Nimbe Para Tilimu 11:8 - Imbongu

⁸ Elonga ono talo ulke kombu awili aulke tenga akuna we lembalo. Oi elonga Awilimu unjo polopeyana toko kondoringi kolorumu kombu paa awili aku kombumunga imbi leko ungu manda lekolio Sodom ningo Isip nimele.

Nimbe Para Tilimu 11:8 Iomraidhean Croise

Matyu 10:15

Nani eno paimbo nimbo tiro. Kot walimu wendo ombalo kinye kombu awili Sodom kinye Gomora talo elonga imboma oi ulu pulu keri awini teringi nalo elonga kot kelo mele pembalo. Nalo i imbo enondo tukundo waio ungu naa ningo enonga ungu pilko naa linge imboma kot walimu wendo ombalo kinye enonga kot awilimu pembalo.

Aposel 9:4

Yu mini lepalie ai topa mainye lepa pilerimu kinye ungu te yundo nimbei, “Sol, Sol nuni ambe temona na mindili liko tirinoya?” nimu.

Hibru 13:12

Aku teko teremelemunga Jisas kape yunge mememuni Goteni imboma kanopa kake telima nimbe kanopili nimbe imbo molko peringi ulke kombumunga pape tawendo mindili norumu.

2 Pita 2:6

Kombu awili Sodom kinye Gomora talonga imboma teko kenjirimele kani kolangei nimbe Goteni aku kombu talo tipeni topa kalorumu kinye aku kombu talo tipe keku lierimu. Gote umbulu tinge imbomani oi Sodom Gomora talo Goteni topa kalorumu mele altopo lino kinye kape aku tepa wendo ombalo ningo liko manjengei nimbe aku ulu terimu.

Jut Pipia Topa Mundurumu Ungumu 1:7

Aku enselemani teko kenjiringi mele kombu awili Sodom Gomora talo kinye, aku kombu talonga nondopa lerimu kombu mare kinye, aku kombumanga moloringi imbomani aku teko teringila. Sodom Gomora kombu talo moloringi imboma andoko wapera toko, ambomani amboma kinye ulu kerinale teko, iyemani iyema kinye ulu keri nale teko, aku ulu paa kerima teringi. Aku imboma tipe waliwalima nomba pepa kau purumo tipemuni topa kalorumu. Aku temanemu altoko pilengeila! Neya imboma teko kenjiringimunga Goteni mindili tirimu aku ulumuni lino manda lepo temolo kinye Goteni lino aku tepa tepa kenjimbelo ningo pilengei nimbe lepi lepi toromo.

Nimbe Para Tilimu 11:13

Olando pungili puringili kinye walitikale mai parambala enge nimbe terimu wali ulke kombu awilimu owe 10 topa, owe tenga ulke melema pali topa kalorumu. Mai parambala terimumuni imbo 7,000 topa kondorumu. Imbo naa kolko we moloringimani paa mini lteko pungu pungu ningo mulu kombuna moromo Gote kapi ningo yunge imbi liko ola munduringi.

Nimbe Para Tilimu 11:9

Imbo talape lupe lupema, ungu lupe lupe ningo, kangi lupe lupe angilipe, kombu lupe lupe molonge imbomani elonga ono talo nemeneme ningo kanopundala tenge nalo mareni ono teamili naa ninge. Aku teko molangei, wali yupoko omba pumbe kite tipemunga ekondo wendo ombalo.

Nimbe Para Tilimu 14:20

Ulke kombu awilina tawendo wain mongoma kombuna kimboni kambulko takelemakele teringi wali kombuna meme wendo omba 300 kilomita mele omba pumbe, olando olando omba kongi os te ola angimo tenga kumbena mele orumu.

Nimbe Para Tilimu 14:8

Kano enselemu purumu kinye ensel te ombalie nimbei, “Ulke kombu awili imbi paa ola moromo Babilon kamukumu keri ltemo. Paimbo kamukumu keri ltemo. Kano kombuna moloringi imbomani we kombumanga pali imbo talapema Wapu ulu kerinale tenge peremo, no wain paa enge nilimu nangei nimbelie tirimu,” nimu.

Nimbe Para Tilimu 16:19

Aku terimu wali ulke kombu paa awili Babilon owe topa yupoko tepa, imbomanga kombu lerimumanga ulke kombu awilima keri lepa pora tirimu. Goteni ulke kombu paa awili Babilon komu naa tindipelie Gote yunge mumindili paa kolorumumu perimu no wain mingimu yu pali nopili nimbe tirimu.

Nimbe Para Tilimu 17:1

Gotenga mumindili kololi uluma perimu mingi kite yupoko pakera oi ambolko moloringi enselemanga teni na moloruna ombalie nimbei, “Ambo wapera toli awilimu, no awini omba purumomanga ola moromomu, aku ulu teremomunga mindili tingena limbelo mele nu lipo ondamboi owi!

Nimbe Para Tilimu 17:18

Ambo kanoniomu akupe maina moromele iye nomi kingima pali nokoromo ulke kombu paa awilimu,” nimu.

Nimbe Para Tilimu 17:5

Yunge mai mongona yunge imbi molorumu, aku imbimu ungu iko te molorumu, akumu i tepa, Babilon Paa Awilimu, Wapera Toromelema Kinye Maina Imbomani Ulu Pulu Paa Kalaro Mololi Kerima Teremelemanga Enonga Anumu, nimbe molorumu.

Nimbe Para Tilimu 18:10

Yu mindili nombalo ulu kanokolio mini lteko tule teko angilkolio ningei, ‘Ai ya! Ai ya! Ulke kombu imbi paa ola mololimu, kombu paa awili enge nili Babilon! Ena mongo tendekumunga kau nunge teko kenjirinumunga uluma walitikale wendo oromo,’ ninge.

Nimbe Para Tilimu 18:18

tipe nombalomunga iliomu kanokolio ningei, ‘I ulke kombu awilimu none teli te lerimuya?’ ninge.

Nimbe Para Tilimu 18:2

Yuni paa enge nimbe alako topalie nimbei, “Ulke Kombu Awili Imbi Paa Olandopa Mololi Babilon kamukumu bembo nimo. Kamukumu beambo nimbe pora timo. Oi kombu pengamu nalo kinye kuro kerima linonga kombumu ningo akuna peremele. Kuro keri kalaro mololima kinye kera kalaro mololima kinye kera keri lelima kinye akuna peremele.

Nimbe Para Tilimu 18:21

Kano kinye ensel paa enge nili teni kou paa awili te ola lipe nomu kutana topa mainye mundupelie nimbei, “I tero mele aku tepa ulu enge nili wendo ombalo teni ulke kombu awili imbi paa ola mololi kombu Babilon topa mainye mundumbelona imbomani i kombumu altoko naa kanonge.

Nimbe Para Tilimu 18:24

Gotenga imbo profetema kinye Gote yunge imboma kinye Babilononi topa kondorumumanga memema aku kombuna ltemo. Mai kombumanga pali toko kondoringi imbomanga memema kape aku kombuna ltemo. Aku uluma pali wendo orumuma kombu Babilon yuni kau tepa kenjirimu,” nimu.