Nimbe Para Tilimu 16:10 - Imbongu

¹⁰ Ensel kite pakera tipemuni mingi ambolorumumu mepa pumbe mele takeramunga iye nomi king molopa nokorumu polona ondorumu wali yuni nokorumu kombuma pali tumbulu torumu. Imboma paa mindili nongo enonga nomimu kapu lerimuna kere kongilko,

Nimbe Para Tilimu 16:10 Iomraidhean Croise

Matyu 13:42

tipe awili nomba peremo kombuna tukundo toko mundunge, kanona imboma kola teko paa mindili nongo pereko molonge.

Matyu 13:50

imbo teko kenjiko molongema liko tipe awili we nomba kau peremo kombuna toko tuku mundunge, kanona kola teko paa mindili nongo pereko molonge,” nimu.

Matyu 22:13

Kano wali kingimuni langi nokoringi kendemandemando nimbei, ‘I iyemu kimbo kima ka tokolio kombu tumbulu toromona toko pena mundeio!’ nimu. Akuna imboma paa mindili nongolio kola teko pereko molonge,” nimbe nimu.

Matyu 24:51

Ombalo kano iyemu tepa molombalo ulu kanopalie yu paa koipeni pupu topalie, kolo toromele imbo topele mapele toli imboma kombu keri moromelena pupili nimbe lipe mundumbelo. Kano kombuna imboma paa mindili nongo kola teko pereko molonge,” nimu.

Matyu 8:12

Nalo Goteni yunge imboma nimbe kanopa ltimu Israel imboma yu nokopa moromo kombuna pungo molemala imboma yuni topa makoropa tumbulu tolina mundumbelo. Kanona paa mindili nongolio kola teko pereko molonge,” nimu.

Lukuni Ungu Tukumemu Topa Panjirimumu 13:28

Akuna tawendo molkolio eno anda kolepale Abraham, Aisak, Jekop poko kinye Gotenga iye profetema pali kinye, eno Gote iye nomi kingimu molopa nokombalo kombuna tukundo molongena kanokolio eno enono akuna tawendo molkolio eio ningo kola teko molonge.

1 Pita 2:17

Eno pipia topo tiro imbomani imboma pali teko kondoko, unguma liko awili tieio. Paimbo ningo ipuki tirimele angenalima konopu mondoko, Gote pipili kolko liko awili tiko, iye nomi kingimu wale pakaio.

Nimbe Para Tilimu 11:10

Maina molonge imbomani elonga ono talo kanokolio konopu tiko, langi koiko nongo, enonga pulu ltemo imboma melema we tiko mundunge. Kano iye taloni maina molonge imboma oi mindili liko tiringilimunga aku ulu tenge.

Nimbe Para Tilimu 11:2

Nalo Gotenga ulke tempelemu okoko pape teringina tukundo kombumu Juda imboma naa moromelema tirimulu kani akumu manda naa lewi! Kano imboma Gotenga ulke kombu awili kake telimunga kambulko andoko molangei oli 42 omba pumbelo.

Nimbe Para Tilimu 11:8

Elonga ono talo ulke kombu awili aulke tenga akuna we lembalo. Oi elonga Awilimu unjo polopeyana toko kondoringi kolorumu kombu paa awili aku kombumunga imbi leko ungu manda lekolio Sodom ningo Isip nimele.

Nimbe Para Tilimu 17:17

Goteni iye nomi kingima yunge kongonomu tendangei nimbe konopuni pilko teangei nimbe pilerimu mele enoni aku teko pilko eno kinye mele takeramu kinye konopu tendekuna pupili molamili ningo enonga kombuma nokonge engema mele takeramu tinge. Eno aku teko molangei Goteni wendo opili oi nimbe panjirimu unguma wendo ombalo. Aku wali enonga kongonomu pora nimbelo.

Nimbe Para Tilimu 17:9

Imbo lipe manjilimani ungu pulumu wamongo liko manjinge. Pinyewe kite yupoko pakera akuma mulu kembo kite yupoko pakerama manda lerimu. Akuna ambomu ola moromo.

Nimbe Para Tilimu 18:2

Yuni paa enge nimbe alako topalie nimbei, “Ulke Kombu Awili Imbi Paa Olandopa Mololi Babilon kamukumu bembo nimo. Kamukumu beambo nimbe pora timo. Oi kombu pengamu nalo kinye kuro kerima linonga kombumu ningo akuna peremele. Kuro keri kalaro mololima kinye kera kalaro mololima kinye kera keri lelima kinye akuna peremele.

Nimbe Para Tilimu 18:21

Kano kinye ensel paa enge nili teni kou paa awili te ola lipe nomu kutana topa mainye mundupelie nimbei, “I tero mele aku tepa ulu enge nili wendo ombalo teni ulke kombu awili imbi paa ola mololi kombu Babilon topa mainye mundumbelona imbomani i kombumu altoko naa kanonge.

Nimbe Para Tilimu 18:23

Nu kombumu tipe lam pa naa tembalo. Iye te ambo limbei molo ambo te iye pumbeindo ungu nimele mele nu kombumu altoko naa pilinge. Oi nunge bisnis teringi iyema kombumanga pali iye kamakoma moloringi. Nunge kuro koiringi ulumuni nuni mai kombuna imboma pali kolo toko kondi toko tirinu akumuni imbomani ulu keri awini teringi.

Nimbe Para Tilimu 8:12

Ensel biukel ambolko angileringimanga kite tipemu yunge biukel ambolorumumu popo torumu wali ena kinye oli kinye kombu kandiyema kinye yu mele mele mo yupokonga mokemake leringi, mo te keri lepa tumbulu topa pa naa terimu, akumunga tangoli mo yupokonga mo te kombu pa naa tepa, ipu leli mo yupokonga mo te kombu pa naa terimu.

Nimbe Para Tilimu 9:2

Aku kowa murumunga kere pulumu omba ki lipelie nangape torumu wali tipe nombalie ilio mambulu mepa wendo ombalie ena kinye mulu kinye pipi tipe tumbulu torumu.