Nimbe Para Tilimu 18:9 - Imbongu

⁹ Yu kinye wapu ulu kerinali teko, yu eio konopu leko eno none teringi iye nomi kingimani yu tipeni nomba ilio wendo ombalona kanokolio kondo kolko kola teko konopu keri lenge.

Nimbe Para Tilimu 18:9 Iomraidhean Croise

1 Timoti 5:11

Nalo kokele ambo waimanga imbi naa mondangei. Eno Kraist konopu mondoko pimele mele iye te lupe konopu mondoko pilinge ulumuni tepa mainye mundumbelo kinye oi kokele ambo waima molkolio Kraistinga kongonomu kau tendepo molomolo ningo, ningo panjiringi ungu tiye kolonge kinye Goteni eno teko kenjiringi nimbelo kani enonga imbima ambo waimanga imbima kinye popo tiko naa mondangei.

Nimbe Para Tilimu 14:11

Eno mindili timbelo tipemunga iliomu pora naa nimbe waliwalima ilio tepa kau pembalo. Mele takeramu kinye yu none teli manda leko teko wamoko teringi melemu kinye popo toko imbi liko ola mundunge, molo yunge imbimu mai mongona molo kina molombalo imboma mulu naa liko ipu leli tangoli mindili nongo kau molonge,” nimu.

Nimbe Para Tilimu 17:2

Maina moloringi iye nomi kingima kinye yu kinye wapu ulu kerinale teringi, we imbo maina moloringima kinye yu wapu ulu kerinale terimumunga no wain nongo keke lepo toromele mele aku teko keke lepo toringi,” nimu.

Nimbe Para Tilimu 18:18

tipe nombalomunga iliomu kanokolio ningei, ‘I ulke kombu awilimu none teli te lerimuya?’ ninge.

Nimbe Para Tilimu 18:20

Mulu kombuna moromele imboma kinye, Gotenga imboma kinye Kraistini yunge kongonomu tendepaio nimbe lipe mundurumu iyema kinye Gotenga nimbe munduli ungu nili imbo profetema kinye i kombumuni eno mindili tipe tepa kenjirimumunga Goteni moke tepalie yu mindili tipe tepa kenjirimumunga eno konopu tiko tono kolaio nimbelo.”

Nimbe Para Tilimu 18:3

Kano kombuna imbo moloringimani wapu ulu kerinali tenge uluma peremo no wain paa enge nilimu we kombumanga pali imbo talapema noringimunga kamukumu keri lerimu. Kombumanga pali iye nomi kingimani kape yu kinye wapu ulu kerinale teringi. Maina bisnis teringi iyemani eno none teko mele kerima eio konopu leko eno yu kinye bisnis teko kou mone awini ltingi,” nimu.

Nimbe Para Tilimu 18:7

Yu yunu oi molopo kondambo nimbe yunge imbi lipe ola mundupe yu none tepa molorumu aku tepa mele pundu toko olandopa olandopa yu mindili tiko umbunima mepili tiengei! Yuni konopuna kelkele topalie nimbei, ‘Na ambo nomi kwin molopo kwininga polona moro. Na ambo waire naa moro. Na walite kape kola tepo kola ulke naa molombo,’ nimbe konopu ltemo.

Nimbe Para Tilimu 19:3

Altoko alako tokolio ningei, “Yuni yu topa kalomomunga ilio waliwalima omba kau peremomunga Gote kapi nimbo imbi lipo ola mundemili!” ningi.

Nimbe Para Tilimu 2:22

Akumunga nani Yu kuro awili tepa topili nimbo. Yu kinye wapu ulu kerinale teremele iyema yuni ulu teremoma kanoko keri naa pilko konopu topele naa tonge lemo mindili awili nangei nimbo.