Eberewu 9:5 - Mazu Otchena a Mulungu

⁵ Vazulu va tampa ya Kaxa ya Yopangana ile vohokomeliwa akerubi ambinli a oru kagatapunle mapepeluwa, kagudumeyaga tampa ya Kaxa ya Yopangana ile vevo vali wareya undimuwa wa Mulugu. Mbwenye hiyo muwari molremba karta ni, kahi ira nnafuna nuwandeleni makalelo a jatene.

Eberewu 9:5 Iomraidhean Croise

2 Amwene 19:15

Noira enne, mwene Ezekiya oholobelaga wa Yehova eraga: <<Yehova Mulugu wa Izarayeli munakala vari va akerubi, nyo bahi guli Mulugu wa maumwene atene a ilambo ya vati. Nyo gusakanyile ilambo ya zulu na ilambo ya vati.

1 Koronika 28:11

Davi ohonvaha mwanaye Salomawu jolremba jooniha makalelo kafuna kana Nyumba ya Yehova na makalelo afuna kana alpendara vatando viwa, nyumba dowerewera Nyumba ya Yehova na nyumba mokoya jorayela, nyumba dobandihiwa na ntchihi na Nyumba ya Yehova, na kwartu yosembeselramo jotega.

Roma 9:4

Tchoira aliwa babehediwe ira kakale ahima a Mulugu. Moneya undimuwa wa Mulugu wawenda na aIzarayeli. Mulugu apanganne jopangana na aliwa. Zela pandi ya malamulo, Mulugu aavahedile aliwene. Muwari moawandela atu makalelo omutamalela, Mulugu aawandenle aliwa. Muwari moavaha mapangano, apanganne na aliwa.

Efezo 3:10

Yofuna yaye ali ira tempu ili hiyo ila andimuwa na amwene anafwanyeya mamburo a zulu-zulu, kaonege zelru dohiyana-hiyana da Mulugu dimwadeyaga muwari mwa hiyo atu omuroromela Yesu.

Eberewu 4:16

Nona tempu inasegedeya hiyo inafwanela niwande kwivela mohokayikela mpando wa umwene wewo unakumela sayi ira niwande wendeliwa tangaranga eto nifwanye sayi ira niwandege kamihediwa tempu inafuna hiyo nnga nikamihediwe.

1 Peduru 1:12

Evale Mulugu ohowanda aoniha anamafiyiheda ale ira: <<Jejo jafiyiheda nyo kajinalaba tempu yenyu mbwenye jinafuna jize jaafwanye atu amohiwa sogolro.>> Atu a sogolro kawongiwa gu nyenne. Tchoira muwari mwa kopolo da Munemba Otchena wenno ukumenle zulu, kohokalawo kazile ulaleyani ibaribari zela japama jawongiwa wanle, aliwa ulaleyani Muselu Wapama, jejo jinavenda angelro ira kaiziwe.

1 Samuweli 4:4

Mwa enne koharumaga atu Silo ira kadowele Kaxa ya Yopangana ya Yehova wa Makuru Matene, wenno unakala vari va akerubi ambinli. Ora yenno, mulombwana Hofini na mbalaye Fineyasi anno kali ana Eli kohokalavo kavelelaga kaxele kadowagana wafwanyeya aIzarayeli.