Nimbe Para Tilimu 19:4 - Imbongu

⁴ Iye nomi 24 kinye, mele koinjo mololi kite kinye, enoni iye nomi king polona moromo Gotenga kumbe kerena mainye pungo tamalu peko, yu kapi ningo imbi liko ola mundukolio ningei, “Aku tepa tepili! Gote kapi nimbo imbi lipo ola mundemili!” ningi.

Nimbe Para Tilimu 19:4 Iomraidhean Croise

Matyu 28:20

enondo na kitipi kanolimani teangei nindu mele pali aku uluma teangei ningo eno mane tieio. Aku teko nilko andoko molonge kinye na eno kinye waliwalima paimbo molamboi mulu mai talo pora nimbelo,” nimu. Aku peya.

Matyu 6:13

Lino manda manjili uluma ombalo wali tiye naa kolowi. Iye kerimunga kina wendo liwi. Nu linonga iye nomi penga pa telina morono. Molorunu mele molko kau puruno. I paa. ningo aku teko Gote kinye nengei.

1 Korin 14:16

Konopuma mele tenga pupili ningolio minimuni Gote kapi ninio lemo da ulumu naa pileli imboreni ambe temona nunge Gotendo paa tereno nino ungumundo paa nino nimbeloya? Nino ungu naa pilipelie panino ungu manda naa nimbelo.

Nimbe Para Tilimu 15:7

Wendo oringi wali mele koinjo mololi kite akumanga teni mingi kou goloni teli kite yupoko pakera, waliwalima molopa kau puli Gote yunge mumindili kololi uluma peko lepa molorumumu ensel kite yupoko pakera tirimu.

Nimbe Para Tilimu 19:1

Aku uluma pora nimu wali altopo pileru kinye mulu kombuna imbo awini ungu nimele mele ungu te wendo orumuna pileru. Akumani alako tokolio ningei, “Goteni uluma pali paimbo tumbi tipe moke tepalie teremo. Imbi paa ola mololi apureli ambomu yuni apureli toli uluma terimumuni mai kombuna imboma molko kenjingei nimumunga aku ulu terimuma Goteni pilipe moke tepa apurupe yu mindili nopili nimu. Aku ambomuni Gotenga kendemandema topa kondorumu akumanga mememanga Goteni pundu tondopa mindili tirimu akumunga yu kapi nimbo imbi lipo ola mundemili! Mindili noromulu aulkena lipe tapondopa wendo ltimo ulumu yu kinye pepa, yunge imbi paa olandopa molopa, pa enge nilimu yu kinye pepa, yu melema pali nokombalo imbimu kinye engemu talo peremo iyemu,” ningo akume ningi.

Nimbe Para Tilimu 19:3

Altoko alako tokolio ningei, “Yuni yu topa kalomomunga ilio waliwalima omba kau peremomunga Gote kapi nimbo imbi lipo ola mundemili!” ningi.

Nimbe Para Tilimu 19:6

Altopo pileru wali, imbo awinini ungu panjirimele mele ungu te, no awili topalie uwa nimo mele molo, mulu enge nimbe toromo mele ungu te pileru. Akumani ru ningolio ningei, “Linonga Gote Awili Enge Pepa Imbi Awili Olandopamu Ltemo Iyemu kamukumu iye nomi kingimu molopa melema pali nokoromomunga yu kapi nimbo imbi lipo ola mundemili!

Nimbe Para Tilimu 5:14

Aku ungu ningi wali mele koinjo mololi kiteni ningei, “Paa aku tepa wendo opili!” ningi. Iye nomi 24 akumani mainye pungo tamalu peko kapi ningo elonga imbi liko ola munduringi.