwi nagaila'lak, an Paulus Allah endawimo anggasikheba Kristus Yesus nen nayonggo fuluk laknobagai wagaikhemo wagagi mene a'nogo, ninagot Timotius nemberegen wene yi lisu palogo hinoba lakfei wago andi. Nineisena Allah obabut fano a'nogo nen, fano mene wokhisigik, hinendawinggen hambuget hinafik, ikhi logouwago.

KOLOSE 4:11

At Yustus, enu ekhe Yesus a'nogo nen, hai wathinafe aro. Inagap inenggalimo mene palek mene re, inebe henagan enek Allah awe a'ma logogun wene a'nogo ninomen yagaisikhi logolik lebetniugunem nendawimo fano ari'logo.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

2 TESALONIKA 1:1

Hit Allah againafuri o Tesalonika andogoti logolik, nineisena Allah inom, ninoe Enupogot Yesus Kristus inom, hinom hundik welagep mene nerugwi nagaila'lak. An Paulus, Silas, Timotius inom, ninomen wene yi lisu palogo hinoba lakfei wago andi.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

FILEMON 1:23

At Epafras nemberek Kristus Yesus faget hilingiti lago andi nen, ninenggi hele warogo ninobagama welago mene a'nogo nen hai wathafe o.

FILEMON 1:24

Nen, an nagaila'lak Kristus faget hilingiti lago mene, Markus inom, Aristarkhus inom, Demas inom, Lukas inom, inebe mondogaren hai wathafa aro.

FILEMON 1:9

an Paulus yogondak nebe arat yaman agirik welagimo, Kristus Yesus faget nenggi hele warogo nobagagama welagi. A'nogo logolik, hat nendawirogo welagirek andi nen, nane liokhogo hoba ekhe kino yagahesik.