Filemoni 1:6 - Mazu Otchena a Mulungu

⁶ Miyo eto nnalobela ira uwendegeve na nroromelo kwaranya neno ninna we. Tchoira muwari mowendave na nroromelo ninna we, tchi tempu inafuna we mariha onelramo jatene japama jinna hiyo mokala muwari mwa Kiristu.

Filemoni 1:6 Iomraidhean Croise

Matewuji 25:16

Namalaba wenno avahiwe kobiri tanu ule, ohotukulaga kobiri dile, liye roma sakanyana malronda. Mwa enne ohopamo kobiri dimohi diwa tanu.

Matewuji 5:16

Sawasawa nnga nyo, inafwanela muhindihege wareya wenyu vamentoni va atu ira kaona mabasa apama analaba nyo, kamutamalelege Babinyu uli zulu.

1 Korinto 14:25

Unoona nnga munawonga yengo yenno ikoyile liye mmirimani mwaye. Evale liye unokokora, roma mutamalelaga Mulugu. Eto unowonga ira: <<Na ibaribari Mulugu uli muwari mwa nyo.>>

1 Korinto 16:9

Mwasiwa uhuleya mulango mundimuwa wapama ira diwande laba mabasa apama eto kohokalawo amwidani adjindji anavenda joruniha jinalaleya miyo.

Filipo 4:8

Yengo yogomiheda inafuna miyo dukokomezeni nyo abalaga, nnafuna ira muumbuwelege jengo japama. Inafwanela muumbuwelege jengo ja ibaribari, jofwanela, jokwakwanela, jotchena, jofwanela ziveliwiwa, jofwanela rumeliwa, malringana ili yatene inafwanyeya yagali yapama, yofwanela teteliwa, muumbuwelege ejo.

Koloso 1:9

Nagavwile zela nroromelo nenyu, kanihiyile ulobelelani. Muwari moulobelelani, nnanvepa Mulugu ira auiziwiheni pama pama jofuna jaye ira mukayena zelru datene no onelramo watene okumela wa liye

Koloso 3:10

Nyo eto muhutukula mawendelo maxa, muhuwara. Mawendelo maxa ayo aneregeve sandutchiwa muwari mwa zelru da Mulugu ira kakale olingana na Mulugu wenno upandutchile mawendelo maxale.

Titu 3:14

Vamohive vevo inafwanela waawandele afwihu omuroromela Yesu ira aliwa kafundje makalelo okala atu ozuzumela irana japama ira kaakamihedege atu anno anatabwa segedeya hiya kala atu ohohinda yengo.

Eberewu 6:10

Tchoira Mulugu gu Mulugu otonga pama. Liye kanalramwisa jatene jaira nyo momuumbuwela liye, mwaakamihedaga afwinyu otchenihiwa, mwaalabelaga eto mwaaziveliwaga. Eto tcheniyo inairana nyo na vanove. Jatene ejo Mulugu kanalramwisa.

Tiyagu 2:14

Miyo abalaga nnafuna dufukeni. Mutu awonga ira: <<Miyo dihikana nroromelo.>> eto ahawandaga hinda yengo, mutule ulabile nni? Kodi nroromelo na makalelo anno nnowanda muvulusa mutu? Nari.

Tiyagu 2:17

Na makalelo amohive, nroromelo nahanavioniheda muwari mwa joira japama, ti nroromelo nokwa nene.

1 Peduru 2:12

Mwawendaga na atu a unde, muwendege na makalelo apama. Masiki aliwa kawongege zela nyo ira muli atu abure, inafwanela mwaairelegeve upama ira aliwa kagaonne makalelo apama munna nyo, siku neno nnafuna liye za nipanda, na aliwene kafwanyeye kagali atu omutitimiha Mulugu.

1 Peduru 3:1

Na makalelo mamohive, na nyenne ahiyana muteliwe inafwanela mwaavwelelege amamuninyu. Ili ira wamukana mamunawo ohobalra mazu, aona makalelo awo ira weyo uli muhiyana wa makalelo apama, okana respeto, liye awande iziwa ira mazu kohokana mabasa muwari mwa mawendelo awo apama masiki weyo wahamuwandenleve mazu.

1 Peduru 3:16

Mbwenye muwakulege moviyeviha eto muwari moariheda afwinyu. Muiregena eno na mmirimani mwenyu mwatene ira ale anawonga joululuvihani zela mawendelo enyu apama omuroromela Kiristu kawande kana manyazo.

2 Peduru 1:8

Tchoira akala munowanda irana jatene eji eto akala munowendjedave, ti jeji jinafuna ukamihedani ira mukale atu owanda hinda mabasa, ovaha misapo dapama, mwagalive atu omuiziwa Nabwiya wehu Yesu Kiristu.