Filemoni 1:12 - Mazu Otchena a Mulungu

¹² Miyo dimurumaga mulombwana Onezimo ira awelele wa we, ili nnga nnamuruma murima waga.

Filemoni 1:12 Iomraidhean Croise

2 Samuweli 16:11

Noira enne, Davi ohowongagave na Abizayi vamohi na asogolrelraye atene, liye ira: <<Mwana umbanle miyo unodisaka ira adipe! Nnga akala mwanaga ombala miyo unofuna jodipa, nnga ikalele mutu wa nlogo na Benjami ula? Mmuhiye liye asakanye jinafune liye. Mmuhiye liye aditembelrelre, tchoira gu Yehova umurumile ira airena!

Markuji 11:25

Eto mwalobelaga, mubabihege akurumuwela anno kauireleni yabure ira Babinyu uli zulu awande kurumuwela jotega jenyu.

Lukaji 15:20

<<Agaumbuwenle enne, ohovenyaga adowaga vande va babaye. Mbwenye ahanafiye, agali olapela wene, babaye ohomuonaga. Evale liye agaonne makalelo anna mwanaye ule, ohomukumbanyaga, liye tamanga dowa mukumbarela, liye mbejari.

Efezo 4:32

Kada mutu inafwanela amuirelege nfwaye upama. Kada mutu ankumbanyege nfwaye. Mulevelelanege kada mutu na nfwaye nnga eto Mulugu uulevelenleni liye muwari mwa Yesu Kiristu.

Detoronomiyo 13:6

<<Akala mbalawo wa ingulu imohive na weyo, nari mwanawo wa mwanapongwe owu wa mwana muhiyana, nari muhiyanawo unamugonana we, nari nfwawo wenno unamuziveliwa we nnga maningo awo, aza auwongagana mazu ofuna uholotcha eraga: <Ndowe naatamalelege amilugu amohiwa> ahali Mulugu umuiziwile we, nne makolo awo kahamuiziwile atu,

Filemoni 1:11

Malambo a mundulrimu mulombwana Onezimo kaulabelave yengo yooneya. Peno mbwenye liye gu mutu okana mabasa ooneya pama para weyo eto para miyo.

Filemoni 1:13

Dogoziveliwa nnga Onezimo akale na miyo ira alabege mabasa vamohi na miyo ora ili miyo munyakadeya na mwasa olaleya Muselu Wapama. Liye erege dikamiheda vamalroni vawo.